အောက်တိုဘာ ၃၀၊ ၂၀၁၅
M-Media
– ဗားမောင့်ဒေသ၏ အထက်လွှတ်တော် အမတ်ဖြစ်ပြီး ဒီမိုကရက်တစ်ကိုယ်စားပြု သမ္မတလောင်းဖြစ်သည့် ဘာရ်နီ ဆန်ဒါးရ်က မိမိအနေဖြင့် အစ္စလာမ်ကြောက်ရောဂါနှင့် အခြားသော လူမျိုးရေးခွဲခြားမှု ပုံစံအားလုံးကို အဆုံးသတ်စေမည်ဟု ကတိပြု ပြောကြားလိုက်သည်။
“လူမျိုးရေးခွဲခြားမှုကို ဆန့်ကျင်တဲ့ ဒီလိုပြောကြားမှုမျိုးဟာ လေးစားစရာပါပဲ။ ဘာ့ကြောင့်လည်းဆိုတော့ သမ္မတနေရာ ၀င်ရောက်ယှဉ်ပြိုင်မယ့် ကိုယ်စားလှယ်လောင်း လက်တစ်ဆုပ်စာကသာ အစ္စလာမ်ကြောက်ရောဂါကို လူသိရှင်ကြား ရှုတ်ချကြတာပါ” ဟု အမေရိကန်-အစ္စလာမ် ဆက်ဆံရေးကောင်စီ CAIR မှ အစိုးရေးရာ မန်နေဂျာ ရောဘတ် မက်ကောက အဖွဲ့မှ ထုတ်ပြန်သော ကြေငြာချက်တွင် ပြောကြားခဲ့သည်။
“အစ္စလာမ်ကြောက်ရောဂါနဲ့ လူမျိုးရေးခွဲခြားမှု ပုံစံအားလုံးကို အမြစ်ဖြတ်သုတ်သင်ရာမှာ အတူတကွ ရပ်တည်သွားမယ်လို့ သန္ဓိဌာန်ချဖို့ ဘာရ်နီ ဆန်ဒါးရ်ရဲ့ ဆန္ဒရှိမှုဟာ သိပ်ကို လေးစားလောက်စရာပါပဲ”
ဗုဒ္ဓဟူးနေ့က ၀ါရှင်တန်ရှိ ဂျော့မက်ဆန် တက္ကသိုလ်တွင် ပြုလုပ်သော ဟောပြောပွဲတွင် ဆန်ဒါးရ်က ထိုကဲ့သို့ ပြောကြားခဲ့ခြင်းဖြစ်ပြီး ရီပက်ဘလစ်ကန်ပါတီမှ သမ္မတနေရာ ၀င်ရောက်ယှဉ်ပြိုင်မည့် ဒေါက်တာ ဘန် ကာဆင်က အမေရိကန်သမ္မတမှာ မွတ်စလင်မဖြစ်သင့်ဟူသော ပြောကြားမှုကို တုန့်ပြန်သောအားဖြင့် ၎င်း၏ ထိုဟောပြောပွဲတွင် ဂျော့ မက်ဆန် တက္ကသိုလ်မှ မွတ်စလင်ကျောင်းသူ ရီမက်ဇ် အဘ်ဒဲလ်ဂေဒါကို စင်ပေါ်လာရောက် စကားပြောရန် ဖိတ်ခ်ါခဲ့သည်။
အဘ်ဒဲလ်ဂေဒါကလည်း အစ္စလာမ်ကြောက်ရောဂါမှာ သမ္မတရွေးကောက်ပွဲတွင် မည်မျှ သက်ရောက်မှုရှိနေသည်ကို ဖွင့်ချခဲ့သည်။
“အမေရိကန်တစ်ယောက်ဖြစ်ရာတာဟာ ကျွန်မ အမှတ်သညာရဲ့ ခိုင်မာတဲ့ အစိတ်အပိုင်းတစ်ခု ဖြစ်ပါတယ်။ ဒါပေမယ့် ဒီလူ့အဖွဲ့အစည်းမှာ အပြောင်းအလဲကို ကျွန်မ ဖန်တီးချင်ပါတယ်။ တစ်နေ့နေ့မှာ ကျွန်မ သမ္မတ မဖြစ်နိုင်ဘူးလို့ ပြောတာကို ကြားရတဲ့အတွက်လည်း ကျွန်မ အရမ်းစိတ်ကုန်နေပါပြီ။ အဲဒီလိုပြောဆိုတာတွေက ကျွန်မကို မကျေမနပ် ဖြစ်စေပါတယ်။ ဒါဟာ ကျွန်မတိုင်းပြည်ပါ” လို့ အဘ်ဒဲလ်ဂေဒါက ပြောကြားခဲ့သည်။
ဆန်ဒါးရ်ကလည်း “တကယ်လို့ မားမားမတ်မတ် ရပ်တည်ရမယ့် အရာတွေကို ကျွန်တော်တို့ အတူတကွ ရပ်တည်ကြမယ်ဆိုရင် ဒီတိုင်းပြည်မှာ လူမျိုးရေးခွဲခြားမှု ပုံစံအားလုံးကို ကျွန်တော်တို့ အဆုံးသတ်နိုင်မှာပါ။ ဒါက သမ္မတဖြစ်ရေး အားထုတ်မှုကို ဦးတည်သွားပါလိမ့်မယ်” ဟု ပြောကြားခဲ့သည်။
အစ္စလာမ်ကြောက်ရောဂါနှင့်ပတ်သက်၍ ဟန့်တားဆောင်ရွက်သွားမည်ဟု ဆန်ဒါးရ်၏ ယခုပြောကြားမှုမှာ ပထမဆုံးအကြိမ် မဟုတ်ပေ။ နာရီတီထွင်မှုကို ဗုံးလုပ်သည်ဟုဆိုကာ အဖမ်းခံခဲ့ရသည့် အသက် ၁၄ နှစ်အရွယ် အမေရိကန်မွတ်စလင်လူငယ်လေး အဟ်မဒ်ကိစ္စတွင်လည်း ဆန်ဒါးရ်က Twitter စာမျက်နှာမှတစ်ဆင့် “မွတ်စလင်ဆန့်ကျင်ရေး အယူသည်းမှုတွေကို ကျွန်တော်တို့ ပြင်းပြင်းထန်ထန် ဆန့်ကျင်ရပါမယ်” ဟု ရေးသားခဲ့သည်။
CAIR မှ မက်ကောကမူ ရီပက်လစ်ကန်ကိုယ်စားပြု၍ သမ္မတအဖြစ် ၀င်ရောက်ယှဉ်ပြိုင်ရန် ရှိနေသည့် ဒေါ်နယ် ထရမ့်နှင့် ဘင် ကာဆင်တို့အနေဖြင့်လည်း ထိုကဲ့သို့ အစ္စလာမ်ကြောက်ရောဂါကို ဆန့်ကျင်ရှုတ်ချရန် တိုက်တွန်းခဲ့သည်။
Ref: Onislam
Leave a Reply
You must be logged in to post a comment.