M-Media
လူ ၇၀ ကျော်ကို အွမ္မရာ ဘုရားဖူးပို့ပေးမယ့် ဒူဘိုင်းရဲဌာန
———
ဒူဘိုင်းရဲတပ်ဖွဲ့ဟာ လက်ရှိ၀န်ထမ်းနဲ့ အငြိမ်းစား၀န်ထမ်း စုစုပေါင်း ၇၆ ဦးကို စားရိတ်ငြိမ်း ဆော်ဒီအာရေဗျကို အွမ္မရာဘုရားဖူး ပို့ပေးဖို့ စီစဥ်နေပါတယ်။ ဒီခရီးစဥ်ဟာ ၆ ရက်တာ ကြာမြင့်မှာဖြစ်ပြီး ဘုရားဖူးကာလမှာ ကျင့်မူဆောက်တည်ရမယ့် ကျင့်စဥ်တွေကို ကာလတို သင်တန်းပေးသွားမယ်လို့ ရဲတပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။
အာရဘီဘာသာဆိုင်ရာ နိုင်ငံတကာညီလာခံတစ်ခု ဆော်ဒီတွင် ကျင်းပမည်
————–
အောက်တိုဘာ ၆ ရက်နေ့ကနေ ၇ ရက်နေ့အထိ ဆော်ဒီအာရေဗျနိုင်ငံမှာ ၃ ကြိမ်မြောက် အာရဘီဘာသာစကားဆိုင်ရာ နိုင်ငံတကာညီလာခံတစ်ခု ကျင်းပဖို့ ရှိနေပါတယ်။ ကွန်ပျူတာနဲ့ ဉာဉ်ရည်တု နယ်ပယ်မှာ အာရဘီဘာသာစာပေကို အခုထက်ပိုပြီး ပိုမိုအသုံချနိုင်ရေး ညီလာခံမှာ ဆွေးနွေးမှာဖြစ်ပြီး နိုင်ငံပေါင်း ၂၂ နိုင်ငံက ပညာရှင်တွေ အများအပြား တက်ရောက်ဖို့ ရှိနေပါတယ်။
အီရန်က ဒရုန်းနှင့် ဒုံးကျည်သစ်များ ထုတ်ပြ
————-
အီရန်က တိုက်ချင်းပစ်ဒုံးကျည်သစ် Jihad နဲ့ အဆင့်မြှင့်တင်ထားတဲ့ Shahed-136B အသေခံဒရုန်းတို့ကို စနေနေ့ စစ်ရေးပြပွဲမှာ ထုတ်ပြလာပါတယ်။ ဒုံးကျည်ဟာ မိုင်ပေါင်း ၆၀၀ ကျော် အကွာအ၀ေးအထိ ပစ်ခတ်နိုင်ပြီး၊ ဒရုန်းက မိုင် ၂၅၀၀ လောက် ပျံသန်းနိုင်ပါတယ်။ စစ်ရေးပြပွဲမှာ အခြား စစ်လက်နက်ပစ္စည်းတွေကိုလည်း အီရန်က ထုတ်ပြခဲ့ပါတယ်။
Ref: Arab News
