ဇွန် ၁၈၊ ၂၀၁၉
M-Media
-အရှေ့အလယ်ပိုင်းဒေသမှာ တပ်ဖွဲ့ဝင် ၁၀၀၀ လောက်ကို ထပ်မံစေလွှတ်သွားမယ်လို့ အမေရိကန် ခေတ္တကာကွယ်ရေးဝန်ကြီး ပက်ထရစ် ရှာနာဟန်က မနေ့မှာ ထုတ်ပြန်ပြောကြားလိုက်ပြီး အီရန်ရဲ့ ခြိမ်းခြောက်မှုတွေကို ကာကွယ်ဖို့ ရည်ရွယ်တယ်လို့ ဆိုပါတယ်။
၂၀၁၅ ခုနှစ် နျူသဘောတူညီချက်ကနေ နှုတ်ထွက်ကြောင်း ပြီးခဲ့တဲ့နှစ် မေလမှာ အမေရိကန်က ကြေငြာပြီးနောက်ပိုင်း အီရန်နဲ့ အမေရိကန်တို့အကြား တင်းမာမှုတွေ မြင့်တက်ခဲ့တာပါ။ အမေရိကန်ဟာ အီရန်အပေါ် ပိတ်ဆို့မှုတွေ ပိုမိုပြုလုပ်ခဲ့သလို၊ အီရန်ရဲ့ တိုက်ခိုက်နိုင်ဖွယ်ရှိမှုကို တုန့်ပြန်ဖို့ဆိုကာ ပင်လယ်ကွေ့ဒေသမှာ မေလအတွင်း လေယာဉ်တင်သင်္ဘောအပါအ၀င် တပ်တွေ
ထပ်တိုးချခဲ့ပါတယ်။
မနေ့ကထုတ်ပြန်တဲ့ ကြေငြာချက်မှာ ကာကွယ်ရေးဝန်ကြီး ရှာနာဟန်က အရှေ့အလယ်ပိုင်းဒေသမှာ ရှိနေတဲ့ မြေပြင်၊ ရေပြင်၊ ဝေဟင် ခြိမ်းခြောက်မှုတွေကို ကာကွယ်ဖို့ ရည်ရွယ်ချက်အတွက် တပ်ဖွဲ့ဝင် ၁ ထောင်လောက် တပ်တိုးချထားဖို့ ခွင့်ပြုခဲ့တယ်လို့ ဖော်ပြထားပါတယ်။
“အီရန်တပ်ဖွဲ့တွေ၊ သူတို့ ကျောထောက်နောက်ခံပြုထားတဲ့ အုပ်စုတွေက ဒေသတွင်းမှာရှိနေတဲ့ အမေရိကန်တပ်ဖွဲ့ဝင်တွေ၊ အမေရိကန်ရဲ့ အကျိုးစီးပွားတွေအပေါ် ရန်လိုတဲ့လုပ်ရပ်တွေ လုပ်လိမ့်မယ်ဆိုတဲ့ တိကျတဲ့ ထောက်လှမ်းရေးသတင်းတွေကို လတ်တလော အီရန်ရဲ့ တိုက်ခိုက်မှုတွေက ထပ်လောင်းအတည်ပြုပေးနေပါတယ်” လို့ ရှာနာဟန်က ပြောကြားခဲ့ပါတယ်။
ပြီးခဲ့တဲ့တစ်ပတ်က အိုမန်ပင်လယ်ကွေ့မှာ ရေနံတင်သင်္ဘော ၂ စီး တိုက်ခိုက်ခံရတာကို ရှာနာဟန်က ရည်ညွှန်းခဲ့တာဖြစ်ပြီး ဒါဟာ အီရန်ရဲ့လက်ချက် ဖြစ်တယ်လို့ အမေရိကန်ဖက်က စွပ်စွဲထားပါတယ်။ မေလအတွင်းကလည်း ယူအေအီးနိုင်ငံ ကမ်းလွန်မှာ ရေနံတင်သင်္ဘော ၄ စီး တိုက်ခိုက်ခံရပြီး ဒီအတွက်လည်း အီရန်ကို အမေရိကန်က အပြစ်တင်ထားပါတယ်။
အီရန်ကတော့ ဒီစွပ်စွဲချက်တွေကို ငြင်းဆိုခဲ့ပြီး ဒေသတွင်း မတည်မငြိမ်ဖြစ်အောင် လုပ်ကြံမှုဖြစ်ကြောင်း၊ ဒီကိစ္စအတွက် ပင်လယ်ကွေ့နိုင်ငံတွေ ပူးပေါင်းဖြေရှင်းဖို့လိုကြောင်း တုန့်ပြန် ပြောကြားထားပါတယ်။
Ref: Aljazeera
