မတ် ၅၊ ၂၀၁၆
M-Media
– မက္ကဆီကိုရှိ လုံခြုံရေးမြင့်မားသည့် အကျဉ်းထောင်မှ လွတ်မြောက်သွားခဲ့သော မက္ကဆီကို မူးယစ်ရာဇာ အလ် ချာပို ဂူဇ်မန်မှာ ၀ရမ်းပြေးဘ၀တွင် အမေရိကန်သို့ ၂ ကြိမ်တိုင်တိုင် သွားရောက်လည်ပတ်ခဲ့သည်ဟု ၎င်း၏ သမီးတစ်ဦးဖြစ်သူ ရိုဇာ အီစီလာ ဂူဇ်မန် အော်ရ်တစ်ဇ်က ပြောကြားလိုက်သည်။
သူမမှာ ကယ်လီဖိုးနီးယားတွင် နေထိုင်သူဖြစ်ပြီး အသက် ၅၈ နှစ်အရွယ် ၎င်း၏ဖခင်မှာ ထောင်ဖောက်ထွက်ပြေးပြီးနောက် အောက်တိုဘာလက အမေရိကန်မင်းသား ရှန်ပင်းနှင့် တွေ့ဆုံပြီး သိပ်မကြာခင် အမေရိကန်သို့ ၀င်ရောက်ခဲ့ခြင်းဖြစ်သည်ဟု ဆိုသည်။
ရက်အတိအကျကို ဖော်ပြခဲ့ခြင်း မရှိသော်လည်း အမေရိကန်သို့ ဂူဇ်မန် ၀င်ရောက်ခဲ့ခြင်းမှာ ဆွေမျိုးများကို တွေ့ဆုံရန်၊ သူမနှင့် သူမ၏ ကလေးငယ်လေးဦးအတွက် ၎င်းကိုယ်တိုင် ၀ယ်ပေးထားသည့် အိပ်ခန်း ၅ ခန်းပါ အိမ်ကြီးကို ကြည့်ရှုရန်ဖြစ်သည်ဟု British Daily သို့ ပြောကြားခဲ့သည်။
သို့သော်လည်း ကမ္ဘာ့အလိုအရှိဆုံး မူးယစ်ဘုရင် အမေရိကန်သို့ မည်ကဲ့သို့ ၀င်ရောက်လာသည်ကို ပြောကြားရန် ငြင်းဆိုခဲ့သည်။
“ကျွန်မလည်း အဖေ့ကို အဲဒါ မေးခဲ့ပါတယ်။ (မပြောပါဘူး) ယုံပါ” ဟု အော်ရ်တစ်ဇ်က ပြောကြားခဲ့သည်။
ထို့ပြင် ၎င်း၏အဖေမှာ အကြီးတန်းနိုင်ငံရေးသမားများထံသို့ ကိုယ်စားလှယ်များစေလွှတ်ကာ အမြင့်ဆုံး ကာကွယ်မှုကို ငွေဖြင့် ရယူခဲ့သည်ဟု ထည့်သွင်းပြောဆိုခဲ့သည်။
ဂူဇ်မန်မှာ မြေအောက်လှိုင်းခေါင်းဖောက်ကာ ပြီးခဲ့သည့် ဇူလိုင်လက အလ်တစ်ပလာနို အကျဉ်းထောင်မှ လွတ်မြောက်ခဲ့ခြင်းဖြစ်ပြီး၊ ၂၀၀၁ ခုနှစ်ကလည်း တစ်ကြိမ်လွတ်မြောက်ခဲ့ကာ ၂၀၁၁ ခုနှစ်တွင် ပြန်လည်ဖမ်းမိခဲ့သည်။
ဖခင်ဖြစ်သူ၏ ဒုတိယအကြိမ်လွတ်မြောက်မှုမှာ အကျဉ်းထောင် အကြီးတန်းတာဝန်ရှိသူများ၏ ကူညီမှုကြောင့် ဖြစ်သည်ဟု အော်ရ်တစ်ဇ်က ပြောကြားခဲ့ပြီး အမည်ထုတ်ဖော်ပြောဆိုခြင်း မပြုခဲ့ပေ။
“ကျွန်မအဖေ လွတ်မြောက်မှုမှာ သဘောတူညီချက်ရှိပါတယ်”
ဂူဇ်မန်လွတ်မြောက်သွားမှုကြောင့် အလ်တစ်ပလာနို ထောင်မှူးနှင့် မက္ကဆီကို အကျဉ်းထောင်ရေးရာ အကြီးအကဲတို့ အပါအ၀င် ၀န်ထမ်း ၃၀ ကျော် ရာထူးမှ ထုတ်ပယ်ခံခဲ့ရသည်။ ဂူဇ်မန်ကို ဇန်န၀ါရီ ၈ ရက်နေ့တွင် ပြန်လည်ဖမ်းဆီးရမိခဲ့သည်။
Ref: Channelnewsasia
