ဂါဇာရှိ အထပ်မြင့် လူနေ အဆောက်အဦးအား အစ္စရေး လေကြောင်းမှ တိုက်ခိုက်၊ သေဆုံးသူ ၂၂၀၀ နီးပါးရှိလာ

သြဂုတ် ၂၆ ၊ ၂၀၁၄
M-Media

– ဂါဇာရှိ အမြင့်ဆုံးအဆောက်အဦးများထဲမှ တစ်ခုကို အစ္စရေးက ယနေ့တွင် လေကြောင်းမှ ၅ ကြိမ်ခန့် တိုက်ခိုက်ခဲ့သောကြောင့် အနည်းဆုံး ဂါဇာပြည်သူ ၂၀ ဦး ဒဏ်ရာရခဲ့သည်ဟု ပါလက်စတိုင်း ကျန်းမာရေးတာဝန်ရှိသူများက ပြောကြားခဲ့သည်။

၁၃ ထပ်မြင့်သည့် အဆောက်အဦးဖြစ်ပြီး ၁၁ ထပ်အထိ လူနေတိုက်ခန်းများဖြစ်ကာ မိသားစု ၇၀ ကျော်နေထိုင်ကြသည်။ ကျန်ရှိသည့် ၂ ထပ်တွင် စီးပွားရေးရုံးခန်းများ၊ ကော်ဖီဆိုင်များလည်း ပါဝင်သည်။

ယာယီအပစ်ရပ်ရေး ပျက်ပြယ်သွားပြီးနောက်ပိုင်း အစ္စရေးမှ ကျူးကျော်တိုက်ခိုက်မှုများကြောင့် ဂါဇာဒေသတွင် အရပ်သားများ သေဆုံးမှုမှာ မြင့်တက်လာခဲ့သည်။

တနင်္ဂနွေနေ့ လေကြောင်းမှ တိုက်ခိုက်မှုများအတွင်း ၁၃ ဦးသေဆုံးခဲ့ကာ၊ ယမန်နေ့တိုက်ခိုက်မှုတွင်လည်း အသက် ၁၇ နှစ်အရွယ် လူငယ်တစ်ဦးသေဆုံးပြီး ၂၅ ဦး ဒဏ်ရာရခဲ့သည်။ နေ့ခင်းပိုင်းတိုက်ခိုက်မှုအတွင်း ဗလီဝတ်ကျောင်းတော် ၄ လုံး ပျက်ဆီးခဲ့ပြီး ဇူလိုင်အစောပိုင်းက စတင်ခဲ့သည့် အစ္စရေး၏ ကျူးကျော်တိုက်ခိုက်မှုအတွင်း ပျက်ဆီးခဲ့သည့် ဗလီဝတ်ကျောင်းတော် အရေအတွက်မှာ ၇၁ လုံး ရှိလာပြီဖြစ်သည်။

ဟားမက်စ်တို့၏ ဒုံးကျည်ပစ်လွှတ်မှုကို တုံ့ပြန်သည်ဟုဆိုကာ အစ္စရေးမှ ပြုလုပ်ခဲ့သည့် ကျူးကျော်တိုက်ခိုက်မှုအတွင်း၊ လူနေအိမ်များ၊ စာသင်ကျောင်းများ၊ ဆေးရုံများ၊ မသန်းစွမ်းပြန်လည်ထူထောင်ရေးစင်တာများ၊ ဗလီဝတ်ကျောင်းတော်များ စသည့် အများပြည်သူနှင့် သက်ဆိုင်သောနေရာများမှာ ပစ်မှတ်ထားခြင်းခံခဲ့ရပြီး စုစုပေါင်း သေဆုံးသူဦးရေမှာ ၂၁၃၅ အထိရှိလာခဲ့သည်။ ဒဏ်ရာရရှိသူများမှာ သောင်းချီရှိနေပြီး အိုးအိမ်စွန့်ခွာထွက်ပြေးရသူများမှာ သန်းနှင့်ချီ၍ ရှိနေသည်။