News @ M-Media

ဗိယက်နမ်တွင် ဖြစ်ပွားနေသည့် တရုတ်ဆန့်ကျင်ရေး အဓိကရုဏ်း လူ ၂၀ ကျော် သေဆုံး

မေ ၁၅၊ ၂၀၁၄
M-Media
vietnam-riot-police
– အင်္ဂါနေ့က ဗီယက်နမ်တွင် စတင်ခဲ့သည့် တရုတ်ဆန့်ကျင်ရေး ဆန္ဒပြမှုမှာ ပိုမိုကြီးထွားလာခဲ့ပြီး ယမန်နေ့က ဆက်လက်ဖြစ်ပွားခဲ့သော တိုက်ခိုက်မှုများကြောင့် တရုတ်လူမျိုးဟု ယူဆရသူ ၁၆ ဦး အပါအ၀င် လူပေါင်း ၂၀ ကျော် သေဆုံးခဲ့သည်ဟု သိရသည်။

ဟိုချီမင်းမြို့ စက်မှူဇုံရှိ နိုင်ငံခြားသားပိုင်စက်ရုံများကို မီရှို့လုယက်ကြပြီးနောက် ထိုကဲ့သို့ တိုကခိုက်များဖြစ်ပွားခဲ့ခြင်းဖြစ်ပြီး သေဆုံးသူများတွင် အနည်းဆုံး ဗီယက်နမ် ၅ ဦးပါဝင်ကာ ဒဏ်ရာရသူ အများအပြားလည်းရှိနေသည်။ လုံခြုံရေးအရ စိုးရိမ်ရမှုများကြောင့် ဗီယက်နမ်ရှိ တရုတ်လူမျိုးများမှာလည်း အိမ်နီးချင်း ကမ္ဘောဒီယားသို့ ထွက်ပြေးနေကြရသည်။

တရုတ်နိုင်ငံကမူ နိုင်ငံခြားရင်းနှီးမြှုပ်နှံမှုများ နိုင်ငံအတွင်းမှ ထွက်သွားရန် သတိပေးသကဲ့သို့ မဖြစ်မီ ထိုအခြေအနေကို ထိန်းသိမ်းရေး ဖိအားပေးဆောင်ရွက်ရန် ဗီယက်နမ်အစိုးရအား တောင်းဆိုခဲ့သည်။ ထို့ပြင် ဟနွိုင်းရှိ တရုတ်သံရုံးမှ တရုတ်ခရီးသွားများအတွက် သတိပေးချက်ထုတ်ပြန်ထားသည်။

လူပေါင်း နှစ်သောင်းကျော်ပါဝင်ပြီး အင်္ဂါနေ့က စတင်ခဲ့သည့် ထိုဆန္ဒပြမှုအတွင်း လူပေါင်း ၄၄၀ ကျော်ကို ဖမ်းဆီးထားသည်ဟု ဗီယက်နမ်အစိုးရက ကြေညာ ထားသည်။ အငြင်းပွားဖွယ်ရေပိုင်နက်အတွင်း တရုတ်က ချထားသည့် ရေနံတူးဖော်ရေးစင်အနီးသို့ သင်္ဘောများကို ဗီယက်နမ်က စေလွှတ်ထားပြီး ထိုရေနံစင်ကို တရုတ်သင်္ဘောများလည်း စောင့်ကြပ်နေသည်။

Ref: Al Jazeera and agencies

Comments

Leave a Reply