News @ M-Media

ကြောင် ခေါင်းပြတ်များ အပြည့်ထည့်ထားသော အမှိုက်အိတ် မန်ချက်စတာတွင် တွေ့ရှိ၊ စုံစမ်းမှုများပြုလုပ်နေ

သြဂုတ် ၁၈ ၊ ၂၀၁၄
M-Media

BinBags_2049773a

– မြို့၏ အထင်ကရနေရာတစ်ခုတွင် ကြောင်ဦခေါင်းများ အပြည်ထည့်ထားသော အမှိုက်အိတ်ကို တွေ့ရှိခဲ့ ရပြီးနောက် စက်ဆုပ်စရာကောင်းသော ထိုလုပ်ရပ်အတွက် စုံစမ်းစစ်ဆေးမှုများကို ချက်ခြင်းပြုလုပ်နေသည်ဟု မန်ချက်စတာမြို့တော်ကောင်စီက ပြောကြားလိုက်သည်။

ရက်ရ်ှဟုမ်းဒေသ Curry Mile အနီးတွင် အမှိုက်ထုတ်ကို စည်းကမ်းမဲ့ စွန့်ပစ်ခဲ့သည်ဟု ယမန်နေ့က တိုင်ကြားချက် ရရှိသောကြောင့် ကောင်စီဝန်ထမ်း တစ်ဦးက သွားရောက်ကြည့်ရှုရာမှ ထိုကဲ့သို့ တွေ့ရှိခဲ့ ရခြင်းဖြစ်သည်။

မြို့တော်ကောင်စီကမူ ထိုလုပ်ရပ်အား ရှုတ်ချခဲ့ပြီး ရွံရှာဖွယ်ကောင်းသည့် ထိုလုပ်ရပ်အတွက် စုံးစမ်းမှုများကို ပြုလုပ်နေကြောင်း သတင်းထုတ်ပြန်ခဲ့သည်။

“ဒါဟာ တကယ့်ကို စိတ်ပျက် ရွံ့ရှာစရာကောင်းတဲ့ လုပ်ရပ်ပါပဲ။ ကျွန်တော်တို့ ဖြတ်သန်းလာတဲ့ သက်တမ်းတစ်လျှောက် ဒီလိုအဖြစ်အပျက်ကို ပထမဆုံးအကြိမ် တွေ့ဖူးတာပါ။ အခုအချိန်မှာတော့ ဒီအထုတ်ကြီးဟာ အဲဒီနေရာကို ဘယ်လိုရောက်နေလဲ ဆိုတာ မသိရသေးပါဘူး။ ဒါပေမယ့် ကျွန်တော်တို့ RSPCA (တရိစ္ဆာန်များအပေါ် နှိပ်စက်ညှင်းပန်းမှု တားဆီးရေးအဖွဲ့) ကိုအကြောင်းထားပါတယ်” ဟု မြို့တော် ကောင်စီမှ ထုတ်ပြန်သော ကြေညာချက်တွင်ဖော်ပြထားသည်။

RSPCA အဖွဲ့မှာ တိရစ္ဆာန်များအား တမင်ညှင်းပန်းနှိပ်စက်မှုများကို စုံစမ်းထောက်လှမ်းကာ ဥပဒေအရ အရေးယူနိုင်ရန် ဆောင်ရွက်နေသော အဖွဲ့ဖြစ်သည်။

The Independent

Comments

Leave a Reply