နိုက်ဂျီးရီးယားသမ္မတသစ် ကျမ်းကျိန်

မေ ၂၉၊ ၂၀၁၅
M-Media

– မတ်လ ၂၈ ရက်နေ့ ရွေးကောက်ပွဲတွင် သမ္မတ ဂွဒ်လက်ဂျိုနသန်အား အနိုင်ရရှိခဲ့သည့် နိုက်ဂျီးရီးယား သမ္မတသစ် မိုဟာမာဒူ ဘူဟာရီမှာ ယနေ့တွင် မြို့တော်အဘူဂျာ၌ ကျမ်းသစ္စာကျိန်ဆိုခဲ့သည်ဟု သိရသည်။

နိုက်ဂျီးရီးယားသမိုင်းတွင် သမ္မတအား ရွေးကောက်ပွဲဖြင့် ပထမဆုံး ဖြုတ်ချနိုင်ခဲ့သည့် စစ်တပ်အကြီးအကဲဟောင်း ဘူဟာရီမှာ နိုက်ဂျီးရီးယား ရိုးရာဝတ်စုံကိုဝတ်၍ ကုရ်အာန်ကျမ်းကိုကိုင်ကာ ကျမ်းကျိန်ခဲ့ခြင်းဖြစ်ပြီး နိုက်ဂျီးရီးယားဖွဲ့စည်းပုံနှင့် ဥပဒေများကို
လိုက်နာစောင့်ထိန်းပါမည်ဟု ကတိပြုခဲ့သည်။

နိုက်ဂျီးရီးယားမှာ အာဖရိကတွင် စီးပွားရေးအတောင့်တင်းဆုံးနှင့် ထိပ်တန်းရေနံထုတ်လုပ်သည့် နိုင်ငံဖြစ်သော်လည်း အစိုးရအတွင်း ချစားမှု၊ စီမံခန့်ခွဲရေး ညံ့ဖျင်းမှုများကြောင့် ပြဿနာပေါင်းစုံနှင့် ရင်ဆိုင်နေရသည်။

ဘူဟာရီကမူ နိုင်ငံ၏ နေရာတိုင်း၌ ပြန့်နှံနေသည့် ချစားမှုကို ပြင်းပြင်းထန်ထန် ကိုင်တွယ်သွားမည်ဟု ကတိပြုထားပြီး နိုင်ငံမြောက်ပိုင်းတွင် ခွဲထွက်ရေးလှုပ်ရှားနေသည့် ဘိုကိုဟရမ် စစ်သွေးကြွအဖွဲ့ကိုလည်း အမြစ်ပြတ်ချေမှုန်းသွားမည်ဟု ကြေညာထားသည်။

ဘူဟာရီ၏ ကျမ်းကျိန်ပွဲသို့ အာဖရိက နိုင်ငံအများစု အပါအ၀င် နိုင်ငံပေါင်း ၃၀ ခန့်မှ အဆင့်မြင့်အရာရှိများ တက်ရောက်ခဲ့ကြပြီး၊ နိုက်ဂျီးရီးယားနှင့် ဆက်ဆံရေးတင်းမာနေသည့် တောင်အာဖရိကသမ္မတ ဂျာကော့ဘ် ဇူးမားလည်း ပါဝင်ခဲ့သည်။

အမေရိကန် နိုင်ငံခြားရေးဝန်ကြီး ဂျွန်ကယ်ရီ၊ ဗြိတိန်နိုင်ငံခြားရေးဝန်ကြိး ဖိလစ် ဟမ်မွန်းနှင့် ပြင်သစ်နိုင်ငံခြားရေးဝန်ကြီး လော့ရန် ဖာဘီယက်စ်တို့လည်း အဆိုပါ ကျမ်းကျိန်ပွဲသို့ တက်ရောက်ခဲ့ကြသည်။

နိုက်ဂျီးရီးယားပြည်သူများကမူ ဘူဟာရီမှာ တိုင်းပြည်အား ယခင်သမ္မတများနှင့်မတူ ခြားနားစွာ အုပ်ချုပ်သွားနိုင်မည်ဟု မျှော်လင့်နေကြပြီး နိုင်ငံ၏ စိန်ခေါ်မှုများကိုလည်း ကျော်ဖြတ်သွားနိုင်မည်ဟု ယုံကြည်နေကြသည်။

Ref: Aljazeera