ဖေဖော်ဝါရီ ၂၀၊ ၂၀၁၅
M-Media
– IS တပ်များလက်မှ အီရတ်၏ ဒုတိယမြို့တော် မူဆိုးလ်ကို ပြန်လည်သိမ်းပိုက်မည့် ထိုးစစ်ကြီးတစ်ခုကို လာမည့် ဧပြီလတွင် စတင်နိုင်ဖွယ်ရှိသည်ဟု အမေရိကန် စစ်ဘက်ဆိုင်ရာ အကြီးတန်းတာဝန်ရှိသူတစ်ဦးက ပြောကြားလိုက်သည်။
ယမန်နေ့က ပြောကြားခဲ့ခြင်းဖြစ်ပြီး အဆိုပါ စစ်ဆင်ရေးအတွက် ပြင်ဆင်ရန် အီရတ်ရှိ တပ်မဟာ ၅ ခုအား အမေရိကန်က မကြာမီ လေ့ကျင့်ပေးသွားမည်ဟုဆိုသည်။ အဆိုပါ တပ်မဟာ ၅ ခုမှာ မူဆိုးလ်အား အဓိက တိုက်ခိုက်သွားမည်ဖြစ်ပြီး အခြား တပ်မဟာအငယ် ၂ ခုမှာ နိုင်ငံမြောက်ပိုင်းနှင့် အနောက်ပိုင်းတို့တွင် IS အား တိုက်ခိုက်နေသော ကာ့ဒ်တပ်မဟာ ၃ ခုနှင့်အတူ အရန်တပ်အဖြစ် ထားရှိသွားမည်ဖြစ်သည်။
မူဆိုးလ်မြို့အား တိုက်ခိုက်မှုအတွင်း တပ်မဟာစုစုပေါင်း ၁၂ ခု ပါဝင်မည်ဖြစ်ပြီး ယခင်ရဲတပ်ဖွဲ့ဟောင်းများနှင့် လူမျိုးစု တပ်ဖွဲ့များ အပါအ၀င် တပ်ဖွဲ့ဝင်အရေအတွက် ၂၀၀၀၀ မှ ၂၅၀၀၀ ကြား ရှိမည်ဖြစ်သည်။ အမေရိကန်စစ်တပ်က လေ့ကျင့်ပေးခြင်း၊ လေကြောင်းမှ တိုက်ခိုက်ပေးခြင်းနှင့် ထောက်လှမ်းပေးခြင်းတို့ အပါအ၀င် အဆိုပါ စစ်ဆင်ရေးအတွက် စစ်ဘက်ဆိုင်ရာ အကူအညီများကို ပေးအပ်သွားမည်ဖြစ်သည်။
IS အဖွဲ့မှာ မူဆိုးလ်မြို့ကို ပြီးခဲ့သည့် ဇွန်လအတွင်းက သိမ်းယူခဲ့ခြင်းဖြစ်ပြီး လက်ရှိအချိန်တွင် တပ်ဖွဲ့ဝင် ၁၀၀၀ မှ ၂၀၀၀ အကြား ရှိမည်ဟု ခန့်မှန်းထားသည်။
Ref: aljazeera
Leave a Reply
You must be logged in to post a comment.