News @ M-Media

Tag: WuhanVirus

  • ကမ္ဘာ့အမြန်ဆုံးလူသား အူစိန်ဘော့တွင် ကိုရိုနာဗိုင်းရပ်စ်တွေ့

    ကမ္ဘာ့အမြန်ဆုံးလူသား အူစိန်ဘော့တွင် ကိုရိုနာဗိုင်းရပ်စ်တွေ့

    သြဂုတ် ၂၆၊ ၂၀၂၀
    M-Media

    ကမ္ဘာ့အမြန်ဆုံးလူသား အူစိန်ဘော့

    -ကမ္ဘာ့အမြန်ဆုံးလူသားလို့ အမည်ပေးခံရတဲ့ ဂျမေကာအပြေးသမား အူစိန်ဘော့မှာ ကိုရိုနာဗိုင်းရပ်စ် ကူးစက်နေကြောင်း တွေ့ခဲ့ရပါတယ်။

    ဘော့ဟာ ပြီးခဲ့တဲ့တစ်ပတ်က ၃၄ နှစ်ပြည့် မွေးနေ့ပါတီ ကျင်းပခဲ့ပြီးတဲ့နောက် စနေနေ့မှာ ကိုရိုနာစစ်ခဲ့ပြီး သီးသန့်နေထိုင်နေတာပါ။

    သူ့ရဲ့အးဂျင့် ရစ်ကီ ဆင်မ်က ဘော့မှာ ကိုရိုနာဗိုင်းရပ်စ်ရှိကြောင်း တွေ့ခဲ့ရပေမယ့် ရောဂါလက္ခဏာ မပြသဘူးလို့ ပြောကြားခဲ့ပါတယ်။

    ဂျမေကာ ၀န်ကြီးချုပ် အန်ဒရူးဟိုလ်နက်စ်က အူစိန်ဘော့ရဲ့ မွေးနေ့ပါတီ ကျင်းပမှုအတွက် ရဲတပ်ဖွဲ့က စုံစမ်းစစ်ဆေးမှုတွေ လုပ်နေတယ်လို့ ပြောကြားခဲ့ပါတယ်။

    ၂၀၁၇ ခှနှစ်မှာ အပြေးလောကကနေ အနားယူခဲ့တဲ့ ဘော့ဟာ အိုလံပစ်ချန်ပီယံ ၈ ကြိမ်၊ ကမ္ဘာ့ချန်ပီယံ ၁၁ ကြိမ် ဖြစ်ခဲ့သူပါ။

    ကမ္ဘာ့နံပါတ် ၁ တင်းနစ်ကစားသမား နိုဗက် ဂျိုကိုဗစ်၊ ဘာစီလိုနာဘောလုံးအသင်း အလယ်တန်းလူ ပဂျာနစ်တို့ အပါအ၀င် ကမ္ဘာ့အားကစားလောကကထိပ်တန်းကစားသမားအချိုးဟာ ကိုရိုနာဗိုင်းရပ်စ် ကူးစက်မှုကို ခံခဲ့ရပါတယ်။

    Ref; BBC

  • ကိုဗစ်ကာကွယ်ဆေးအတွက် ဘဂ်လားဒေ့ရှ်က အိန္ဒိယနှင့် ပူးပေါင်းလုပ်ဆောင်မည်

    ကိုဗစ်ကာကွယ်ဆေးအတွက် ဘဂ်လားဒေ့ရှ်က အိန္ဒိယနှင့် ပူးပေါင်းလုပ်ဆောင်မည်

    ဩဂုတ် ၂၀၊ ၂၀၂၀
    M-Media

    -အိန္ဒိယနိုင်ငံရဲ့ ကိုဗစ်ကာကွယ်ဆေး ထုတ်လုပ်မှုမှာ ပူးပေါင်းဆောင်ရွက်ဖို့နဲ့ ကာကွယ်ဆေး စမ်းသပ်ဖို့ အသင့်ရှိတယ်လို့ ဘဂ်လားဒေ့ရှ်နိုင်ငံက ပြောကြားလိုက်ပါတယ်။

    အိန္ဒိယ နိုင်ငံခြားရေး၀န်ကြီးရဲ့ အခုတစ်ပတ် ဘဂ်လားဒေ့ရှ်ခရီးစဥ်မှာ ကိုဗစ်ကာကွယ်ဆေးကိစ္စကို ဆွေးနွေးခဲ့ကြတာပါ။

    ဘဂ်လားဒေ့ရှ်နိုင်ငံခြားရေး ၀န်ကြီးဌာနရဲ့ ထုတ်ပြန်ချက်မှာ စမ်းသပ်မှုပါအ၀င် အိန္ဒိယရဲ့ Covid-19 ကာကွယ်ဆေးထုတ်လုပ်မှုမှာ ပူးပေါင်းပါ၀င်ဖို့ အသင့်ရှိနေပြီး၊ အဆင်သင့်ဖြစ်တဲ့အခါ စျေးသက်သက်သာသာနဲ့ ရရှိဖို့လည်း ရည်ရွယ်ထားတယ်လို့ ဖော်ပြခဲ့ပါတယ်။

    အိန္ဒိယနိုင်ငံမှာ ကမ္ဘာ့အကြီးဆုံး ကာကွယ်ဆေးထုတ်လုပ်ရာ ကုမ္ပဏီရှိတဲ့ နိုင်ငံဖြစ်ပြီး လက်ရှိမှာ ကိုဗစ်အတွက် ကာကွယ်ဆေး ၃ ခုကို စမ်းသပ်နေပါတယ်။

    ဘဂ်လားဒေ့ရှ်ဟာ တရုတ်က ထုတ်လုပ်တဲ့ ကိုဗစ်ကာကွယ်ဆေးကိုလည်း နိုင်ငံအတွင်းမှာ စမ်းသပ်အသုံးပြုနေပါတယ်။

    Ref: The Star

  • တောင်ကိုရီးယားတွင် ဘုရားကျောင်းမှတစ်ဆင့် ကိုဗစ်ကူးစက်မှု အကြီးအကျယ် ပြန်ဖြစ်

    တောင်ကိုရီးယားတွင် ဘုရားကျောင်းမှတစ်ဆင့် ကိုဗစ်ကူးစက်မှု အကြီးအကျယ် ပြန်ဖြစ်

    သြဂုတ် ၁၈၊ ၂၀၂၀
    M-Media

    -တောင်ကိုရီးယား နိုင်ငံမှာ Covid-19 အကြီးအကျယ်ကူးစက်မှုကို ပြန်မြင်လာရပြီး လူထောင်ချီ သီးသန့်ခွဲထား စောင့်ကြည့်မှုတွေ လုပ်ဆောင်လာရပါတယ်။

    ပြီးခဲ့တဲ့ ၅ ရက်အတွင်း တစ်နေ့တာ ကူးစက်မှု အရေအတွက်ဟာ နေ့စဥ် ရာချီရှိခဲ့ပြီး အဓိက ကူးစက်ရာ နေရာက မြို့တော် ဆိုးလ်မှာရှိတဲ့ Sarang Jeil ခရစ်ယာန်ဘုရားကျောင်း ဖြစ်ပါတယ်။

    ဘုရားကျောင်းခေါင်းဆောင် Jun Kwang-hun ဟာ သမ္မတမွန်ဂျယ်အင်ကို ဆန့်ကျင်တဲ့ ဆန္ဒပြပွဲကို ဦးဆောင် ကျင်းပခဲ့သူပါ။

    သြဂုတ်လ ၁၆ ရက်နေ့အထိ ဘုရားကျောင်းကနေ ကူးစက်မှု ၃၀၀ ကျော်ရှိပြီး လူပေါင်း ၃၄၀၀ လောက်ကို သီးသန့်ခွဲထား စောင့်ကြည့်နေပါတယ်။

    ဘုရားကျောင်းနဲ့ ဆက်နွယ်နေတဲ့သူတွေရဲ့ အချက်အလက်အတိအကျကို ဘုရားကျောင်း တာ၀န်ရှိသူတွေက မပေးဘူးလို့လည်း တောင်ကိုရီးယား အာဏာပိုင်တွေက ဝေဖန်ပြစ်တင်ထားပါတယ်။

    တောင်ကိုရီးယားရဲ့ ကိုဗစ်ပထမလှိုင်းကလည်း ကန့်သတ်ချက်တွေကို ချိုးဖောက်ကာ ၀တ်ပြုဆုတောင်းမှုတွေလုပ်ခဲ့တဲ့ Shincheonji ခရစ်ယာန်ဘုရားကျောင်းကနေ စတင်တာ ဖြစ်ပါတယ်။

    Ref :New Straits Times

  • သာမန်ထက် ကူးစက်မှု ၁၀ ဆမြန်သည့် ပုံပြောင်းကိုဗစ်ဗိုင်းရပ်စ်ကို မလေးရှားတွင် တွေ့ရှိ

    သာမန်ထက် ကူးစက်မှု ၁၀ ဆမြန်သည့် ပုံပြောင်းကိုဗစ်ဗိုင်းရပ်စ်ကို မလေးရှားတွင် တွေ့ရှိ

    သြဂုတ် ၁၆၊ ၂၀၂၀
    M-Media

    -သာမန်ကိုဗစ် ဗိုင်းရပ်စ်ထက် ကူးစ်ဖို့ ၁၀ ဆ ပိုလွယ်ကူတဲ့ ပုံပြောင်း ကိုဗစ်ဗိုင်းရပ်စ်တစ်မျိုးကို တွေ့ရှိခဲ့တယ်လို့ မလေးရှား ကျန်းမာရေး၀န်ကြီးဌာနက ထုတ်ပြန်ပြောကြားလိုက်ပါတယ်။

    ဒီပုံပြောင်း ကိုဗစ်ဗိုင်းရပ်စ်သစ်ကို D614G လို့ အမည်ပေးထားပြီး မလေးရှား ကျန်းမာရေး သုသေတနဌာနရဲ့ စစ်ဆေးမှုအရ ကူးစက်မှုဖြစ်နေတဲ့ နေရာနှစ်ခုက လူ ၄ ဦးမှာ တွေ့ခဲ့တာပါ။

    မလေးရှား ကျန်းမာရေး၀န်ကြီးဌာနရဲ့ ညွှန်ကြားရေးမှူးချုပ် ဒေါက်တာ နူရ်ဟီရှမ် အဘ်ဒူလာက ပြည်သူတွေအနေနဲ့ ပိုမိုသတိထားကြဖို့ လိုအပ်တယ်လို့ ပြေကြားခဲ့ပါတယ်။

    “ဒီနေရာတွေက ကူးစက်သူတွေဟာ အခြားသူတွေထံ ထပ်မံကူးစက်ဖို့ ၁၀ ဆ လွယ်ကူပါတယ်။ မြန်ဆန်တဲ့ ကျန်းမာရေးဆိုင်ရာ ဆောင်ရွက်မှုကြောင့် အခုအချိန်အထိ ဒီ​ေနရာနှစ်ခုကို ထိန်းချုပ်ထားနိုင်ပါတယ်”

    D614G ပုံပြောင်း ကိုဗစ်ဗိုင်းရပ််စ်ကို သိပ္ပံပညာရှင်တွေက ၂၀၂၀ ခုနှစ် ဇူလိုင်လမှာ တွေ့ရှိခဲ့တာ ဖြစ်ပါတယ်။

    ပြည်သူလူထုအနေနဲ့ ကြိုတင်ကာကွယ်ရေး နည်းနာတွေကို လုပ်ဆောင်ဖို့၊ ခပ်ခွာခွာနေထိုင်ရေး၊ တစ်ကိုယ်ရည်သန့်ရှင်းရေးစည်းမျဥ်းတွေကို လိုက်နာပြီး နှာခေါင်စည်းတွေ တပ်ကြဖို့လည်း ဒေါက်တာဟီရှမ်က တိုက်တွန်းခဲ့ပါတယ်။

    Ref: The Star

  • ကိုဗစ်ကာကွယ်ဆေးကို ရုရှားက စတင်ထုတ်လုပ်နေပြီး မကြာခင် ဖြန့်ချီမည်

    ကိုဗစ်ကာကွယ်ဆေးကို ရုရှားက စတင်ထုတ်လုပ်နေပြီး မကြာခင် ဖြန့်ချီမည်

    ဩဂုတ် ၁၆၊ ၂၀၂၀
    M-Media

    -အစိုးရတရားဝင်အသိအမှတ်ပြုထားတဲ့ Covid-19 ကာကွယ်ဆေး ပထမအသုတ်ကို ရုရှားက မနေ့မှာ စတင်ထုတ်လုပ်ခဲ့တယ်လို့ သိရပါတယ်။

    ကမ္ဘာပထမဆုံး ကိုဗစ်ကာကွယ်ဆေးကို ကျန်းမာရေးဝန်ကြီးဌာနက အသိအမှတ်ပြုပြီး ထုတ်လုပ်ခွင့်ပေးလိုက်တယ်လို့ ရုရှားသမ္မတ ဗလာဒီမီရ် ပူတင်က အင်္ဂါနေ့မှာ ကြေငြာခဲ့ပါတယ်။ စမ်းသပ်ထိုးနှံမှုအတွင်း သမီးဖြစ်သူလည်းပါဝင်ခဲ့ပြီး အန္တရာယ်ကင်းမှုအတွက် အာမခံတယ်လို့လည်း ပူတင်က ဆိုပါတယ်။

    မနေ့က ကျန်းမာရေးဝန်ကြီးဌာနရဲ့ ထုတ်ပြန်ချက်မှာ ကာကွယ်ဆေးပထမအသုတ်ကို စတင်ထုတ်လုပ်ခဲ့တယ်လို့ ဖော်ပြထားပါတယ်။ ဩဂုတ်လကုန်ပိုင်းမှာ ဒီကာကွယ်ဆေးကို ဖြန့်ချီသွားမှာပါ။

    Sputnik V လို့ အမည်​ပေးထားတဲ့ ဒီကာကွယ်ဆေးကို Gamaleya သုတေသနစင်တကာက စတင်ထုတ်လုပ်နေတာပါ။ ဖြန့်ချီတဲ့အခါ အရင်ဆုံး ကျန်းမာရေးဝန်ထမ်းတွေ ရရှိမှာဖြစ်ပြီး နောက်ပိုင်းမှာ အမျ;ားပြုသူထံ ဖြန့်ဖြူးမှာ ဖြစ်ပါတယ်။

    Ref: Reuters