ဖေဖော်ဝါရီ ၂၅၊ ၂၀၁၆
M-Media
– အမေရိကန်ဒုံးခွင်းစနစ်ကို တောင်ကိုးရီးယာမြေပေါ်မှာ ချထားတာဟာ တရုတ်နဲ့ တောင်ကိုးရီးယားအကြား ဆက်ဆံရေး ပျက်ယွင်းလိမ့်မယ်လို့ တရုတ်နိုင်ငံရဲ့ သတိပေးချက်ကို တောင်ကိုးရီးယား ပယ်ချလိုက်ပါတယ်။
တောင်ကိုရီးယားသမ္မတရဲ့ ပြောရေးဆိုခွင့်ရှိသူ ဂျွန် ယွန် ဂက်က “အဆင်မြင့် ဝေဟင် ကာကွယ်ရေး ဒုံးကျည်စနစ်ဖြစ်တဲ့ THAAD ကို ချထားခြင်းဟာ မြောက်ကိုးရီးယားရဲ့ နျူကလီးယားနဲ့ ဒုံးကျည်ခြိမ်းခြောက်မှုတွေအတွက် ကိုယ့်ကိုယ်ကိုယ်ကာကွယ်တဲ့ ဆောင်ရွက်ချက်ဖြစ်တယ်” လို့ ယမန်နေ့မှာ တုံ့ပြန်ပြောကြားခဲ့တာပါ။
နောက်ပြီး ဒီဆောင်ရွက်မှုဟာ နိုင်ငံလုံခြုံရေး၊ အမျိုးသားအကျိုးစီးပွားတို့အရ ဆောင်ရွက်တာဖြစ်ပြီး တရုတ်နိုင်ငံအနေနဲ့ ဒီအချက်ကို လက်ခံရလိမ့်မယ်လို့လည်း ပြောရေးဆိုခွင့်ရှိသူက ထည့်သွင်းပြောကြားခဲ့ပါတယ်။
တောင်ကိုရီးယားနိုင်ငံဆိုင်ရာ တရုတ်သံအမတ်ကြီး ကျူ ဂူဟောင်က THAAD ဒုံးကျည်စနစ် ချထားခြင်းဟာ နှစ်နိုင်ငံဆက်ဆံရေးကို ပျက်ဆီးစေလိမ့်မယ်လို့ အင်္ဂါနေ့က ပြောကြားခဲ့ပြီးတဲ့နောက် တောင်ကိုရီးယားဘက်က ဒီလို တုံ့ပြန်မှုတွေ ပေါ်ထွက်လာတာပါ။
“တရုတ်နဲ့ တောင်ကိုးရီးယား ဒီလိုအခြေအနေထိရောက်အောင် အများကြီး အားထုတ်ကြိုးစားခဲ့ရတာပါ၊ ဒါပေမယ့်ဒီကိစ္စတစ်ခုကြောင့် ဆက်ဆံရေးက ချက်ခြင်း ပျက်သွားနိုင်ပါတယ်” လို့ ကျူက ဒုံးကျည်စနစ် ထားရှိမှုကို ရည်ရွယ်ပြောကြားခဲ့ပါတယ်။
အင်္ဂါနေ့အစောပိုင်းမှာ တောင်ကိုးရီးယားကာကွယ်ရေးဝန်ကြီးဌာနက အမေရိကန်နဲ့ တောင်ကိုးရီးယားတို့ဟာ ဒီဒုံးခွင်းစနစ် ချထားရေးအတွက် အသေးစိတ်အချက်အလက်တွေ ဆွေးနွေးဖို့ ပူးပေါင်းကော်မတီဖွဲ့စည်းရေး သဘောတူညီခဲ့ပြီလို့ ပြောကြားခဲ့ပါတယ်။
THAAD ဒုံးကျည်စနစ်ဟာ တိုက်ချင်းပစ်ဒုံးကျည်တွေကို ကြားဖြတ်ပစ်ခတ်နိုင်ဖို့ တီထွင်ထုတ်လုပ်ထားတာဖြစ်ပြီး အမေရိကန်ကလည်း မြောက်ကိုရီးယားရန်ကြောင့် ဒီ ဒုံးခွင်းစနစ်ကို တောင်ကိုရီးယားမှာ ထားရှိရတာလို့ ပြောကြားခဲ့ပါတယ်။
Ref: Press TV
