News @ M-Media

ပျောက်ဆုံးနေသည့် လူငယ်သုံးဦး ရှာဖွေရန် အစ္စရေး၏ အစုလိုက် အပြုံလိုက် ဖမ်းဆီးမှု လူ့အခွင့်အရေးအဖွဲ့က ရှုတ်ချ

ဇွန်လ ၁၆ ၊ ၂၀၁၄
M-Media
201461591459770734_20
– ပြန်ပေးဆွဲခံခဲ့ရသည့် အစ္စရေးလူငယ်သုံးဦးကို ရှာဖွေရန် ပါလက်စတိုင်းရှိ ဟီဘရွန်ဒေသနှင့် ဂါဇာတ် ကမ်းမြှောင်တို့အား ပိတ်ဆို့ကာ ပါလက်စတိုင်းများကို ဖမ်းဆီးနေမှုများကို လူ့အခွင့်အရေးအဖွဲ့များက ရှုတ်ချခဲ့ပြီး မဆိုင်သူများကို  စုပေါင်း အပြစ်ပေးခြင်း ဖြစ်တယ်လို့  ပြောကြားခဲ့သည်။

ယမန်နေ့ညနှင့် ယနေ့နံနက်ပိုင်းတွင်ပြုလုပ်သည့် စစ်ဆင်ရေးများတွင် အစ္စရေးစစ်တပ်မှာ ဟားမတ်စ်အဖွဲ့ အကြီးတန်း တာဝန်ရှိသူများ အပါအ၀င် အနည်းဆုံး ပါလက်စတိုင်း ၈၀ အား ဖမ်းဆီးထားသည်။ အဆိုပါ လူငယ် ၃ ဦးမှာ အစ္စရေးက ထိန်းချုပ် ထားသည့် ပါလက်စတိုင်းပိုင် အနောက်ဘက်ကမ်းခြေတွင် လွန်ခဲ့သည့် ၃ ရက်က ပျောက်ဆုံး ခဲ့ခြင်းဖြစ်သည်။

“ဒီလိုလက်စားချေမှုနည်းလမ်းတွေဟာ နိုင်ငံတကာ ဥပဒေမှာ ဖော်ပြထားတဲ့ စုပေါင်းအပြစ်ပေးတဲ့ ပုံစံနဲ့ တူညီနေပါတယ်”  ဟု Ahrar လူ့အခွင့်အရေးအဖွဲ့မှ ဒါရိုက်တာ ဖူအဒ် အလ်-ခူ ဖက်ရ်ှက ဆိုသည်။

ဖမ်းဆီးမှုများကို ဟီဘရွန်၊ ရာမာလာ၊ တူဘတ်စ်၊ ဘက်သလီဟမ်၊ ဂျီနင်နှင့် နဘလူစ် ဒေသများတွင် ပြုလုပ်ခဲ့ခြင်းဖြစ်ပြီး ဖမ်းဆီးခံရသူများတွင် ပါလက်စတိုင်း ပါလီမန်အဖွဲ့ဝင်များ၊ ယခင်ဝန်ကြီးဟောင်းများလည်း ပါဝင်ခဲ့သည်။ ထို့ပြင် လာမည့်ရက်များအတွင်း အခြားနေရာများတွင်လည်း ဖမ်းဆီးမှုများ ပြုလုပ်ဖွယ်ရှိသည်ဟု အလ်-ခူဖက်ရ်ှက ပြောကြား ခဲ့သည်။

ယနေ့တွင်ပြုလုပ်ခဲ့သည် အစ္စရေးကက်ဘိနတ်အစည်းအဝေးတွင်မှု အစ္စရေးလူငယ်များအား ပြန်ပေးဆွဲမှုတွင် ဟားမက်စ် အဖွဲ့က တာဝန်ရှိသည်ဟု ၀န်ကြီးချုပ် နေတန်ရာဟုက စွပ်စွဲခဲ့သည်။ ပျောက်ဆုံးနေသည့် အဆိုပါ လူငယ်များကို ရှာဖွေရန်အတွက် ပါလက်စတိုင်း သမ္မတ မဟ်မူဒ်အဘတ်စ်က ပါလက်စတိုင်း လုံခြုံရေးတပ်ဖွဲ့ဝင်များကို အမိန့်ပေးထားသည်။

Ref: Al Jazeera

Comments

Leave a Reply