ဒီဇင်ဘာ ၃၁၊ ၂၀၁၃
M-Media
ယခုနှစ်ကုန်ပိုင်းတွင် နိုင်ငံရေးအကျဉ်းသားများအားလုံး လွှတ်ပေးမည်ဟု မြန်မာနိုင်ငံ သမ္မတ ဦးသိန်းစိန်၏ ကတိစကားအား ဆောက်ရွက်သည့် အနေဖြင့် ယမန်နေ့က လွတ်ငြိမ်းချမ်းသာခွင့် အမိန့်ထုတ်ပြန်ခဲ့ပြီးနောက် နိုင်ငံအတွင်း နိုင်ငံရေးအကျဉ်းသား လုံးဝမရှိတော့ဟု အစိုးရက ယနေ့တွင် ကြေညာခဲ့သည်။
ပြုပြင်ပြောင်းလဲရေးများ ဆောင်ရွက်ရန်အတွက် စစ်အုပ်ချုပ်ရေးအဆုံးသတ်ခဲ့သည့် ၂၀၁၁ ခုနှစ်ကတည်းက မြန်မာနိုင်ငံတွင် နိုင်ငံရေး အကျဉ်းသား များကို တဖြည်းဖြည်း လွှတ်ပေးခဲ့ခြင်းဖြစ်သည်။ ယမန်နေ့က ထုတ်ပြန်ခဲ့သည့် လတ်ငြိမ်းချမ်းသာခွင့်အမိန့်တွင် အတိုက်အခံများအား ထောင်ချရာတွင် အသုံးပြုသည့် လုံခြုံရေးအက်ဥပဒေအပါအ၀င် အငြင်းပွားဖွယ် ဥပဒေပုဒ်မများဖြင့် အကျဉ်းချထားသည့် အကျဉ်းသားများလည်း ပါဝင်ခဲ့သည်။
သမ္မတ၏ ပြောရေးဆိုခွင့်ရပုဂ္ဂိုလ် ဦးရဲထွဋ်က ယခုထုတ်ပြန်ခဲ့သော လွတ်ငြိမ်းချမ်းသာခွင့်အမိန့်မှာ သမ္မတအနေဖြင့် ပြည်သူကို ပေးထားသော ကတိ အား ဖြည့်ဆည်းခဲ့ခြင်းဖြစ်ကြောင်း၊ ၂၀၁၃ ခုနှစ်ကုန်တွင် နိုင်ငံရေးအကျဉ်းသားများ လုံးဝ ရှိတော့မည်မဟုတ်ဟု ၎င်း၏ Facebook စာမျက်နှာတွင် ရေးသားဖော်ပြခဲ့သည်။
ထိုလွတ်ငြိမ်း ချမ်းသာခွင့်အမိန့်ကြောင့် အကျဉ်းသား မည်မျှ လွတ်မြောက်လာသည်ကို သိရှိရခြင်းမရှိသေးပေ။ နိုင်ငံရေးအကျဉ်းသားလွတ်မြောက်ရေး တက်ကြွလှုပ်ရှားသူများကမူ ထောင်းအတွင်းတွင် ကျန်ရှိနေသည့် နိုင်ငံရေးအကျဉ်းသားများမှာ ၄၀-ခန့်ရှိပြီး အခြားအကျဉ်းသား ၂၀၀-ခန့်မှာ ခွင့်ပြုချက် မရှိဘဲ ဆန္ဒပြသည့် ပုဒ်မဖြင့် အမှုရင်ဆိုင်နေရသည်ဟု ပြောဆိုထားသည်။
Ref : ChannelNewsAsia
Leave a Reply
You must be logged in to post a comment.