ဇန်နဝါရီ ၄၊ ၂၀၂၀
M-Media
-အမေရိကန်တပ်ဖွဲ့ဝင်တွေအပေါ် ခြိမ်းခြောက်မှု မြင့်တက်လာတဲ့အတွက် အရှေ့အလယ်ပိုင်းဒသကို နောက်ထပ် တပ်ဖွဲ့ဝင် ၃၀၀၀ နီးပါး စေလွှတ်သွားမယ်လို့ အမေရိကန် အာဏာပိုင်တွေက ပြောကြားလိုက်ပါတယ်။
အီရတ်က အင်အားတောင့်တင်းတဲ့ ပြည်သူ့စစ်အဖွဲ့ PMF ရဲ့ အခြေစိုက်စခန်းတွေကို ပြီးခဲ့တဲ့ သီတင်းပတ် နှောင်းပိုင်းက အမေရိကန်က တိုက်ခိုက်ခဲ့တာ၊ အီရန်တော်လှန်ရေးအစောင့်တပ်ဖွဲ့ IRGC က ထိပ်တန်းဗိုလ်ချုပ် ကာစင် ဆူလိုင်မာနီကို မနေ့က အီရတ်မှာ လုပ်ကြံသတ်ဖြတ်တာတွေ ပြီးတဲ့နောက် အရှေ့အလယ်ပိုင်းမှာ တင်းမာမှုတွေ မြင့်တက်နေတာပါ။
အခုတစ်ပတ်အစောပိုင်းက ဘဂ္ဂဒတ်က အမေရိကန်သံရုံးကို အီရတ်ပြည်သူတွေ စီးနင်းခဲ့တဲ့အတွက် အမေရိကန်ဟာ အခုသီတင်းပတ် အစောပိုင်းကလည်း ကူဝိတ်က အခြေစိုက်စခန်းကို တပ်ဖွဲ့ဝင် ၇၅၀ စေလွှတ်ခဲ့ကာ ထပ်တိုး ၃၀၀၀ နီးပါးကိုလည်း ကူဝိတ်မှာ ချထားမှာ ဖြစ်ပါတယ်။
ဗိုလ်ချုပ် ဆိုလိုင်မာနီ လုပ်ကြံခံရမှုကြောင့် အီရန်ဖက်က တုန့်ပြန်လက်စားချေလိမ့်မယ် ဆိုတဲ့ စိုးရိမ်မှုတွေလည်း ရှိနေပါတယ်။
အရှေ့အလယ်ပိုင်းမှာ အီရန်ရဲ့ရန်ကို တုန့်ပြန်ဖို့ဆိုတဲ့ အကြောင်းပြချက်နဲ့ အမေရိကန်ဟာ ပြီးခဲ့တဲ့နှစ် မေလကစလို့ တပ်ဖွဲ့ဝင် စုစုပေါင်း ၁၄၀၀၀ လောက်ကို ထပ်မံစေလွှတ်ခဲ့ပါတယ်။
Ref: Aljazeera
