Tag: China

မတ် ၂၀၊ ၂၀၁၈
M-Media

– တရုတ်နိုင်ငံကို ပဲ့ထွက်စေဖို့ ကြိုးပမ်းမှုတွေ အားလုံးကို တရုတ်သမ္မတ ရှီကျင့်ဖျင်က သတိပေးလိုက်ပြီး ကမ္ဘာ့အလယ်မှာ ထိုက်တန်တဲ့နေရာတစ်ခု ပြန်ရရေး ‘ကြမ်းကြမ်းတမ်းတမ်း တိုက်ပွဲဝင်ဖို့’ အဆင်သင့်ရှိတယ်လို့လည်း ပြောကြားခဲ့ပါတယ်။

သမ္မတအဖြစ် ဒုတိယသက်တမ်း ပြန်လည်တင်မြှောက်ခံရပြီးတဲ့နောက် ဒီကနေ့မှာပြုလုပ်တဲ့ ပြည်သူ့ကွန်ဂရက်မှာ ရှီက အခုလို ပြောဆိုခဲ့တာဖြစ်ပြီး ကမ္ဘာ့စစ်ရေးနဲ့ စီးပွားရေးမှာ ပြိုင်ဘက်ကင်းတဲ့အနေအထား ရောက်စေမယ့် ခေတ်သစ်တစ်ခုကို ပဲ့ကိုင်သွားမယ်လို့လည်း ဆိုပါတယ်။

အမေရိကန်သမ္မတ ဒေါ်နယ်ထရမ့်ဟာ အမေရိကန် တာဝန်ရှိသူတွေ ထိုင်ဝမ်ကျွန်းကို သွားရောက်နိုင်မယ့် ဥပဒေသစ်တစ်ခုကို ပြီးခဲ့တဲ့ရက်ပိုင်းမှာ လက်မှတ်ရေးထိုးခဲ့ပြီး ရှီက မိမိတို့အနေနဲ့ ‘တရုတ်တစ်နိုင်ငံတည်းမူ’ ကို ဆက်လက်ကာကွယ်သွားမှာဖြစ်တယ်လို့ ထည့်သွင်းပြောဆိုခဲ့ပါတယ်။ ဒီမူမှာ ထိုင်ဝမ်ကို တရုတ်ပိုင်နက်အဖြစ် သတ်မှတ်ထားတာ ဖြစ်ပါတယ်။

“တိုင်းပြည်ကိုပိုင်းဖို့ ဆောင်ရွက်မှုတွေ၊ လှည့်ဖျားကြံစည်မှုတွေအားလုံးဟာ ကြမ္မာဆိုးနဲ့ ရင်ဆိုင်ရမှာဖြစ်ပြီး တရုတ်ပြည်သူတွေရဲ့ ရှုတ်ချမှုကိုခံရကာ သမိုင်းက အပြစ်ပေးသွားမှာ ဖြစ်ပါတယ်”

ဒါပေမယ့် နိုင်ငံရပ်ခြားမှာ သူတို့လုပ်နေတဲ့ စီမံကိန်းတွေဟာ ဘယ်နိုင်ငံကိုမှ ခြိမ်းခြောက်ခြင်းမရှိဘူးလို့ ရှီက ပြောပါတယ်။

“အခြားသူတွေကို ခြိမ်းခြောက်လေ့ရှိတဲ့သူတွေကသာ အားလုံးကို ခြိမ်းခြောက်မှုအဖြစ် မြင်ကြတာပါ”

ဒီမိန့်ခွန်းမှာ ရှီက ‘တရုတ်ပြည်ကို သွေးသစ်လောင်းမယ့်’ သူ့ရဲ့အယူအဆကို ထည့်သွင်းပြောကြားခဲ့ပြီး ဒါဟာ တရုတ်နိုင်ငံရဲ့ ကြီးမားတဲ့ အိပ်မက်လည်း ဖြစ်ပါတယ်။

“တရုတ်ပြည်သူတွေဟာ အနိုင်မခံ၊ အရှုံးမပေးဘဲ ကြံ့ကြံ့ခံနိုင်တဲ့ လူမျိုးတွေဖြစ်တယ်။ ရန်သူတွေကို ခါးသီးတဲ့နိဂုံးအထိ ကြမ်းကြမ်းတမ်းတမ်း တိုက်ပွဲဝင်မယ့် စိတ်ဓာတ်မျိုးလည်း ကျွန်တော်တို့မှာ ရှိပါတယ်”

သမ္မတ ရှီကျင့်ဖျင်ဟာ တိုင်းပြည်ကိုအုပ်စိုးနေတဲ့ ကွန်မြူနစ်ပါတီအကြောင်းကိုလည်း ထည့်သွင်း ပြောဆိုသွားခဲ့ပါတယ်။

“ဆိုရှယ်လစ်ဝါဒကသာ တရုတ်ပြည်ကို ကယ်တင်နိုင်မယ်ဆိုတာ သမိုင်းက သက်သေပြခဲ့ပြီးဖြစ်သလို၊ ဆက်လက်ပြီး သက်သေပြသွားမှာ ဖြစ်ပါတယ်။ ကွန်မြူနစ်ပါတီဟာ တိုင်းပြည်ရဲ့ နိုင်ငံရေးမှာ အဓိပတိဖြစ်ပြီး တရုတ်နိုင်ငံကို ကြီးကျယ်တဲ့ အားသစ်လောင်းမှု အောင်မြင်ဖို့အတွက် အခြေခံကျကျ အာမခံနိုင်တဲ့ အဖွဲ့အစည်းလည်း ဖြစ်ပါတယ်”

၂ ပတ်တာကြာမြင့်မယ့် ပြည်သူ့ကွန်ဂရက်က အသက် ၆၄ နှစ်အရွယ် ရှီကို သမ္မတအဖြစ် ဒုတိယအကြိမ် ပြန်လည်ရွေးကောက်ခဲ့ပြီး သမ္မတသက်တမ်း ကန့်သတ်ထားမှုပယ်ဖျက်ရေး ကွန်မြူနစ်ပါတီရဲ့ ဆုံးဖြတ်ချက်ကိုလည်း အတည်ပြုခဲ့ပါတယ်။ ဒါ့ကြောင့် ၂၀၂၃ ခုနှစ်မှာ သက်တမ်းပြည့်မယ့်ရှီဟာ ရာထူးမှာ ဆက်ရှိနေမှာ ဖြ
စ်ပါတယ်။

ကွန်ဂရက်မိန့်ခွန်းမှာ ရှီက ခြစားမှုကို အမြစ်ဖြတ်သွားမယ်လို့လည်း ပြောကြားခဲ့ပါတယ်။

“တရုတ်ကွန်မြူနစ်ပါတီဟာ ခြစားမှုကို လုံးဝဥဿုံ အမြစ်ဖြတ်သွားမှာပါ”

ရှီဟာ မော်ဇီတုံးနောက်ပိုင်း တရုတ်ရဲ့ အာဏာပါဝါအကြီးဆုံး ခေါင်းဆောင်အဖြစ် သတ်မှတ်ခံထားရသူလည် ဖြစ်ပါတယ်။

Ref: CNA

မတ် ၁၁၊ ၂၀၁၈
M-Media

– သမ္မတနဲ့ ဒုတိယသမ္မတသက်တမ်း ကန့်သတ်ထားမှုကို တရုတ်လွှတ်တော်က ဒီကနေ့မှာ ပယ်ဖျက်လိုက်ပြီး လက်ရှိသမ္မတ ရှီကျင့်ဖျင် ရာသက်ပန် ရာထူးရယူရေး လမ်းဖွင့်ပေးလိုက်တာ ဖြစ်ပါတယ်။

ဒီကနေ့ပြုလုပ်တဲ့ နှစ်ပတ်လည် အမျိုးသားပြည်သူ့ကွန်ဂရက်အတွင်း စုစုပေါင်းအမတ် ၂၉၆၃ ယောက်မှာ ၂၉၅၈ ဦးက သမ္မတသက်တမ်း ပယ်ဖျက်ရေးကို ထောက်ခံမဲပေးခဲ့တာ ဖြစ်ပါတယ်။ ကြားနေမဲ ၃ မဲ၊ ကန့်ကွက်မဲ ၂ မဲရှိခဲ့တယ်လို့ လွှတ်တော်က ကြေငြာခဲ့ပါတယ်။

ကွန်မြူနစ်ပါတီကို တည်ထောင်တဲ့ မော်စီတုန်းရဲ့ တစ်ဦးတည်းအုပ်စိုးမှုအတွင်း အခြေအနေ မတည်ငြိမ်မှုတွေ ဖြစ်ပွားခဲ့ပြီးတဲ့နောက် ထိပ်တန်းခေါင်းဆောင်တစ်ယောက်ဖြစ်တဲ့ တိန့်ရှောင်ဖိန်က စုဖွဲ့အုပ်စိုးမှုစနစ်ကို ဖန်တီးပေးခဲ့တာပါ။

ဒါပေမယ့် အခုအတည်ပြုမှုဟာ အရင် တစ်ဦးတည်းအုပ်စိုးမှုစနစ်ကို ပြန်လည်ရောက်ရှိသွားစေမှာ ဖြစ်ပါတယ်။

အသက် ၆၄ နှစ်အရွယ် ရှီကျင့်ဖျင်ဟာ ၂၀၁၂ ခုနှစ် ကွန်မြူနစ်ပါတီ အထွေထွေအတွင်းရေးမှူးအဖြစ် သမ္မတတာဝန် ရယူခဲ့ပြီးတဲ့နောက်ပိုင်း အာဏာကို စုစည်းလာခဲ့တာ ဖြစ်ပါတယ်။

တရုတ်သမ္မတတွေဟာ နှစ်ကြိမ်ဆက် တာဝန်ထမ်းဆောင်ပြီးနောက်ပိုင်းမှာ ရာထူးကနေ ဆင်းပေးရပြီး၊ အခြေခံဥပဒေက အဲဒီကန့်သတ်ချက်ကို ဒီကနေ့မှာ ပယ်ဖျက်လိုက်တာကြောင့် ၂၀၂၃ ခုနှစ်မှာ အနားယူရမယ့် ရှီကျင့်ဖျင်တစ်ယောက် ရာသက်ပန်သမ္မတအဖြစ် ဆက်ရှိနေမှာ ဖြစ်ပါတယ်။

သမ္မတသက်တမ်းကန့်သတ်မှုကို ပယ်ဖျက်တာအပြင် ရှီကျင့်ဖျင်ရဲ့ နိုင်ငံရေးသဘောထားကို ဖွဲ့စည်းပုံအခြေခံဥပဒေမှာ ထည့်သွင်းတာ၊ တိုင်းပြည်ရဲ့ အရေးကိစ္စတွေမှာ ကွန်မြူနစ်ပါတီ ပိုမိုပါဝင်နိုင်ရေး လမ်းကြောင်းဖော်ပေးတဲ့ ဆုံးဖြတ်ချက်တွေကိုလည်း ဒီကနေ့ လွှတ်တော်မှာ အတည်ပြုခဲ့ပါတယ်။

Ref: Aljazeera

ဖေဖော်ဝါရီ ၂၅၊ ၂၀၁၈
M-Media

– တိုင်းပြည်ရဲ့ သမ္မတသက်တမ်း ကန့်သတ်ထားတာကို ပယ်ဖျက်ဖို့အတွက် တရုတ်ကွန်မြူနစ်ပါတီက တိုက်တွန်းဆော်သြလိုက်ပြီး ဒါဟာ လက်ရှိသမ္မတ ရှီကျင့်ဖျင် ၂၀၂၃ ခုနှစ်နောက်ပိုင်း သမ္မတအဖြစ် ဆက်လက်ရှိနေဖို့ လမ်းဖွင့်ပေးတာလည်း ဖြစ်ပါတယ်။

တရုတ်နိုင်ငံပိုင်သတင်းဌာန Xinhua က ကွန်မြူနစ်ပါတီရဲ့ ဗဟိုကော်မတီဟာ သမ္မတနဲ့ ဒုတိသမ္မတတွေအတွက် သက်တမ်း ကန့်သတ်ထားတာကို ပယ်ဖျက်ဖို့ အဆိုပြုခဲ့တာဖြစ်တယ်လို့ ဒီကနေ့မှာ ဖော်ပြခဲ့တာပါ။ ဒါပေမယ့် အသေးစိတ်ကိုတော့ ထုတ်ဖော်ပြောကြားခြင်း မရှိပါဘူး။

“တိုင်းပြည်ရဲ့ ဖွဲ့စည်းပုံအခြေခံဥပဒေမှာ တရုတ်ပြည်သူ့ သမ္မတနိုင်ငံရဲ့ သမ္မတနဲ့ ဒုသမ္မတတွေဟာ သက်တမ်းနှစ်ကြိမ်ထက်ပိုပြီး တာဝန်မထမ်းဆောင်ရလို့ သတ်မှတ်ထားတာကို ပယ်ဖျက်ဖို့အတွက် တရုတ်ကွန်မြူနစ်ပါတီရဲ့ ဗဟိုကော်မတီက အဆိုပြုလိုက်ပါတယ်” လို့ ဖော်ပြထားတာ ဖြစ်ပါတယ်။

အခြေခံဥပဒေမှာ ‘ခေတ်သစ်အတွက် တရုတ်ဝိသေလက္ခဏာနဲ့ ကိုက်ညီမယ့် ရှီကျင့်ဖျင်ရဲ့ ဆိုရှယ်လစ် အတွေးအခေါ်’ ဆိုတဲ့ စာကြောင်း ထည့်သွင်းဖို့လည်း ဗဟိုကော်မတီက အဆိုပြုခဲ့တယ်လို့ Xinhua က ဆိုပါတယ်။

တရုတ်နိုင်ငံရဲ့ သမ္မတသက်တမ်းဟာ ၅ နှစ်ဖြစ်ပြီး အသက် ၆၄ နှစ်အရွယ် ရှီဟာ ပထမသက်တမ်းကို ကုန်ဆုံးတော့မှာ ဖြစ်ပါတယ်။ ဒါပေမယ့် မတ်လ ၅ ရက်နေ့မှာပြုလုပ်မယ့် ကွန်မြူနစ်ပါတီရဲ့ ဒုတိယအကြိမ်မြောက် နှစ်ပတ်လည် အစည်းအဝေးမှာ ရှီကို ဒုတိယသက်တမ်း ထမ်းဆောင်ဖို့အတွက် ထပ်မံရွေးချယ်ဖို့ ရှိပါတယ်။

ပါတီနဲ့ စစ်ဖက်အကြီးအကဲ သက်တမ်းကို ကန့်သတ်ထားမှု မရှိပေမယ့် ၁၀ နှစ်ကာလဟာ စံနှုန်းတစ်ခု ဖြစ်ပါတယ်။ အောက်တိုဘာလက ကျင်းပခဲ့တဲ့ ကွန်မြူနစ်ပါတီရဲ့ ၅ နှစ်တစ်ကြိမ် ကွန်ဂရက်မှာ ရှီဟာ ပါတီနဲ့ စစ်ဖက်အကြီးအကဲအဖြစ် ဒုတိယသက်တမ်းကို ပြန်လည် အရွေးခံခဲ့ရပါတယ်။

ဖွဲ့စည်းပုံပြင်ဆင်ချက်ကို တရုတ်လွှတ်တော်က အတည်ပြုရတာဖြစ်ပေမယ့် ကွန်မြူနစ်ပါတီကို သစ္စာခံတဲ့သူတွေသာ လွှတ်တော်မှာ ခန့်ထားတာကြောင့် ဗဟိုကော်မတီရဲ့ ဒီအဆိုပြုချက်ကို ပယ်ချမှု ဖြစ်လာမှာ မဟုတ်ပါဘူး။

ရှီဟာ ပုံမှန် သက်တမ်း ၂ ခုထက်ပိုပြီး သမ္မတရာထူးကို ရယူချင်နေတယ်လို့ ပြောဆိုမှုတွေလည်း ရှိနေပါတယ်။

Ref: CNA

ဇန်န၀ါရီ ၁၅၊ ၂၀၁၈
M-Media

– တရုတ်နိုင်ငံက အကြီးဆုံး ခရစ်ယာန်ဘုရားကျောင်းတွေထဲမှာ ပါဝင်တဲ့ ဧ၀ံဂေလိ ဘုရားကျောင်းတစ်ခုကို တရုတ်အာဏာပိုင်တွေက တရားမ၀င်အဆောက်အဦးလို့ ပြောဆိုကာ ပြီးခဲ့တဲ့တစ်ပတ်မှာ ဖောက်ခွဲဖျက်ဆီးလိုက်ပါတယ်။

ရှန်ဇီပြည်နယ်က Golden Lampstand Church ဖြစ်ပြီး ခရစ်ယာန်ဘာသာဝင်ပေါင်း ၅၀၀၀၀ လောက် အသုံးပြုနေတဲ့ ဘုရားကျောင်းကြီး ဖြစ်ပါတယ်။ ပြီးခဲ့တဲ့ သီတင်းပတ်တွေအတွင်းမှာ တရုတ်အာဏာပိုင်တွေဟာ အနည်းဆုံး ခရစ်ယာန်ဘုရားကျောင်း ၂ ခုကို ဖြိုချဖျက်ဆီးခဲ့ပြီး နိုင်ငံအတွင်း ဘာသာအယူဝါဒတွေကို လုံးဝ ဖယ်ရှားရေး ကြိုးပမ်းမှု တစ်စိတ်တစ်ပိုင်းဖြစ်တယ်လို့ ဝေဖန်သူတွေက ပြောကြပါတယ်။

တရုတ်ကွန်မြူနစ်ပါတီက ခရစ်ယာန်သာသနာဟာ အနောက်တိုင်း ဒဿနတစ်ခုဖြစ်ပြီး သူတို့ရဲ့ပါတီကို ခြိမ်းခြောက်မှုလို့ မှတ်ယူထားတာပါ။ လက်ရှိသမ္မတ ရှီကျင့်ဖျင်လက်ထက်မှာ တရုတ်အစိုးရဟာ ခရစ်ယာန်ဘုရားကျောင်းတွေကို ဖျက်ဆီးတာ၊ လက်ဝါးကပ်တိုင်တွေလို ခရစ်ယာန် အမှတ်သညာတွေကို ဖယ်ရှားတာတွေ တိုးမြှင့်ပြုလုပ်လာခဲ့ပါတယ်။

တရုတ်ကွန်မြူနစ်အာဘော် သတင်းစာ Global Times က ဒီခရစ်ယာန်ဘုရားကျောင်း ဖြိုချမှုဟာ ဒေသတွင်း တရားမ၀င် အဆောက်အဦးတွေ ဖယ်ရှားမှု တစ်စိတ်တစ်ပိုင်းဖြစ်ကြောင်း၊ ကနဦး ဂိုထောင်ပုံစံ သဘောမျိုးကနေ ဘုရားကျောင်းအဖြစ် ခွင့်ပြုချက်မယူဘဲ ဆောက်လုပ်ထားတာဖြစ်ကြောင်း ဖောပြခဲ့ပါတယ်။

၂၀၀၉ ခုနှစ်မှာ တရုတ်ရဲတပ်ဖွဲ့က ဘုရားကျောင်းကနေ သမ္မာကျမ်းစာတွေကို သိမ်းဆည်းပြီး၊ ၀တ်အဖွဲ့ ခေါင်းဆောင်တွေကို ထောင်ချခဲ့တာကြောင့် ဘုရားကျောင်းတာဝန်ရှိတွေနဲ့ တရုတ်အာဏာပိုင်တွေအကြား ပြဿနာတွေ တက်ခဲ့ပါတယ်။

ပြီးခဲ့တဲ့တစ်ပတ် အင်္ဂါနေ့မှာတော့ တရုတ်စစ်တပ်၊ ပြည်သူ့စစ်အဖွဲ့တွေဟာ ဘုရားကျောင်း မြေအောက်ခန်းက ဓာတ်တော်မွေတော်တွေ ထားတဲ့နေရာကို ဖောက်ခွဲကာ အဆောက်အဦးတစ်ခုလုံးကို ဖြိုချခဲ့တာ ဖြစ်တယ်လို့ တရုတ်နိုင်ငံက ဘာသာရေးလွတ်လပ်ခွင့်ကို စောင့်ကြည့်နေတဲ့ အမေရိကန်အဖွဲ့ ChinaAid က ပြောကြားခဲ့ပါတယ်။

ChinaAid ရဲ့ အဆိုအရ ဧ၀ံဂေလိအသင်းဝင် ဇနီးမောင်နှံ Wang Xiaoguang နဲ့ Yang Rongli တို့ ဦးဆောင်က ဒေသတွင်းခရစ်ယာန်တွေရဲ့ ကူညီပံ့ပိုးမှုနဲ့ ဘုရားကျောင်းကို ကန်ဒေါ်လာ ၃ သန်း အကုန်အကျခံ တည်ဆောက်ခဲ့တာဖြစ်တယ်လို့ သိရပါတယ်။ ဒါပေမယ့် တရုတ်အာဏာပိုင်တွေဆီမှာတော့ တရားဝင် မှတ်ပုံတင်ခြင်း မရှိခဲ့ပါဘူး။

တရုတ်နိုင်ငံမှာ ခရစ်ယာန်ဘာသာဝင် သန်း ၆၀ ကျော်လောက်ရှိပြီး အနည်းဆုံး ထက်ဝက်လောက်ဟာ မှတ်ပုံတင်မထားတဲ့ ဘုရားကျောင်းတွေကို အသုံးပြုနေရပါတယ်။

Ref: NY Times