News @ M-Media

Category: ဆောင်းပါး

  • Avoid the Unhappy and Unlucky

    အိုင်ယာလန်မှာမွေးဖွားခဲ့တဲ့ မေရီဂီးဘတ် ဟာ ကချေသည် အဖြစ် အသက်မွေးရန် ၁၈၄၀ မှာ ပဲရစ်သို့ရောက်လာသည်။ လိုလာမွန်တက်စ် ဟူသော နာမည်ကိုယူကာ သူ့ကိုယ်သူ စပိန် အကမယ်အဖြစ် ကြေငြာခဲ့လေသည်။ သို့သော် ကချေသည်အဖြစ် မအောင်မြင်ပေ။ သူ့ကိုကယ်တင်နိုင်သူမှာတစ်ယောက်သာရှိသည်။ ထိုသူမှာ ပဲရစ်တွင် အအောင်မြင်ဆုံး သတင်းစာပိုင်ရှင်ဖြစ်ပြီး အနုပညာဝေဖန်ရေးသမားလည်းဖြစ်သည်။ သူ့နာမည်က အလက်ဇန်းဒါဒူဂျရီယာ။ လိုလာမွန်းတက်စ် ကသူ့ကို ချဉ်းကပ်ရန်ဆုံးဖြတ်ခဲ့သည်။ ဒူဂျရီယာမှာ မနက်တိုင်း မြင်းဆီးထွက်လေ့ရှိသည်။ လိုလာ ကိုယ်တိုင်လည်း ကျွမ်းကျင်သော မြင်းစီးသမားတစ်ယောက်ဖြစ်ရာ တနေ့တွင် ဒူဂျရီယာ စီးလာသောမြင်းနှင့် “မတော်တဆ” ၀င်တိုက်မိလေ၏။ နောက်နေ့များတွင် လိုလာနှင့် ဒူဂျရီယာတို့သည် အတူတကွ မြင်းစီးထွက်ကြလေတော့သည်။ သိတ်မကြာခင်မှာပဲ လိုလာမွန်းတက်စ် သည် ဒူဂျရီယာ၏ အခန်းသို့ပြောင်းသွားလေ တော့သည်။ ဒူဂျရီယာ၏ အကူအညီ ဖြင့် သူမ၏ ကချေသည်ဘ၀ သည်လည်းအတော်အသင့်အောင်မြင်လာလေသည်။ အဆင့်အတန်းချင်းမတူသော်လည်း ဒူဂျရီယာ သည် လိုလာ့ကို နွေဦးပေါက်တွင် လက်ထပ်မည်ဟုဆိုလေသည်။ သို့သော် တခြားတဘက်တွင်လည်း ဒူဂျရီယာ ကိုသူ့အသိုင်း အ၀ိုင်းက ၀ိုင်းပယ်လာကြသည်။ သူ့စီးပွားရေးလုပ်ငန်းများမှာလည်းကျဆင်းလာသည်။ တရက်တွင် ပဲရစ်မြို့၏ လူကုံထံတစ်ဦး တည်ခင်းသော ဧည့်ခံပွဲကိစ္စနှင့်ပတ်သတ်၍သူတို့နှစ်ဦး ပထမဆုံးအကြိမ် ရန်ဖြစ်ကြလေသည်။ လိုလာ က ထိုဧည့်ခံပွဲသို့ လိုက်ချင်သည်။ ဒူဂျရီယာက လိုလာ့ကို မခေါ်လိုပဲ တစ်ယောက်တည်းသွားခဲ့သည်။ ဧည့်ခံပွဲတွင် အလွန်အကျွံမူးနေသော ဒူဂျရီယာသည် လိုလာ့ကိစ္စနှင့် ပတ်သတ်ပြီး ဝေဖန်ရေးသမား တစ်ဦးနှင့်စကားများကြလေသည်။  နောက်ဆုံး သေနတ်ချင်းယှဉ်ပစ်ရန်စိန်ခေါ်သည့်အခြေအနေထိရောက်လာသည်။ နောက်နေ့မနက်တွင် သေနတ်ချင်းယှဉ်ပစ်ကြရာ သေနတ်မှန်၍ ဒူဂျရီယာ သေဆုံးသွားလေတော့သည်။ လိုလာသည်လည်း ပဲရစ်မှ စွန့်ခွာကာ မြူးနစ် မြို့သို့ရောက်လာသည်။

    မြူးနစ်တွင် လိုလာသည် ဘာဗေးရီးယားဘုရင် လဒ်ဝစ် အားစည်းရုံးသိမ်းသွင်းပြန်သည်။ လဒ်ဝစ် မှာကပ်စည်းနည်းသူတစ်ယောက်ဖြစ်သော်လည်း လိုလာ့အား မြူးနစ်မြို့၏ အကောင်းဆုံးတိုက်ခန်းတွင်ထားရုံမက အမျိုးမျိုးသော လက်ဆောင် များကိုလည်း ပေးလေသည်။ သို့သော်လိုလာ၏ မူလအကျင့်များက ပြန်ပေါ်လာပြန်သည်။ တနေ့တွင် လိုလာမြင်းစီးထွက်ရာလမ်း၌ အဘိုးကြီးတစ်ဦးလမ်းဖြတ်ကူးလေရာ နှေးသည်ဆို၍ မြင်းစီးကြာပွတ်ဖြင့် အဘိုးကြီးအား ရိုက်လေသည်။ တခါကလည်း လိုလာသည် သူ့ခွေးနှင့်လမ်းလျှောက်ထွက်လာရာ ခွေးမှာ တခြားလမ်းလျှောက်သူတစ်ဦးအား ကိုက်လေတော့သည်။ ခွေးကိုက်ခံရသူကို ကူညီရမည့်အစား လိုလာသည် ထိုသူ့ကို ခွေးလည်ပတ်ကြိုးဖြင့် ရိုက်လေသည်။ ဘာဗေးရီးယား ပြည်သူတို့မှာ လိုလာ့အား အကြီးအကျယ်မုန်းတီးလာလေတော့သည်။ သို့သော် လဒ်ဝစ်မှာ ထိုကိစ္စများကို လျှစ်လျူရူ့ထားရုံမက လိုလာ့ အား အပြစ်တင်သူများကိုပင် ရာထူးမှချထားခြင်း၊ အပြစ်ပေးခြင်းများပြုလုပ်လေသည်။ အရင်တုန်းက ချစ်ခင်ရိုသေ ခြင်းကိုခံခဲ့ရသော လဒ်ဝစ် မှာ ယခုအခါ ပြည်သူတွေရဲ့ မုန်းတီးခြင်းကိုခံလာရသည်။ နောက်ဆုံးမှာတော့ တိုင်းပြည့်အနှံ့တွင် မကျေမနပ် ဆန္ဒပြမှု့များ ပေါ်ပေါက်လာသည်။ တခါတုန်းက ငြိမ်းချမ်းသာယာခဲ့တဲ့ တိုင်းပြည်ဟာ အခုတော့ ပြည်တွင်းစစ်နှုတ်ခမ်းကိုရောက်လာသည်။ ၁၈၄၈ခု ဖေဖော်ဝါရီလမှာတော့ လဒ်လ၀စ်ဟာ ပြည်သူတွေရဲ့ဆန္ဒကို လျစ်လျူရူ့လို့ မရတော့ပါဘူး။ လိုလာမွန်းတက်စ် ကိုတိုင်းပြည်ကနေ ချက်ချင်းထွက်သွားဖို့ အမိန့်ထုတ်လိုက်သည်။ သို့သော် ပြည်သူတွေရဲ့ဒေါသက ဒီမှာပြီးမသွားပါဘူး။ နောက်ဆုံးမှာ ဘုရင်လဒ်ဝစ် ကိုယ်တိုင် ထီးနန်းကိုစွန့်လိုက်ရပါတော့သည်။

    လိုလာမွန်းတက်စ်ဟာလည်း အင်္ဂလန်ကို ထွက်သွားပါသည်။ အင်္ဂလန်မှာ စစ်ဗိုလ်လေး ဂျော့ထရက်ဖက်ဟီးလ် နှင့်တွေ့သည်။ ဟီးလ်မှာ လိုလာ့ထက် ဆယ်နှစ်ခန့်ငယ်လေသည်။ အင်္ဂလိပ်အသိုင်းအ၀ိုင်းတွင် လိုလာ့ထက်ချောသော၊ ချမ်းသာသော လူကုံတံ အမျိုးသမီးများကို ရွေးနိုင်သော်လည်း ဟီးလ်မှာ လိုလာမွန်းတက်စ်၏ မာယာ ကျော့ကွင်းမှ လွတ်အောင်မရုန်းနိုင်ပေ။ သူတို့နှစ်ယောက် ၁၈၄၉ မှာ လက်ထက်လိုက်ပါသည်။ တကယ်တမ်းလိုလာဟာ သူမအသက် ၁၉ နှစ်လောက်က အင်္ဂလိပ်တစ်ဦးနဲ့ တိတ်တိတ်ပုန်းလက်ထပ်ထားဘူးပါသည်။ တရားဝင်လည်း မကွာရှင်းရသေးပေ။ ထိုကြောင့် ဟီးလ်မှာ လင်ရှိမိန်းမတစ်ဦးကိုပေါင်းသင်းမှု့ဖြင့် တရားစွဲခံရလေသည်။ ထိုအမှု့ကိုရှောင်ရန် သူတို့နှစ်ဦးသည် စပိန်သို့ ထွက်ပြေးကြလေသည်။ သူတို့နှစ်ဦး၏ အိမ်ထောင်ရေးမှာလည်း ဆိုးဝါးလာသည်။ တကြိမ်တွင် လိုလာက ဟီးလ်အား ဓါးနှင့် ခုတ်လေသည်။ နောက်ဆုံးကွာရှင်းသည့် အခြေအနေသို့ရောက်သွားသည်။ ဟီးလ်မှာ သူ့တိုင်းပြည်တွင် လည်း အရှက်ကွဲ၍ မျက်နှာ မပြ၀ံ့ရကား ပေါ်တူဂီသို့ သွားရောက်နေထိုင်ရလေသည်။ မကြာမှီ သင်္ဘောမှောက်၍ ဟီးလ် သေဆုံးသွားလေသည်။ ၁၉၅၃ မှာ လိုလာမွန်းတက်စ် ဟာ အမေရိကန် သို့ရောက်လာပြန်ပါသည်။ အမေရိကန်တွင် ပတ်ဟော ဆိုသူနှင့်တွေ့ကာ လက်ထပ်လိုက်ပြန်သည်။ သူတို့ အိမ်ထောင်ရေးမှာလည်း ထုံးစံအတိုင်း အဆင်မပြေဖြစ်ကာ ကွဲကြပြန်သည်။ ပတ်ဟောလ်မှာ အရက်သမားလုံးလုံးဖြစ်ကာ နောက်ဆုံး စိတ်ကျရောဂါနှင့် သေလေသည်။လိုလာမွန်းတက်စ်မှာလည်း လူဝတ်ကြောင်ဘ၀ကိုစွန့်ကာ သီလရှင်ဝတ်သွားလေတော့သည်။ သီလရှင်ဝတ်ပြီး နှစ်နှစ်အကြာ ၁၈၆၁ မှာ လိုလာမွန်းတက်စ် သေဆုံးသွားလေသည်။

    လိုလာမွန်းတက်စ် ရဲ့ ယောက်ျားတွေကို ဆွဲဆောင်မှု့ဟာ ရမ္မက်ဆန္ဒထက်ပိုပါတယ်။ သူမရဲ့ ပြင်းထန်တဲ့ စိတ်ဓာတ်တွေ၊ စရိုက်တွေက ယောကျာ်းတွေကို ဆွဲဆောင်ထားတာပါ။ လိုလာမွန်းတက်စ် နဲ့ ပတ်သတ်မိတဲ့သူတွေဟာ ကူးစက်ရောဂါ တစ်ခုခု ဆွဲကပ်သလိုပဲ တဖြည်းဖြည်းနဲ့ ဝေဒနာဆိုးဝါးလာကြပါတယ်။ သူမရဲ့ မဆုံးနိုင်တဲ့ ပြသနာတွေ၊ မရောင့်ရဲနိုင်မှု့တွေဟာ သူမ ချစ်သူတွေကိုပါ ကူးစက်ကုန်တာပါပဲ။ ဒါပေမယ့် သူမချစ်သူတွေဟာ သံယောဇဉ်ကြောင့် လိုလာမွန်းတက်စ် ကို မစွန့်ခွာနိုင်ပဲ ပြသနာဝဲသြဂ ထဲမှာ တလည်လည်ဖြစ်ပြီး ဘ၀ဆုံးကြရပါတယ်။ ဒါဟာ ပြသနာရဲ့ အဓိက အချက်ပါပဲ။ လိုလာမွန်းတက်စ်လိုလူမျိုးဟာ ကူညီလို့မရနိုင်ပါဘူ။ ဒီလိုလူမျိုးကို အမြန်ဆုံးစွန့်ခွာတာဟာ တစ်ခုတည်းသော နည်းလမ်း ပါပဲ။ ဒီစရိုက်ဟာ ယောကျာ်းဖြစ်တာ၊ မိန်းမဖြစ်တာနဲ့ မဆိုင်ပါဘူး။ ဒီလိုမတည်ငြိမ်တဲ့စိတ်ဓာတ်မျိုးရှိတဲ့သူဟာ ပြသနာတွေ ဒုက္ခတွေကို လက်ယပ် ခေါ်နေတာပါပဲ။ သူတို့ရဲ့ ပြသနာတွေဟာ ကိုယ့် ကိုတင်မက ပါဘူး။ ကိုယ့်ပတ်ဝန်းကျင် အသိုင်းအ၀ိုင်း ကိုပါ ကူးစက်တတ်ပါတယ်။ လဒ်ဝစ်နဲ့ ကိစ္စမှာ ဆိုရင် တစ်နိုင်ငံလုံးကိုပါ ကူးစက်သွားပါတယ်။

    ဘ၀မှာ ကိုယ် မထိန်းချုပ်နိုင်တဲ့ ကိုယ်မစီမံနိုင်တဲ့ အခြေအနေတွေကြောင့် ဒုက္ခရောက်ရသူတွေဟာ ကျတော်တို့ရဲ့ ကူညီမှု့တွေ၊ စာနာထောက်ထားမှု့တွေနဲ့ အပြည့်အ၀ ထိုက်တန်ပါတယ်။ သူတို့ကို ကျတော်တို့ တက်နိုင်သလောက် ကူညီသင့်ပါတယ်။ ဒါပေမယ့် လောကမှာ နောက်ထပ်လူတစ်မျိုးရှိပါသေးတယ်။ သူတို့ရဲ့ ပင်ကိုယ်မတည်ငြိမ်၊ မရောင့်ရဲနိုင်တဲ့ စိတ်ဓာတ်တွေ၊ အပျက်စိတ်ဓာတ်တွေကြောင့် ဒုက္ခရောက်ရသူတွေပါ။ ဒီလိုစိတ်ဓာတ်မျိုးဟာ ကူးစက်တတ်ပါတယ်။  ဒီလိုစိတ်ဓာတ်မျိုး ရှိသူတွေကို ကျတော်တို့ သူတို့ရဲ့ ပတ်ဝန်းကျင်အပေါ်မှာ သက်ရောက်မှု့ကို ကြည့်ပြီး အကဲ ခပ်ရပါမယ်။ သူတို့ရဲ့ အတိတ်က ပြသနာတွေ၊ သူတို့နဲ့ သူများတွေ ဆက်ဆံရေး ဒါတွေကို လေ့လာပါ။ ခဏခဏ ပြသနာဖြစ်နေတယ်၊ ခဏခဏ ကွဲလိုက်ပြဲလိုက်ဖြစ်နေတယ်ဆိုရင် အဲလိုလူမျိုးကို ဝေးဝေးကရှောင်ပါ။ ဘ၀မှာ တခါတလေ ပြသနာဖြစ်တာ၊ အဆင်မပြေဖြစ်ဘူးတာကို ဆိုလိုတာမဟုတ်ပါဘူး။ အမြဲတမ်းပြသနာဖြစ်နေတဲ့သူမျိုးတွေ တကယ်ရှိပါတယ်။ သူတို့ပြသနာတွေကို ကူညီဖြေရှင်းပေးမယ်လို့ ယောင်လို့များစိတ်မကူးမိပါနဲ့။ ကိုယ်ပါ သူတို့ရဲ့ ဒုက္ခ ပင်လယ်ထဲမှာမျောသွားပါလိမ့်မယ်။

    ဒီဥပဒေသ ရဲ့ ဆန့်ကျင်ဘက်ဟာလည်း မှန်ကန်ပါတယ်။ ဒါကိုတော့ တော်တော်များများသိပါတယ်။ ဘ၀မှာ အောင်မြင်တိုးတက်နေတဲ့သူတွေ၊ ပျော်ပျော်နေတတ်တဲ့သူတွေ၊ အပြုသဘောမြင်တတ်တဲ့သူတွေနဲ့ ပေါင်းသင်းပါ။ သူတို့ရဲ့ အပြုသဘောဆောင်တဲ့စိတ်ဓာတ်တွေ၊ အောင်မြင်မှု့ကိုဆွဲဆောင်တတ်တဲ့ စိတ်ဓာတ်တွေ ဟာလည်း ကျတော်တို့ကို ကူးစက်လာစေနိုင်ပါတယ်။

    လူမင်းဟန်

  • အမေရိကန်၏ အအောင်မြင်ဆုံး အစ္စလာမ့် စာပေထုတ်ဝေသူ အကြောင်း

    ဈေးနှုန်းချိုသာသော ပါကစ္စတန်က အစ္စလာမ့်ရေးရာစာအုပ်များတင်သွင်းရာကနေ အမေရိကန်၏ အအောင်မြင်ဆုံး အစ္စလာမ့် စာပေထုတ်ဝေသူအဖြစ်တက်လှမ်းနိုင်လိမ့်မည်ဟု Liaquat ali တစ်ယောက် မမျှော်လင့်မိခဲ့ချေ။ သို့သော် လက်ရှိအောင်မြင်မှု၏နောက်ကွယ်မှာလျှိုဝှက်ချက်ရှိနေတာကိုတော့ သူကယုံကြည်သည်။ “ကျွန်တော်တို ဘယ်သူကိုမှ လိမ်ညာခဲ့တာ မရှိပါဘူး” ဟု ကာဇီစာပေထုတ်ဝေရေးကိုတွဲဖတ်တည်ထောင်နိုင်ခဲ့သူ Ali က ပြောပါသည်။ “ကျွန်တော်တို့နဲ့ အလုပ်တွဲလုပ်နေတဲ့ လူတွေဆီက တိုင်တန်းတာ စောဒကတက်တာ တစ်ခါမှ မရှိပါဘူး”ဟု ဆိုသည်။ နှစ်ပေါင်း၄၀ကျော် မှန်မှန်ကန်ကန် လုပ်ကိုင် နိုင်ခဲ့သဖြင့် မြောက်အမေရိကတစ်ခွင် နာမည်အကြိးဆုံး ကာဇီ စာပေထုတ်လုပ်ရေးအဖြစ် ရပ်တည်လာနိုင်ခဲ့သည်။အသက် ၆၄နှစ်ရှိပြီဖြစ်သူ အလီက ၁၉၇၀ဘက်ကို ပြန်ပြောင်းသတိရနေသည်။

    “အဲဒီတုန်းကဗျာ ဇာတိပါကစ္စတန်ကနေ အနုပညာပစ္စည်းတွေ ၊ စာအုပ်တွေ ကို အမေ၇ိကန်ဆီ ယောက်ဖ နဲ့ အတူ စတင်သွင်းခဲ့တယ် ။ ချီကာဂိုက မိုဟာမဒ် ကာဇီ ပိုင်ရဲ့ ဆိုင်သေးသေးလေး အတွက်ပေါ့ ” ဟု လုပ်ငန်းစဖြစ်ခဲ့ပုံကို ပြောပါသည်။ ၂နှစ်ကြာပြီးနောက်သူသည် ချီကာဂိုသို့ ပြောင်းရွေ့ကာ ကာဇီ့ဆိုင်ကို ကြီးကြပ်ပေးခဲ့သည်။ ထိုအချိန်ကစလို့ အစ္စလာမ့်အေးရိပ်သို့ ရောက်ရှိခဲ့ကြသည့် အာဖရိကန် -အမေရိကန် မွတ်စလင်သစ်လွင်တို့ လိုအပ်နေသည့် အစ္စလာမ့် ရေးရာစာအုပ်များ ကို ပါကစ္စတန်မှတင်သွင်းရေးကို သာအာရုံစိုက် လုပ်ဆောင်ခဲ့သည်။ တစ်နေ့ အမေရိကန် အထင်ကရ သတင်းစာ တစ်ခု က သူဆိုင်အား အစ္စလာမ့် စာပေကောင်းများ ရရှိနိုင်သည့် နေရာတစ်ခုအဖြစ် ဖေါ်ပြခဲ့သည်။ “အဲဒီနေ့ကဆိုတော်တော်ကို အလုပ်ရှုပ်သွားတာပဲဗျ..ဘာတွေ ဖြစ်ကုန်မှန်း တောင်မသိတော့ ဘူးဗျ” ဟု ယခင်ချိန်ကို သတိသရ နှင့်ပြောဆိုသည်။၁၉၇၄ခုနှစ်တွင် ပထမဆုံးအဖြစ် မွတ်စလင်နာမည်မှည့်ခေါ်ပုံ စာအုပ်ကို စထုတ်ဝေခဲ့သည်။ “ ဒီမှာက လူတွေအစ္စလာမ်လက်ခံလာတော့သူတို့က ကလေးတွေကို မွတ်စလင်နာမည် တိတိကျကျ နဲ့ မှည့်ချင်ကြတယ်..ဘာနာမည်လဲဆိုတာ သူတို့တွေ မသိဘူးဖြစ်နေတယ် ”ဟု ပြောပြသည်။ ကာဇီစာပေတိုက်သည် ယခင်ဆယ်စုက ဒေါ်လာ ၂၅၀၀၀၀ ရှိခဲ့သော်လည်း ယနေ့ချိန်မှတော့နှစ်စဉ် အမေရိကန်ဒေါ်လာ ၁သန်းခန့် ရောင်းအားရှိနေပါပြီ။

    ၉-၁၁ဖြစ်ရပ်နောက်ပိုင်း အမေရိကန်တွင်အစ္စလာမ် သာသနာ အား စိတ်ဝင်စားမှု တစ်ဟုန်ထိုးဖြစ်လာခဲ့ရာမှ အမေရိကန်ရှိ အစ္စလာမ့် စာပေလုပ်ငန်း သည်လည်း ကြိးထွာလာခဲ့သည်။ အမေရိကန်တက္ကသိုလ်များတွင်ကျောင်းသာများက အစ္စလာမ့် လေ့လာရေး အတန်းသို့ရွေးချယ် တက်ရောက်ခဲ့ကြသည်။ ထိုကြောင့် ကုရ်အာန်ကျမ်း၊ တမန်တော်မြတ် မုဟမ္မ(ဆွ)၏ အထ္ထုပတ္ထိ နှင့်အခြားသောအစ္စလာမ့် ကျမ်းစာအမျိုးမျိုး ၀ယ်လိုအားမြင့်တက်လာခဲ့သည်။
    အမှန်တကယ်၌ ကာဇီ အစ္စလာမ့်စာပေတိုက်သည် သာမန်စီပွားရေးထက် ထူးနေပါသည်။ကာဇီ စာပေတိုက်၏ ပညာရှင် နှင့် ထုတ်လုပ်ရေး မန်နေဂျာ Laleh Bakhtiar ကပြောသည်မှာ အမေ၇ိကန်ရှိ မျိုးဆက်သစ် မွတ်စလင်လူငယ်များအား အစ္စလာမ့်အသိပညာပေးရေးတွင် ကာဇီစာပေတိုက် တွင် အဓိက တာဝန်ရှိသည်ကို လက်ခံထားသည်။ “အခုခါမှာတော့ ဂန္ဓ၀င် အစ္စလာမ့်ကျမ်းစာတွေကို ဘာသာပြန်ဖို့ ဦးစားပေးနေပါတယ်။အမေ၇ိကန်မှာရှိတဲ့မွတ်စလင်တွေမှာ ယဉ်ကျေးမှု၊သမိုင်းက ပျောက်ဆုံနေပတယ် ဟု ဆိုသည်။ကာဇီ စာပေက အစ္စလာမ့်ဂန္ဓ၀င်လက်ယာများဖြစ်သော မောင်လာနာရူမီ၏ မဆ်န၀ီကျမ်း၊အီမာမ်ဂဇာလီ၏ ပျော်ရွှင်ခြင်းအနှစ်သာရ ၊အလ်ရှဘသီ၏ကုရ်အာန်သဖ်ဆီရ် တို့ကို အင်္ဂလိပ်ဘာသာသို့ ပြန်ဆိုနေပါသည်။ ထို့ပြင် ကာဇိ စာပေသည် ဒအ်ဝဟ်လုပ်ငန်းများကို အစ္စလာမ့် စာပေဖြင့် ဆောင်ရွက်သည့်အနေနှင့် အမေရိကန်အကျဉ်းသားများအစ္စလာမ့်ကိုလေ့လာဆည်းပူးနိုင်ရန် အစ္စလာမ့် ဒဿနကျမ်းများကို အခမဲ့ဖြန့်ဝေပေးလျက်ရှိနေပါ သည်။

  • ဆွေးနွေးခြင်း အနုပညာ

    ဇူလိုင်-၂၁ ၂၀၁၁
    M-Media
    ဆောင်းပါးရှင်-သန်းမင်းထိုက်(မြန်မာစာ)

    နိဒါန်း

    “ဆွေးနွေးခြင်း”ကို အနုပညာဟု ကျွန်တော်က ဆိုချင်သည်။ အများသဘောကိုတော့ မပြောတတ်။ လက်မခံသဖြင့် အကြောက်အကန် ကန့်ကွက်မည့်သူရှိလျှင်လည်း ဖြေရှင်းရန် ကျွန်တော် ကြိုးစားအားထုတ်မည်မဟုတ်ပါ။ လွတ်လပ်စွာ သဘောထားကွဲလွဲခွင့်သည်ပင် ဆွေးနွေးခြင်း၏ အခြေခံမူတစ်ရပ် ဖြစ်သည်။

    ပြောသာပြောရသည်။ ဆွေးနွေးပွဲနှင့်တူသော ဆွေးနွေးပွဲမျိုး ကျွန်တော်တို့လောကမှာ အလွန်ရှားသည်။ “ဆွေးနွေးခြင်း”ဆိုင်ရာ အခြေခံ သဘောတရာများနှင့်အညီ အောင်မြင်ပြီးမြောက် လိုရင်းရောက်သော ဆွေးနွေးပွဲမျိုး ကျွန်တော်တို့လောကမှာ အလွန်ရှားသည်။

    ပရိသတ်ကဆွေးနွေးပွဲကိုချစ်သည်။ ”ဆွေးနွေးပွဲဟေ့”ဆိုလျှင်သွေးကြွ၍ နေတတ်သည်။ အင်္ကျီလက် တစ်မမဖြစ်၍ နေတတ် သည်။ လက်သီးလက်မောင်းတန်း၍ နေတတ်သည်။ ဦးဆောင်ဆွေးနွေးမည့်ဆရာကို အလဲထိုးအမှောက်ဆော်နိုင်မည့် မေးခွန်းများနှင့် စကားလုံးများကို ကြိုတင်ပြင်ဆင်ထားကြသည်။

    ဆွေးနွေးပွဲ = လက်ဝှေ့ပွဲ ———–ဟု ထင်နေပုံရ၏။ (more…)

  • HIV/AIDS၊ မွတ်စ်လင်မ် နဲ့ မြန်မာနိုင်ငံ

    ၁၉၈၁ ခုနှစ်မှာ စတင်တွေ့ရှိခဲ့တဲ့ AIDS ရောဂါကြောင့် ကမ္ဘာပေါ်မှာ သေဆုံးသူဦးရေဟာ အခုဆိုရင် ၂၅ သန်းကျော်သွားပါပြီ။ အကြောင်းအမျိုးမျိုးကြောင့် ရောဂါပိုးကူးစက်ခံရသူဦးရေဟာ ကမ္ဘာ့လူဦးရေစုစုပေါင်းရဲ့ ၀.၆% ရှိပါတယ်။ HIV/AIDS ဟာ သာမန် ဆေးပညာဆိုင်ရာ ရောဂါတစ်ခုထက် ပိုတယ်လို့ ဆေးပညာရှင်တွေက ဆိုကြပါတယ်။ ကုရာနတ္ထိ ဆေးမရှိဆိုတဲ့ အသိကြောင့် ရောဂါ ကူးစက်ခံရသူတွေဟာ စိတ်ပိုင်းဆိုင်ရာ ထိခိုက်မှုမြင့်မားတတ်ကြပါတယ်။ အဲဒါကြောင့် ကုလသမဂ္ဂ အပါအ၀င် နိုင်ငံအများစု HIV/AIDS ကာကွယ်တားဆီးရေးနဲ့ ရောဂါပိုးကူးစက်ခံရသူတွေကို ကူညီထောက်ပံ့ရေးလုပ်ငန်းတွေကို အရှိန်အဟုန်နဲ့ ဆောင်ရွက်လာကြပါတယ်။

    HIV ပိုးဟာ လူမျိုး၊ ဘာသာ၊ နေရာအစွဲမထားတတ်တာမို့ ဒီရောဂါဟာ မွတ်စ်လင်မ်နိုင်ငံနဲ့ အသိုင်းအ၀ိုင်းတွေကြားမှာလဲ လျစ်လျူရှုထားလို့မရတဲ့ ကိစ္စတစ်ခုဖြစ်လာပါပြီ။ နိုင်ဂျီးရီးယားနဲ့ အီသီယိုပီးယားတို့လို မွတ်စ်လင်မ်လူဦးရေ ၅၀%  အထက်ရှိတဲ့ နိုင်ငံတွေမှာ HIV ကူးစက်မှုနှုန်းဟာ နိုင်ငံလူဦးရေရဲ့ ၈-၁၀% ရှိပါတယ်။ တစ်ချိန်လုံး HIV ကင်းစင်ပါတယ်လို့ ဆိုခဲ့တဲ့ ဆော်ဒီအာရေဗျနိုင်ငံဟာ ၂၀၀၆ ခုနှစ်မှာ နိုင်ငံအတွင်း HIV ကူးစက်ခံရသူ ၁၀၀၀၀ ကျော်ရှိကြောင်း ကြေငြာခဲ့ပါတယ်။ တစ်ချိန်က HIV ရောဂါဟာ၊ အထူးသဖြင့် လိင်မှုဆိုင်ရာကိစ္စနဲ့ ဆက်စပ်မှုရှိတာကြောင့်၊ မွတ်စ်လင်မ် အသိုင်းအ၀ိုင်းမှာ လက်သင့်မခံနိုင်တဲ့ ကိစ္စတစ်ခုဖြစ်ခဲ့ပါတယ်။ ဒါကြောင့်လည်း ကမ္ဘာပေါ်က တခြားနေရာတွေမှာ အသုံးပြုနေတဲ့ HIV/AIDS ပညာပေးနည်းစနစ်တွေဟာ မွတ်စ်လင်မ်အသိုင်းအ၀ိုင်းမှာ ထိရောက်မှုမရှိဖြစ်ခဲ့ရပါတယ်။

    အစောပိုင်းကာလတွေက အဲဒီလို အသိပေး၊ ပညာပေးမှုတွေ လုပ်နေတဲ့ကြားက HIV ပိုးရှိကြောင်းတွေ့ရှိတဲ့ သားဖြစ်သူကို မိသားစု သတိမေ့မျောတဲ့ထိ ရိုက်နှက်ပြီး အိမ်ကနေ မောင်းထုတ်တာ၊ ခင်ပွန်းသည်ကြောင့် ရောဂါကူးစက်ခံရတဲ့ အမျိုးသမီးကို အသိုင်းအ၀ိုင်းက သပိတ်မှောက်ပြီး နေရပ်ကနေ မောင်းထုတ်တာစတဲ့ ပြဿနာတွေကို မွတ်စ်လင်မ်လူမှုအဖွဲ့အစည်းတွေ၊ အထူးသဖြင့် အာဖရိက မွတ်စ်လင်မ်နိုင်ငံတွေမှာ ကြုံခဲ့ရပါတယ်။

    အဲဒါကြောင့် မွတ်စ်လင်မ်အသိုင်းအ၀ိုင်းအတွင်းမှာ HIV/AIDS ဆိုင်ရာ အသိပညာပေးရေးအစီအစဉ် အတွက် နည်းလမ်းအသစ်တွေ လိုအပ်လာခဲ့ပါတယ်။ အဲဒီလိုနဲ့ နောက်ပိုင်းမှာ အစ္စလာမ် သာသနာ့ပညာရှင်တွေနဲ့ ဘာသာရေးအဖွဲ့အစည်းကို ဦးဆောင်နေရာပေးပြီး ကြိုးပမ်းနိုင်ခဲ့တာကြောင့် အခုဆိုရင် ကမ္ဘာ့မွတ်စ်လင်မ် အသိုင်းအ၀ိုင်း တော်တော်များများကြားမှာ အဲဒီလို မလိုလားအပ်တဲ့ ပြဿနာတွေကို ကျော်လွှားလာနိုင်ပါပြီ။

    မွတ်စ်လင်မ် နိုင်ငံတော်တော်များမှာ အဲဒီလို ဘာသာရေးဆိုင်ရာဦးဆောင်ပုဂ္ဂိုလ်တွေကို ၁၉၉၀ ခုနှစ်စောပိုင်းကာလတွေကတည်းက ပညာပေးအစီအစဉ်တွေ၊ အသိပေးလှုံ့ဆောင်မှု (Advocacy) တွေ လုပ်ထားကြတာကို တွေ့ရပါတယ်။

    ယူဂန်ဒါနိုင်ငံမှာ Islamic Medical Association of Uganda (IMAU) အဖွဲ့က ကုရ်အာန်၊ ဟဒီးစ်တွေနဲ့ ကိုက်ညီတဲ့ HIV ပညာပေးအစီအစဉ်တစ်ရပ် စတင်ဖို့  ၁၉၈၀ နှောင်းပိုင်း ကာလတွေမှာ စတင်ကြိုးစားခဲ့ပါတယ်။ အစ္စလာမ်ဘာသာရေးခေါင်းဆောင်တွေဟာ မွတ်စ်လင်မ်အသိုင်းအ၀ိုင်းမှာ သြဇာအထိရောက်ဆုံးဆိုတာကို တွေ့ရှိပြီးတဲ့နောက် IMAU က ရှေ့ဆောင်ဆရာ (အီမာမ်) တွေကို စုစည်းပြီး HIV ဆိုင်ရာ အလုပ်ရုံဆွေးနွေးပွဲ တစ်ခုကို ကျင်းပခဲ့ပါတယ်။ အဲဒီအလုပ်ရုံဆွေးနွေးပွဲ ကာလအတွင်းမှာ HIV ဆိုင်ရာ အချက်အလက်တွေကို သိပ္ပံနည်းကျ နားလည်လာပြီးတဲ့နောက် ယူဂန်ဒါနိုင်ငံရဲ့ ဓမ္မသတ်မှူးချုပ်က AIDS ဆန့်ကျင်ရေးဂျီဟဒ် (Jihad on AIDS) အဖြစ် ကြေငြာခဲ့ပါတယ်။ အဲဒီအချက်ဟာ “အီမာမ်များဦးဆောင်သော မိသားစု AIDS ပညာရေးနှင့် ကာကွယ်ရေးအစီအစဉ်´´ (Family AIDS Education and Prevention through Imams – FAEPTI) ကို အကောင်အထည်ဖော်ဖို့ IMAU အတွက် အဓိက အထောက်အကူပြုခဲ့ပါတယ်။

    အဲဒီနောက် အဲဒီ အလုပ်ရုံဆွေးနွေးပွဲမှာ ပါဝင်ခဲ့တဲ့ အီမာမ်တွေကို လူထုကြား ကျန်းမာရေးပညာပေး လုပ်ငန်းတွေမှာ ပါဝင်စေခဲ့ပါတယ်။ သောကြာနေ့တရားပွဲနဲ့ တခြားလူစည်ကားတဲ့နေရာတွေမှာ အဲဒီ အီမာမ်တွေက ဒီကိစ္စနဲ့ ပတ်သက်ပြီး ဟောပြောခဲ့ကြပါတယ်။ အဓိကကတော့ ဝေဒနာသည်တွေရဲ့ အိမ်တွေကို သွားပြီး ၀တ်ပြုဆုတောင်း၊ ဒိုအာလုပ်ပေးတာ၊ ဝေဒနာသည်တွေကို အားပေးစကားပြောတာတွေကို လုပ်ကြပါတယ်။ အီမာမ်တွေကိုယ်တိုင်ဦးဆောင်တဲ့အတွက် ပတ်ဝန်းကျင်ကလည်း ဝေဒနာသည်တွေကို ပစ်ပယ်ထားတဲ့ အခြေအနေကနေ ပုံမှန်အတိုင်းဆက်ဆံမြဲဆက်ဆံပြီး လိုအပ်ရင် ဖေးမကူညီတဲ့ အခြေအနေကို ရောက်လာတယ်ပေါ့လေ။ ကက်ရ်ှမီးယားမှာ HIV/AIDS ပညာပေးလုပ်တဲ့ အဖွဲ့အစည်းတစ်ခုကလည်း တခြားနည်းလမ်းတွေ (IEC၊ ရေဒီယို၊ တယ်လီဗေးရှင်း၊ ဟောပြောပွဲ စသဖြင့်) အသုံးချပြီးတဲ့နောက်ဆုံး ဘာသာရေးပညာရှင်တွေကို အသုံးပြုတာက အထိရောက်ဆုံးဖြစ်တယ်ဆိုတာ တွေ့ရှိခဲ့ပါတယ်။

    ဆိုတော့..ဒီစီမံကိန်းဟာ ထိရောက်မှုရှိတဲ့အတွက်ကြောင့် UNAIDS အဖွဲ့က မွတ်စ်လင်မ်အသိုင်းအ၀ိုင်းတွင်း HIV/AIDS ပညာပေးလုပ်ငန်းအစီအစဉ်မှာ အကောင်းဆုံးစံစီမံကိန်းအဖြစ် သတ်မှတ်ခံရပါတယ်။ အခုနောက်ပိုင်း မွတ်စ်လင်မ်အသိုင်းအ၀ိုင်းအတွင်း HIV/AIDS အစီအစဉ်တွေနဲ့ ပတ်သက်ရင် မွတ်စ်လင်မ်နိုင်ငံတွေကရော၊ မွတ်စ်လင်မ်နိုင်ငံမဟုတ်တဲ့နိုင်ငံတွေကပါ ဒီပုံစံ (Model) ကို စံထား အသုံးပြုလာကြပါတယ်။ ပါကစ္စတန်နိုင်ငံ၊ နိုင်ဂျီးရီးယားနိုင်ငံနဲ့ အီသီယိုပီယားနိုင်ငံအပါအ၀င် တခြားကမ္ဘာ့မွတ်စ်လင်မ်နိုင်ငံအများစုက HIV/AIDS အပေါ်ဂျီဟဒ် ကြေငြာခဲ့ပါတယ်။

    ဒါ့အပြင် IMAU က ကြီးမှူးပြီးတော့ နိုင်ငံတကာ HIV/AIDS ဆိုင်ရာ မွတ်စ်လင်မ် ဘာသာရေးခေါင်းဆောင်များတိုင်ပင် ဆွေးနွေးပွဲ သုံးခုကို ကမ်ပါလာ (ယူဂန်ဒါ) မှာ ၂၀၀၁ ခုနှစ်၊ ကွာလာလမ်ပူ (မလေးရှာ) မှာ ၂၀၀၃ ခုနှစ်နဲ့ အက်ဒစ်အဘာဘာ (အီသီယိုပီးယား) မှာ ၂၀၀၇ ခုနှစ်တို့မှာ ကျင်းပခဲ့ပါတယ်။

    အဲဒီတိုင်ပင်ဆွေးနွေးပွဲတွေကနေ အစ္စလာမ့်နည်းကျ HIV/AIDS ပြဿနာ ချဉ်းကပ်နည်း လုပ်ငန်းခွင်ဆိုင်ရာ အဓိပ္ပာယ်ဖွင့်ဆိုချက် (Operational Definition of the Islamic Approach to HIV/AIDS) တစ်ရပ်ကို ဖော်ထုတ်နိုင်ခဲ့ပါတယ်။ အရှေ့တောင်အာရှမှာလည်း ၁၉၉၈ ခုနှစ်က အင်ဒိုနီးရှားနိုင်ငံမှာ အစ္စလာမ်ဘာသာရေးပညာရှင်များ HIV/AIDS ဆိုင်ရာ အလုပ်ရုံဆွေးနွေးပွဲတစ်ခု ကျင်းပပြီး အလားတူ မူဘောင် တစ်ခုကို ရေးဆွဲထားပါတယ်။

    အဲဒီ အဓိပ္ပာယ်ဖွင့်ဆိုချက်နဲ့ မူဘောင်တွေမှာ အဓိကပါဝင်တာကတော့ ရောဂါသည်တွေရဲ့ အခွင့်အရေးကို မြှင့်တင်ပေးဖို့ပါ။ ရောဂါသည်တွေကို ပုံမှန်ဆက်ဆံဖို့၊ အားပေးကူညီဖို့၊ အစ္စလာမ့်ထုံးတမ်းဓလေ့တွေကို သာမန်လူတွေအတိုင်း ကျင့်သုံးနိုင်ဖို့ (ဥပမာ – ထိမ်းမြားလက်ထပ်ခြင်း၊ ကလေးငယ်များ အရေပြားလှီးဖြတ်ခြင်း၊ အသုဘအခမ်းအနားစသဖြင့်)၊ လင်မယားကွာရှင်းမှုဆိုင်ရာ (ဖသ်ဝါ) ဥပဒေများ ကြေငြာခြင်း စတာတွေ ပါဝင်ပါတယ်။

    တစ်ဖက်မှာ ကမ္ဘာပေါ်မှာ ဒီလို စနစ်တကျ အကောင်အထည်ဖော်နေတာတွေရှိရဲ့နဲ့ ကျွန်တော်တို့ နိုင်ငံမှာ ဒီကိစ္စက ဘာသာရေးဆရာတွေ ကြားမှာ အခုထိ စိမ်းနေသေးတာက အနည်းငယ် ထူးဆန်းနေပါတယ်။

    ကျွန်တော်တို့ နိုင်ငံမှာလည်း ဒီရောဂါဟာ မွတ်စ်လင်မ်အသိုင်းအ၀ိုင်းကြားမှာ ကူးစက်ပြန့်ပွားနေတာကို တွေ့ရပါတယ်။ ဒါပေမယ့် ကံအကြောင်းမလှစွာပဲ ကူးစက်ခံရသူတွေဟာ တခြားနိုင်ငံ၊ ဒေသတွေက မွတ်စ်လင်မ်တွေလို အခွင့်အရေးမရရုံမက အနှိမ်ခံ၊ အပယ်ခံ ဘ၀ကို ရောက်ပြီး အခြေအနေ ဆိုးသထက်ဆိုးသွားကြပါတယ်။ လွန်ခဲ့တဲ့ နှစ်နှစ်ဆယ်ကျော်၊ HIV ဆိုင်ရာ အသိချို့တဲ့ချိန်က အာဖရိကတိုက်မှာ ကြုံခဲ့ရတာမျိုး ကျွန်တော်တို့ ကြုံနေရပါတယ်။

    အဲဒီအချက်တွေကြောင့် HIV/AIDS လုပ်ငန်းနဲ့ဆက်စပ်တဲ့ လူမှုရေးအဖွဲ့အစည်းတွေမှာ လုပ်ကိုင်နေကြတဲ့ မွတ်စ်လင်မ် လူငယ်တွေဟာ မွတ်စ်လင်မ် ဝေဒနာသည်တွေ တွေ့တဲ့အခါမှာ ထိထိရောက်ရောက် ဆက်လက်ကူညီဖို့ အခက်အခဲတွေ့ရပါတယ်။ တခြား ဘာသာဝင်တွေအတွက် ဘာသာရေးဆိုင်ရာအစီအစဉ်တွေနဲ့ ကူညီအားပေးနေတဲ့အချိန်မှာ ကိုယ့်မွတ်စ်လင်မ်တွေကတော့ ဘာသာရေးအသိုင်းအ၀ိုင်းက ပစ်ပယ်ခြင်းခံနေရတာကို ကြုံရတာကြောင့် စိတ်ပျက်ညည်းညူသံတွေကိုလည်း ကြားရပါတယ်။ လူငယ်တွေ၊ HIV/AIDS ဆိုင်ရာ ပညာရှင်တွေဟာ အတွေးအခေါ်၊ အတွေ့အကြုံတွေရှိပေမယ့် အဲဒီလို ဘာသာရေးအသိုင်းအ၀ိုင်းက ပွင့်လင်းစွာ လက်မခံမှုကြောင့် ရှေ့ဆက်လုပ်ငန်းဆောင်ရွက်ဖို့ နှောင့်နှေးရပါတယ်။ ဒါပေမယ့် တဖက်မှာ မနှောင့်နှေးပဲ အရှိန်နဲ့ဆက်သွားနေတာက HIV/AIDS ရောဂါသည်တွေရဲ့ ဝေဒနာပါ။ ခင်ပွန်းသည်ကြောင့် ရောဂါပိုးကူးစက်ခံရသူအမျိုးသမီးတွေ၊ မိဘက တဆင့် ကူးဆက်ခံရတဲ့ ရင်သွေးငယ်လေးတွေ၊ ဆေးထိုးအပ်က ကူးစက်ခံရသူတွေ၊ ဘ၀ကို ရိုးရှင်းစွာဖြတ်သန်းနေလျှက်က ဘာကြောင့်မှန်း မသိဘဲ ကူးစက်ခံရသူတွေ…အများစုဟာ မိမိကိုယ်တိုင်ကြောင့် မဟုတ်ဘဲ ရောဂါပိုး ကူးစက်ခံရသူတွေပါ။ ကျွန်တော်တို့ရဲ့ အတ္တတွေကြောင့် သူတို့၊ သူတို့တွေ၊ ကိုယ့်ရဲ့ မွတ်စ်လင်မ်သွေးသားတွေ ဝေဒနာပေါ် ဝေဒနာဆင့်ခံစားရမယ်ဆိုရင်…ဒါဟာ..အလ္လာဟ်အရှင်မြတ်နဲ့ အလ္လာ့ဟ်ရဲ့ တမန်တော်က လိုလားတဲ့ အစ္စလာမ်အသိုင်းအ၀ိုင်းလို့ ပြောဖို့ ခက်သွားပါလိမ့်မယ်။

    သာသနာ့ပညာရှင်တွေဟာ သာသနာ့အလံကို ကိုင်ဆောင်ထားသူတွေဖြစ်တယ်ဆိုတဲ့အတိုင်း အဲဒီ ကိစ္စကို အထိရောက်ဆုံး ဦးဆောင်ဖြေရှင်းပေးနိုင်တာကတော့ သာသနာ့ဦးဆောင်ပုဂ္ဂိုလ်တွေပဲ ဖြစ်ပါတယ်။ တခြားနိုင်ငံတွေမှာလိုပဲ သာသနာ့ပညာရှင်တွေ၊ ဘာသာရေးအဖွဲ့အစည်းတွေ ဒီလုပ်ငန်းမှာ တက်ကြွစွာ ပါဝင်လာမယ်ဆိုရင် အဲဒီဝေဒနာသည်လေးတွေရဲ့ ဘ၀တွေ တဖန်ပြန် လန်းဆန်းလာပါလိမ့်မယ်။ ငြိမ်းချမ်းတဲ့ သာသနာရဲ့ ရင်ခွင်မှာ အေးမြတဲ့ ဘ၀တွေကို ပြန်လည် ပိုင်ဆိုင်နိုင်လာပါလိမ့်မယ်။

    ဘာပဲဖြစ်ဖြစ်..ကျွန်တော်တို့ နောက်မကျသေးပါဘူး။ ကောင်းတဲ့ လုပ်ငန်းတွေအတွက် ဘယ်တော့မှ နောက်ကျတယ်ဆိုတာ မရှိပါဘူး…..

    ကိုဇော်ထက် စီစဉ်တင်ပြသည်။

  • လူငယ်လေးနှစ်ဦး အကြောင်း

    ဇူလိုင်-၁၆၊၂၀၁၁
    M-Media

    (၁၆)နှစ် (၁၇)နှစ်အရွယ် လူငယ်လေးနှစ်ဦးဖြစ်ပါသည်။ ထိုလူငယ်လေးနှစ်ဦးသည် မိသားစုအတွက်၊ ပတ်ဝန်းကျင်အတွက်၊ တိုင်းပြည်နှင့်လူမျိုးအတွက် အလုပ်လုပ်ရန်အကောင်းဆုံးအရွယ်၊ ရဲရင့်ခြင်း၊ ဖျတ်လပ်ခြင်း၊ တက်ကြွခြင်းတို့ဖြင့် ဝင့်ထည်နေဆဲအရွယ်တွင် ကွယ်လွန်ခဲ့ကြပါသည်။   သို့သော် သူတို့ဘဝကူးပုံချင်းတော့ မတူညီကြ​ပါလေ၊ တစ်ဦးက တိုင်းပြည်နှင့် လူမျိုးအတွက် အာဇာနည်တို့၏ အသက်စွန့်ပေးဆပ်ခြင်းမျိုးဖြင့်​ မြန်မာ့သမိုင်းတွင် မွန်မြတ်စွာ စာရင်းဝင်ခဲ့သည်။ ကျန်တစ်ဦးမှာ ရက်စက်သော၊ ယုတ်မာသော၊ ပက်စက်သော လုပ်ရပ်ကြောင့် ပြည်သူတို့၏ မုန်းတီးရွံရှာမှု တရားဥပဒေ၏ ပြစ်ဒဏ် စီရင်မှုတို့ကို ခံယူ၍ သေပွဲဝင်ခဲ့ရသည်။

    ၎င်းတို့နှစ်ဦးမှာ ၁၉၄၇-ခုနှစ် ဇူလိုင်လ ၁၉ ရက်တွင် အာဇာနည်ခေါင်းဆောင်ကြီးများနှင့်​အတူ လုပ်ကြံခံခဲ့ရရှာသော ရဲဘော်ကိုထွေးနှင့် ၁၉၄၈-ခုနှစ် မေလ ၈ ရက်တွင် ကြိုးပေးစီရင်ခံခဲ့ရသော နိုင်ငံတော်လုပ်ကြံမှုတရားခံ ရန်ကြီးအောင် တို့ပင်ဖြစ်ပါသည်။ သူတို့နှစ်ဦးအကြောင်းကို လူငယ်များသင်ခန်းစာရယူနိုင်ရန် သံဝေဂရနိုင်ရန် နှိုင်းယှဉ်ဖော်ပြချင်ပါသည်။

    ကိုထွေးလေးသည် အဘ ဦးကိုလေး၊ အမိ ဒေါ်မင်းရီတို့၏ ရင်နှစ်သည်းခြာ သားရတနာလေးတစ်ဦးဖြစ်သည်။ ဦးကိုလေးသည် ဆရာကြီးဦးရာဇတ်နှင့် ငယ်သူငယ်ချင်းလည်း ဖြစ်လေသည်။ ဆရာကြီး ဦးရာဇတ်က ယုံကြည်စိတ်ချ ရသော သက်တော်စောင့် တစ်ဦးလိုသဖြင့် ဦးကိုလေးကိုပြောရာ ဦးကိုလေးက သားဖြစ်သူကိုထွေးကို ဦးရာဇတ်ထံ အပ်နှံလိုက်သည်။ ဦးကိုလေး၏ သားသမီးများထဲတွင် ကိုထွေးတစ်ယောက်သာ လူပျိုလူလွတ်ကျန်ရှိနေ၍ ကိုထွေးကို ထည့်ပေးလိုက်ခြင်းလည်းဖြစ်သည်။   ကိုထွေးသည် နေရှင်နယ်ကျောင်းသား တစ်ဦးလည်းဖြ​စ်၍ ဦးရာဇတ်အား ကြည်ညိုလေးစားသူလည်းဖြစ်ပါသည်။

    ဦးရာဇတ်နှင့် လက်ပွန်းတတီးနေထိုင်စဉ် ကာလအတွင်း ကိုထွေးလေးသည် ဦးရာဇတ်ထံမှ နိုင်ငံရေးဗဟုသုတ၊ လူမှုရေးအသိအမြင်၊ ဘာသာရေး အဆုံးအမများကို ရရှိခဲ့မည်မှာ မလွဲပေ။   အကယ်၍သာ ဦးရာဇတ်ပြုစုပျိုးထောင်ခဲ့သော ရဲဘော်ကိုထွေးလေး မသေခဲ့လျှင် နိုင်ငံတော်၏ ယုံကြည်စိတ်ချ အားထားရသော သားကောင်းရတနာတစ်ဦး ဖြစ်လာမည်မှာ အမှန်ပင်။   အဘဖြစ်သူ ဦးကိုလေးက ကိုထွေးလေးကို ဦးရာဇတ်ထံအပ်နှံရာတွင် ”ဦးရာဇတ်သွားတဲ့နေရာ ခေါ်သွားပါ” ဟု ပြောခဲ့ဖူးသည်။ ထိုစကားကြောင့်များ ဦးရာဇတ်သည် သူယုံကြည်စိတ်ချရသော တပည့်ရင်းကိုထွေေးလးကို တမလွန်ထိ ခေါ်သွားလေရော့သလားဟု ကျန်ရစ်သူမိသားစုက လွမ်းတသသနှင့် ပြောစမှတ်ဖြစ်နေခဲ့ကြပါသည်။   ရန်ကြီးအောင်မှာ ဦးစော၏ တူဝမ်းကွဲတော်စပ်သည်။ နိုင်ငံရေးကိစ္စနှင့် အုတ်ဖိုသို့ ဦးစောရောက်လာရာ ရန်ကြီးအောင်သည် အဒေါ်ဖြစ်သူ၏ တိုက်တွန်းမှုကြောင့် သွားရောက်တွေ့ဆုံခဲ့လေသည်။ ထိုအချိန်မှစ၍ အသွားမတော် တစ်လှမ်းဆိုသည့် မြန်မာစကားပုံအတိုင်း ရန်ကြီးအောင်၏ ခြေလှမ်းများသည် ကြိုးစင်သို့ ဦးတည်ခဲ့ရလေတော့သည်။

    ရန်ကြီးအောင်သည် ဦးစော၏ အိမ်နောက်ဘက်၌ တိုးချဲ့ထားသည့်အဆောက်အအုံတွင် ဦးစောတပည့်များနှင့်အတူ နေခဲ့သည်။ ဦးစောအိမ်ဝင်းထဲရှိ တပည့်များထဲတွင် ရန်ကြီးအောင်မှာ အသက်အငယ်ဆုံး၊ ဝါအနုဆုံး လူငယ်လေးတစ်ဦးပင်။   ရန်ကြီးအောင်သည် သတ်ရဲ၊ ဖြတ်ရဲ၊ ပစ်ရဲ၊ ခတ်ရဲ၊ မိုက်သွေးရှိသော လူငယ်လေးတစ်ယောက်လည်းဖြစ်သည်။ ဦးစောသည် ရန်ကြီးအောင်၏ သတ္တိနှင့် ကိုယ်ရည်ကိုယ်သွေးကို သူ၏ အာဏာရယူရေးလုပ်ငန်းတွင် အသုံးချနိုင်ခဲ့လေသည်။ ရန်ကြီးအောင်၏ လူငယ်အားမာန်နှင့် ရဲရင့်ခြင်း၊ တက်ကြွခြင်းတို့သည် နေရာလွဲမှားစွာ အသုံးချခံခဲ့ရလေပြီတည်း။   ရန်ကြီးအောင်နေထိုင်စဉ် ကာလအတွင်း သေနတ်အမျိုးမျိုးကို မည်ကဲ့သို့ အသုံးပြုပုံကို ဦးစောကိုယ်တိုင် သင်ပေးသည်။ ရန်ကြီးအောင်မှာ ကံမကောင်းအကြောင်းမလှစွာ ဆရာတင်မှားမိသဖြင့် နိုင်ငံတော်လုပ်ကြံမှုကြီးတွင် ပါဝင်ခဲ့ရသော်လည်း ဗိုလ်ချုပ်အောင်ဆန်းကို လူကိုယ်တိုင် တစ်ခါမျှမမြင်ဖူးခဲ့ပါချေ။ အတွင်းဝန်ရုံးကို မည်သို့ဝင်မည်၊ မည်သို့ထွက်ရန်ဝေးစွ အတွင်းဝန်ရုံးဆိုတာ ဘာဆိုသည်ကိုပင်မသိရှာပါ။ နိုင်ငံရေးလည်းဘာမျှနားမလည်။   အခြားသူများနှင့် လိုက်သွားပြီး အခြားသူများပစ်ခတ်သော လူစုထဲသို့ ခိုင်းစေညွှန်ကြားထားသည့်အတိုင်း​ ဝင်ရောက်ပစ်ခတ်လိုက်မိခြင်းသာဖြ​စ်သည်။ သို့သော် သူပစ်လိုက်သောသူများမှာ နိုင်ငံတော်၏ ဦးသျှောင်၊ နိုင်ငံတော်၏ အသည်းနှလုံးများဖြစ်ကြောင်း နောက်ကျမှ သိခဲ့ရပေသည်။     တိုက်ဆိုင်မှုဟုဆိုရမည်လား ပို၍ရင်နင့်စရာကောင်းသော အချက်မှာ ခေါင်းဆောင်ကြီးများကို လုပ်ကြံပစ်ခတ်ပြီး ပြေးထွက်အလာ ရဲဘော်ကိုထွေးလေးကို ထပ်မံပစ်ခတ်  သတ်ဖြတ်လိုက်သူမှာ ရန်ကြီးအောင် ဖြစ်နေခြင်းပင်။

    ရဲဘော်ကိုထွေေးလးသည် မည်သည့်ရန်ငြိုးရန်စမျှ မရှိသော၊ သက်တူရွယ်တူ ညီအစ်ကိုအရွယ်၊ သူငယ်ချင်းအရွယ်၊ သူလိုလူငယ်လေးတစ်ဦး၏ လက်ချက်ဖြင့် အသက်စွန့်ခဲ့ရရှာသည်။ အစားထိုးမရသော နိုင်ငံတော်၏ ဆုံးရှုံးမှုဖြစ်ရပ်ကြီးထဲမှ လူငယ်များအတွက် လွမ်းဆွတ်ကြေကွဲဖွယ် ဖြစ်ရန်မှန်လေးတစ်ပုဒ်ပင်။     ရဲဘော်ကိုထွေး၊ ရန်ကြီးအောင်နှင့် တစ်ဆက်တည်းကြုံကြိုက်၍ ထပ်မံဖော်ပြချင်သော လူငယ်တစ်ဦးမှာ နိုင်ငံတော် လုပ်ကြံမှုတရားခံ စိန်ကြီးဖြစ်ပါသည်။ စိန်ကြီးမှာ ကြို့ပင်ကောက်ဇာတိဖြစ်သည်။ စိန်ကြီး၏ကွယ်လွန်သူအဘမှာ ဦးစော၏ မိတ်ဆွေဖြစ်သည်။ စိန်ကြီး၏မိခင်က ဦးစောသည် မိမိတို့၏ကျေးဇူးရှင်ဖြစ်ကြောင်း ပြောပြခဲ့သည်။   စိန်ကြီး၏မိဘများက ဦးစောကိုကြည်ညိုကြသည်။

    ဦးစောနယ်ထွက် တရားဟော လူစုသောအခါ စိန်ကြီးကိုတွေ့ရ၍ မျက်စိကျခဲ့သည်။ ဦးစောကလည်း ဆွဲဆောင်၊ မိဘများကလည်း တိုက်တွန်းသဖြင့် စိန်ကြီးသည် ရန်ကုန်သို့လိုက်ပါလာ ခဲ့ရသည်။ စိန်ကြီး၏ ရည်းစားက ရန်ကုန်တွင် ကျောင်းနေသည်။ ထို့ကြောင့် နိုင်ငံရေးအရ ဦးစောကိုမနှစ်မြို့သော်လည်း ရန်ကုန်တွင်နေရတာကိုတော့ စိန်ကြီးသာယာလာခဲ့သည်။ ဤသာယာမှုတွင် နစ်မွန်းနေခိုက် ဦးစော၏ ပိုက်ကွန်တွင် စိန်ကြီးမိမှန်းမသိ အမိခံလိုက်ရသည်။   ဦးစောသည် ၎င်းရာထူးအာဏာရရှိရေးအတွက် လူငယ်များကို အသုံးချခဲ့သော်လည်း တကယ်တန်းအမှုကြီးနှင့် ရင်ဆိုင်ရသောအခါ တပည့်များအတွက် တုံ့ပြန်စေတနာမထားခဲ့ချေ။ ဦးစောသည် သူ့အတွက့် နာမည်ကျော်ရှေ့နေကြီးများ ဖြစ်သော မစ္စတာဗာတားနစ်နှင့် အင်္ဂလန်ပြည်မှ နံမည်ကြီးဝတ်လုံ ကားလ်တစ်ဘက်နက်တို့ကို ငှားရမ်းခဲ့သည်။ တပည့်များအတွက်မူ အုတ်ဖိုနှင့် သာယာဝတီမှ ဒုတိယတန်းရှေ့နေများကိုသာ ငှားရမ်းပေးခဲ့သည်။

    ထိုသို့ခွဲခြားငှားရမ်းမှုကို တပည့်များက စိတ်နာကြလေသည်။   တရားရေးဝန်ကြီး ဦးကျော်မြင့်က တရားခံများအား မိမိတို့အတွက် ရှေ့နေမည်သူလိုက်မည်နည်းဟု မေးသောအခါ စိန်ကြီးက ”ကျွန်တော် ရှေ့နေမငှားပါ” ဟု ထဖြေလိုက်သည်။ ဦးစောက စိန်ကြီးကိုကြည့်ကာ မတ်တပ်ရပ်ပြီး မောင်စိန်၊ မောင်စိန်၊ မောင်စိန် နှင့် လှမ်းခေါ်သော်လည်း စိန်ကြီးကလှည့်မကြည့်တော့ပါချေ။ စိန်ကြီးသည် လူငယ်စိတ်၊ လူငယ်သွေးဖြင့် လုပ်ရဲလျှင် ခံရဲရမည်ဟူသောစိတ်ရှိပုံရသည်။ အထူးသဖြင့် ဦးစောကိုလည်း စိတ်နာနေလေပြီ။   အမှုစစ်ဆေးပြီးသောအခါ မေလ ၈ ရက် နံနက်အရုဏ်တက်တွင် ဦးစော၊ မောင်စိုး၊ သက်နှင်း၊ မှုံကြီးတို့ကို အင်းစိန်အကျဉ်းထောင်တွင် ကြိုးပေး၍ စိန်ကြီးနှင့် ရန်ကြီးအောင်တို့ကို ရန်ကုန်ဗဟိုအကျဉ်းထောင်တွင် တစ်ချိန်တည်းလိုပင် ကြိုးပေးခဲ့သည်။ စိန်ကြီးသည် ကြိုးပေးခံရမည့်ညကတည်းက ”နောက်နေ့ကျရင် တို့ခရီးရှည်ကြီးသွားကြရတော့မယ်​” ဟု နောက်ပြောင်နေသည်။ သူ၏ ရှိသမျှ ငွေ၊ ပစ္စည်းလေးများကိုထုတ်၍ သူ့ရည်းစားထံပို့ပေးပါဟု မှာကြားခဲ့သည်။ အချစ်သစ် ဖန်တီး၍ ဘဝသစ်ထူရစ်တော့ဟုလည်း အမှာစကားထားခဲ့သည်။   ဤသို့ဖြင့် ဆရာတင်မှားမိသော လူငယ်လေးနှစ်ဦး၏ဘဝသည် အကျည်းတန်စွာနိဂုံးချူပ်ခဲ့ရလြေ​ပီတည်း—-

    ဤလူငယ်လေးများ၏ အဖြစ်အပျက်ကို သင်ခန်းစာယူ၍ လူငယ်တိုင်းဘ၏တွင် ပတ်ဝတ်းကျင်ကောင်း၊ ဆွေမျိုးကောင်း၊ ဆရာကောင်းတို့၏ အခန်းကဏ္ဍမည်မျှအရေးပါသည်ကို သိသာနိုင်ပါသည်။ လူငယ်များ၏ ရဲစွမ်းသတ္တိနှင့် အားမာန်ကို မိမိကိုယ်ကျိုးအတွက် လွဲမှားစွာအသုံးချမည့်ဆရာမိုက်နှင့်တွေ့ခဲ့ပါက ဘဝတစ်လျှောက် မှောက်မှား ရပေလိမ့်မည်။

    ဆရာတင်မှားမိသဖြင့် ဖခင်ရင်းကို နန်းချနှိပ်စက်ခဲ့သော အဇာတသတ်မင်းသား၊ မိခင်ကို ဓားနှင့်လိုက်ခဲ့သော အင်္ဂုလိမာလတို့သည် ဗုဒ္ဓဘာသာသမိုင်းတစ်လျှောက်တွင် သင်ခန်းစာယူကြရမည့် လူငယ် ဇာတ်လိုက်လေးများပင်။   မြန်မာ့နိုင်ငံရေး သမိုင်းတွင်လည်း ရဲဘော်ကိုထွေးနှင့် ရန်ကြီးအောင်တို့ကဲ့သို့ နှိုင်းယှဉ်သင်ခန်းစာယူရမည့် လူငယ်လေးတွေ များစွာရှိခဲ့ပါသည်။ တစ်ချိန်က ဗမာပြည်ကွန်မြုနစ်ပါတီတောတွင်းလ​က်နက်ကိုင် အဖွဲ့အစည်းများ၏ ဝါဒမှိုင်းမိသွားရသော လူငယ်များကို သတိရကြစေချင်ပါသည်။ မိကောင်းဖခင်သားသမီး၊ မျိုးကောင်းရိုးကောင်း ပညာတတ်လူငယ်လေးများ တောတွင်းမှာ ရင်နင့်စဖွယ် ဘဝဆုံးခဲ့ကြရသည်။ ရက်ရက်စက်စက် အသတ်ခံခဲ့ကြရသည်။   သာဓကများသည် မြန်မာ့နိုင်ငံရေးသမိုင်းတွင် ဘယ်သောအခါမျှ ဖျောက်ဖျက်၍ရတော့မည်မဟုတ်သော လူငယ်တို့အတွက် ဖြစ်ရပ်မှန်သင်ခန်းစာများပင်၊ လူငယ်တို့သည် ဤအဖြစ်အပျက်များကို လေ့လာဆင်ခြင်ပြီး မိမိတို့၏ စွမ်းရည်နှင့် သတ္တိဗျတ္တိကို မှန်မှန်ကန်ကန် ပြုစုပျိုးထောင်နိုင်မည့် ဆရာကောင်းကို ရွေးချယ်တတ်ဖို့လိုပါလိမ့်မည်။   မိမိပိုင်ဆိုင်သည့် ပညာရည်နှင့်ပင်ကိုယ်ရည်၊ လက်ရုံးရည်နှင့် နှလုံးရည်တို့ကို မိမိပတ်ဝန်းကျင်အတွက်၊ နိုင်ငံအတွက်၊ လူမျိုးအတွက် အသုံးတည့်နိုင်ဖို့ ကြိုးစားကြရပါမည်။   ရဲရင့်ပြောင်မြောက်ခြင်း၊ ဥာဏ်ပညာကြီးခြင်း၊ သစ္စာရှိခြင်းတို့နှင့် ပြည့်စုံသော သူရဲကောင်းလေးများဖြစ်ရန် မှန်ကန်သောပျိုးထောင်မှု လိုအပ်လှသည်။ မိမိအရည်အချင်းကို တောက်ပြောင်အောင်သွေးပေးမည့် ဆရာကောင်းနှင့်လည်း ကြုံရမည်။ မိမိကိုယ်မိမိလည်း အစဉ်အမြဲလေ့ကျင့်ပျိုးထောင်နေရပါမည်။   ယနေ့လူငယ်တိုင်းသည် ဘာသာရေးသမိုင်း၊ နိုင်ငံရေးသမိုင်းများမှ လူငယ်တို့အကြောင်းကို ရှာဖွေဖတ်ရှုလေ့လာ၍ ဆရာကောင်းထံနည်းခံ၊ လမ်းမှန်ကိုလျှောက်၊ လူငယ်တစ်ယောက်၏ဘဝကို လှပစွာ ဖန်တီးနိုင်ကြစေရန် ရည်သန်ပြဌာန်း ကြိုးပမ်းကြဖို့ အရေးကြီးသော အချိန်ရောက်နေပါပြီဟူ၍သာ …..။

    မာမာ (ရှေးဟောင်းသုတေသန)
    ရတနာပုံသတင်းစာ – အတွဲ (၆) အမှတ် (ဝ၇၆) ၁၃၅၉ ခုနှစ် ဝါဆိုလဆန်း (၁၁)ရက် (၁၅.၇.၁၉၉၈) အင်္ဂါနေ့၊ စာမျက်နှာ ၈

    ကိုကျော်မိုးအောင် FB စာမျက်နှာမှ ကူးယူဖော်ပြပါသည်။