သြဂုတ် ၁၁ ၊ ၂၀၁၄
M-Media
– ပါလက်စတိုင်းတို့၏ ၇၂ နာရီကြာ အပစ်ရပ်ရေးကို အစ္စရေးတို့က ယမန်နေ့တွင် လက်ခံခဲ့ပြီးနောက် အစ္စရေး-ပါလက်စတိုင်း တစ်ဆင့်ခံဆွေးနွေးပွဲကို ကိုင်ရိုတွင် ပြန်လည် ပြုလုပ်ခဲ့သည်ဟု သိရသည်။
ပထမအကြိမ် အပစ်ရပ်ရေးမပြီးဆုံးခင် ဆွေးနွေးပွဲမှ ထွက်ခွာသွားခဲ့သည့် အစ္စရေး ကိုယ်စားလှယ်အဖွဲ့မှာ ယနေ့နံနက်တွင် ကိုင်ရိုသို့ ရောက်ရှိလာခဲ့သည်။ အပစ်ရပ်ရေး ၁၂ နာရီအတွင်းသို့ ၀င်ရောက်လာသည့်အထိ ဂါဇာကောင်းကင်ယံတွင် တိတ်ဆိတ် ငြိမ်သက်လျက်ရှိနေပြီး ပါလက်စတိုင်းတို့မှာလည်း ပျက်ဆီးနေသာ ၎င်းတို့၏ နေအိမ်များကို ပြန်လည် ရောက်ရှိလာကာ ငါးဖမ်းသမားများမှာလည်း ပင်လယ်ပြင်သို့ ထွက်ကာ ၎င်းတို့၏ လုပ်ငန်းများကို ပြန်လည်လုပ်ကိုင်လျက်ရှိနေသည်။
ဇွန်လ ၈ ရက်နေ့ အစ္စရေးက ဂါဇာအား ကျူးကျော်ပြီးနောက်ပိုင်း ယခုဆွေးနွေးမှုမှာ ဒုတိယအကြိမ်မြောက်ဖြစ်ပြီး ယခုသဘောတူညီထားသည့် သုံးရက်ကြာ အပစ်ရပ်မှုအတွင်း ပြည့်ဝပြီး အမြဲတမ်းတည်မြဲမည့် ငြိမ်းချမ်းရေးရရှိရေး ဆောင်ရွက်ကြရန် အီဂျစ်က နှစ်ဖက်စလုံးအား တိုက်တွန်းခဲ့သည်။
ဟားမက်စ်ကမူ အမြဲတမ်းငြိမ်းချမ်းရေးတွင် အစ္စရေး၏ ဂါဇာအား ပိတ်ဆို့ထားမှု ရုပ်သိမ်းပေးခြင်း ပါဝင်ရမည်ဟု ပြောဆိုထားသည်။ အစ္စရေးဘက်ကမူ ထိုပြဿနာအား အင်အားသုံး ဖြေရှင်းချင်းထက် သံတမန်နည်းလမ်းအရ ဖြေရှင်းရန်မျှော်လင့်ကြောင်း ထိုကဲ့သို့ ဖြစ်မလာပါ ဂါဇာအား ထပ်မံတိုက်ခိုက်သွားမည်ဖြစ်ကြောင်း ပြောကြားခဲ့သည်။
ဂါဇာဒေသအား အစ္စရေး၏ တစ်လကျော်ကြာ ကျူးကျော်တိုက်ခိုက်မှုအတွင်း ပါလက်စတိုင်း ပြည်သူ ၂၀၀၀ နီးပါးသေဆုံးခဲ့သည်။ လူပေါင်း သောင်းချီ ဒဏ်ရာရခဲ့ကြပြီး အိုးအိမ်စွန့်ခွာ ထွက်ပြေးရသူများမှာ တစ်သန်းနီးပါးရှိခဲ့သည်။ အစ္စရေးဘက်မူ ဂါဇာသို့ ၀င်ရောက်ကျူးကျော်တိုက်ခိုက်ခဲ့သည့် စစ်သား ၆၀ ကျော် သေဆုံးခဲ့သည်။
Leave a Reply
You must be logged in to post a comment.