မိတ္ထီလာ အကြမ်းဖက်ခံရသူများ ကယ်ဆယ်ရေး စခန်းတွင် ၁၀-ရက်တွင်း ၃-ကြိမ် မီးလောင်မှုဖြစ်၊ အချိန်မီ ငြိမ်းသတ်နိုင်ခဲ့

ဇန်န၀ါရီ ၂၇၊ ၂၀၁၄
M-Media
ဇာနည်

မိတ္ထီလာ ။      ။      မိတ္ထီလာမြို့တွင် ပြီးခဲ့သည့် ၂၀၁၃-ခုနှစ် မတ်လအတွင်းက ရွှေအရောင်းအ၀ယ်မှ အစပြုကာ ဖြစ်ပွားခဲ့သည့် အကြမ်းဖက်မှု အတွင်း အကြမ်းဖက်ခံရသည့် အစ္စလာမ်ဘာသာဝင်များ ယာယီနေထိုင်သော ကယ်ဆယ်ရေးစခန်းတစ်ခုတွင် ဇန်န၀ါရီ ၂၄-ရက် သောကြာနေ့က မီးလောင်မှု တစ်ခုဖြစ်ပွားခဲ့သည်ဟု သိရသည်။

ကယ်ဆယ်ရေး စခန်းများအနက် ရေအရင်းအမြစ် ကယ်ဆယ်ရေးစခန်းရှိ အဆောင်တစ်ခု၏ ခေါင်မိုး(မိုးကာဖျင်) လောင်ကျွမ်းခဲ့ခြင်း ဖြစ်သည်။ နံနက် ၃ နာရီခန့်တွင် လောင်ကျွမ်းခဲ့ခြင်းဖြစ်ကာ စခန်းအတွင်းရှိနေသူများက အချိန်မီသိရှိပြီး မီးငြှိမ်းသက်နိုင်ခဲ့သည်ဟု ထိုစခန်းတွင် နေထိုင်သူတစ်ဦးက ပြောကြားခဲ့သည်။

လွန်ခဲ့သည့် ၅-ရက်ခန့်ကလည်း မီးလောင်ကျွမ်းမှုတစ်ခုဖြစ်ပွားခဲ့ပြီး ထိုကဲ့သို့ မီးလောင်မှုဖြစ်ပွားခဲ့ခြင်းမှာ ၁၀-ရက်အတွင်း ၃-ကြိမ်ရှိပြီ ဖြစ်ကာ ပထမအကြိမ်နှင့် တတိယအကြိမ် မီးလောင်သည့် ပုံစံနှင့် အချိန်မှာ အတူတူဖြစ်သည်ဟု သိရသည်။

မီးလောင်သည့် အချိန်နှင့် လောင်ကျွမ်းပုံများမှာ မတော်တဆလောင်ကျွမ်းသည့် ပုံစံမျိုးမဟုတ်ဘဲ တမင်ရှို့သည့်မီးဟု ယူဆနိုင်ကြောင်း၊ စခန်းရှိ တာဝန်ရှိသူများက စုံစမ်းမှုများကို ပြုလုပ်နေကာ၊ စခန်းအတွင်း နေထိုင်သူများမှာလည်း ညစဉ် အလှည့်ကျ ကင်းစောင့်၍ သတိဝီရိယနှင့် နေထိုင် နေရကြောင်း ထိုစခန်းရှိ အစ္စလာမ်ဘာသာဝင်တစ်ဦးက ပြောကြားခဲ့သည်။

မိတ္ထီလာမြို့တွင် ပြီးခဲ့သည့် မတ်လက ဖြစ်ပွားခဲ့သော အကြမ်းဖက်မှုများကြောင့် မိသားစုထောင်ပေါင်းများစွာမှာ အိုးမဲ့အိမ်မဲ့ ဖြစ်ခဲ့ရသည်။ အကြမ်းဖက်မှု များ ငြိမ်သက်သွားပြီးနောက် အိုးမဲ့အိမ်မဲ့ဖြစ်သွားသူများအား အိမ်ယာ များ ပြည်လည်ဆောက်လုပ်ပေးမည်ဟု အစိုးရ တာဝန်ရှိသူများက ပြောကြားခဲ့ သော်လည်း၊ တစ်နှစ်နီးပါး ကြာမြင့်လာခဲ့သည့်တိုင် မည်သည့် စီစဉ်ဆောင်ရွက်မှုမှ ပြုလုပ်ပေးခြင်း မရှိဘဲ ပြည်သူများမှာ ကယ်ဆယ်ရေး စခန်းများတွင်သာ ဆက်လက်နေထိုင်နေရပြီး မိမိတို့ အိမ်များသို့ အမြန်ဆုံး ပြန်လည်ပြောင်းရွေ့ နေထိုင်ရန်သာ ဆန္ဒရှိကြကြောင်း သိရသည်။