ဘေရွတ်-ပဲရစ် အကြမ်းဖက်ခံရမှု စံနှစ်မျိုး ကျင့်သုံးတဲ့ Facebook အား ဝေဖန်မှုပြင်းထန်နေ

နိုဝင်ဘာ ၁၆ ၊ ၂၀၁၅
M-Media

ဘေရွတ်ဗုံးကွဲခြင်း၏ နောက်တစ်ရက် ပဲရစ်တိုက်ခိုက်ခံသည့်အချိန်မှ “Safety Check” ဟူသော အရေးပေါ်ဖြည့်ဆည်းချက်ကို ထည့်သွင်းရန် ဖေ့စ်ဘွတ်၏ ဆုံးဖြတ်ချက်နှင့်စပ်လျဉ်း၍ အွန်လိုင်းပေါ်တွင် အငြင်းပွားမှုများ လျှံထွက်လာသည်။

ဘေးသင့်ခံရသော အရှေ့အလယ်ပိုင်းနှင့် အခြားဒေသသားများထက် အနောက်တိုင်းသားကပ်ဆိုက်သူတို့၏ အသက်က ပိုမိုတန်ဖိုးရှိနေလော ဟူသည့် ဝေဖန်ချက်များကြောင့် တာဝန်ခံတစ်ဦးသည် အခြားသူများနှင့် အငြင်းအခုံ ဖြစ်ပွားခဲ့ကြရာ ဤအခင်းအကျင်းတွင် ရိုးသားမှုမရှိကြောင်း လူတို့က ဆိုကြသည်။

ဤဆောင်ရွက်ချက်အား ဖေ့စ်ဘွတ်ကုမ္ပဏီက အနည်းဆုံး လူ ၁၂၉ ဦးသေဆုံးခဲ့သော ပြီးခဲ့သည့် သောကြာနေ့ ပဲရစ်တိုက်ခိုက်မှုအပြီး မရှေးမနှောင်းမှာပင် တင်ဆက်လိုက်ခြင်းဖြစ်သည်။ အဆိုပါလုပ်ဆောင်ချက်၌ ပဲရစ်ဒေသတွင်းရှိ အသုံးပြုသူများနှင့် ၎င်းတို့၏မိသားစု၊ မိတ်ဆွေတို့ လုံခြုံဘေးကင်းမှု ရှိ/မရှိ စူးစမ်းဆက်သွယ်နိုင်ခြင်း လုပ်ငန်းစဉ် ပါဝင်နေသည်။

မကြာသေးမီက ပါကစ္စတန် ငလျင်ဘေးကဲ့သို့ သဘာဝဘေးဒဏ်သင့်ရသော ဒေသများအတွက်သာ ရည်ရွယ်၍ ဤအရေးပေါ်ဖြည့်ဆည်းချက်ကို ယခင်ကလည်း ထည့်သွင်းပေးခဲ့ဖူးသည်။

ပဲရစ်တိုက်ခိုက်မှု၏နောက် အချိန်အနည်းငယ်အတွင်း အဆိုပါလုပ်ဆောင်ချက်ကို ပဲရစ်ဒေသ၌ အသုံးပြုနိုင်ကြသော်လည်း တစ်ရက်အလျင် အသေခံဗုံးခွဲမှုကြောင့် အနည်းဆုံး လူ ၄၃ ဦးသေကြေခဲ့သည့် ဘေရွတ်အတွက်တော့ ထည့်သွင်းပေးခြင်း မရှိပေ။ အဆိုပါတိုက်ခိုက်မှုနှစ်ရပ်လုံး၏လက်သည်မှာ အီရတ်နှင့် မြေထဲပင်လယ်အရှေ့ပိုင်းမှ ISIL အုပ်စုပင် ဖြစ်နေသည်။

ဝေမျှချက် တစ်သောင်းကျော် ရရှိထားသော လက်ဘနွန်နိုင်ငံသား ဘလော့ဂါ Joey Ayoub ၏ ရေးသားချက်၌ အသွင်တူဖြစ်စဉ်နှစ်ရပ်အတွက် တုန့်ပြန်မှုက ပုံဟန်ကွဲလွဲနေကြောင်း ဝေဖန်ထားပြီး၊ ဘေရွတ်သေဆုံးမှုသည် ပဲရစ်သေဆုံးမှုလောက် အရေးမကြီးလေသလောဟု ဆိုထားသည်။

“ဖေ့စ်ဘွတ်ရဲ့ Safety Check ခလုတ်ကို ကျွန်တော်တို့ (ခုထိ) မရသေးပါဘူး။ သြဇာကြီးပုဂ္ဂိုလ်များနဲ့ အွန်လိုင်းအသုံးပြုသူ သန်းပေါင်းများစွာထံက အသံတွေကို ကျွန်တော်တို့ မရကြပါဘူး။ ကျွန်တော်တို့ဖက်လူတွေကို ခုထက်ထိ ကမ္ဘာ့အရေးပေါ်ကိစ္စများထဲက ဖယ်ထုတ်ထားဆဲလေရော့သလားလို့ ပြောရမယ့်အထိ နားမလည်နိုင်အောင် ဖြစ်နေရတယ်” ။

ဖေ့စ်ဘွတ်၌ ဝေဖန်နေသူမှာ Ayoub တစ်ဦးတည်း မဟုတ်သလို တွစ်တာလူမှုကွန်ရက်၌လည်း ဖေ့စ်ဘွတ်သည် လက်ဘနွန်၌ အဆိုပါ ခလုတ်ကို အဘယ်ကြောင့် မထည့်သွင်းပေးသနည်းဟု မေးမြန်းသူ များလျက်ရှိသည်။

“ဒါဟာ လက်တွေ့ဆန်တဲ့ ထောက်ပြချက်ဖြစ်နိုင်ပါလိမ့်မယ်။ ဒါပေမယ့် သတိပြုစရာတစ်ချက်တော့ ရှိပါတယ်။ လက်ဘနွန်မှာ ဗုံးကွဲမှု၊ မိုးကြီးမှု၊ ဆန္ဒပြမှု စတာတွေ ဖြစ်လာရင် မိုဘိုင်းအဆက်အသွယ် ပြတ်တောက် သွားလေ့ရှိပါတယ်။ ဒါကြောင့် လူတွေက ဖေ့စ်ဘွတ်ပေါ်တက်ဖို့ နှောင့်နှေးကြ ရပါတယ်လို့ ကျွန်မ ထင်ပါတယ်။ လက်ဘနွန်က ကျွန်မတို့ဟာ ပဲရစ်ကလူတွေထက် စစ်မက်နဲ့သူ့အကျိုးဆက်တွေကို ပိုပြီးကြုံဆုံကြရတယ်။ ဒါဟာ လူသားချင်းစာနာထောက်ထားမှု အရေးအရာပါ။ ပြင်သစ်က လူတွေကို သေစေခဲ့တဲ့ အကြမ်းဖက်မှုဟာ လက်ဘနွန်၊ အီရတ်၊ ဆီးရီးယားကလူတွေကို သတ်ဖြတ်လိုက်တဲ့ အကြမ်းဖက်မှုနဲ့ တစ်ထပ်တည်းပါပဲ” ဟု လက်ဘနွန်သူ ဂျာနယ်လစ် Doja Daoud ကဆိုသည်။

ဖေ့စ်ဘွတ်တည်ထောင်သူနှင့် စီအီးအိုဖြစ်သော မာ့ခ်ဇူကာဘတ်က ယင်းဝေဖန်ချက်များအပေါ် သူ၏ ဖေ့စ်ဘွတ်ဝက်ဘ်ဆိုက်မှ ယခုကဲ့သို့ တုန့်ပြန်ခဲ့သည်။

“အသုံးပြုသူတွေရဲ့မေးမြန်းမှု မမှားပါဘူး။ မနေ့ကအထိ ကျွန်တော်တို့ကုမ္ပဏီဟာ သဘာဝကပ်ဆိုးသင့်မှုအတွက် အဲ့ဒီလုပ်ဆောင်ချက်တွေကို သုံးမယ်ဆိုတဲ့ မူဝါဒရှိခဲ့ပါတယ်။ ခုလေးတင်မှ ပြောင်းလဲလိုက်တာပါ။ အခုတော့ လူသား ကပ်ဆိုးသင့်မှုတွေ အတွက်ရော ဒီလုပ်ဆောင်ချက်ကို ရှေ့ဆက်ထည့်သွင်းဖော်ဆောင်သွားဖို့ စီစဉ်နေပါပြီ။ လူသားတိုင်းအပေါ် ကျွန်တော်တို့ တပြေးညီ သဘောထားပါတယ်။ ဒီလိုအနေအထားထဲ ဒုက္ခခံစားရသူတွေကို ကူညီနိုင်ဖို့ ကျွန်တော်တို့ တတ်စွမ်းသမျှ ကြိုးစားလုပ်ဆောင်သွားပါမယ်”။

တစ်ချိန်က တိုက်ခိုက်ခံရသော နိုင်ငံများ အတွက် လျစ်လျူရှုခဲ့ပြီး ယခုပြင်သစ် တိုက်ခိုက်မှုကျမှ အဘယ်ကြောင့် ပရိုဖိုင်းပုံချိန်းရန် အလံများရွေးယူနိုင်သည့် လုပ်ဆောင်ချက် ထည့်သွင်းရသနည်းဟု အလ်ဂျဇီးရားမှ ဖေ့စ်ဘွတ်အား ဆက်သွယ်မေးမြန်းခဲ့ရာတွင် အဖြေမရရှိခဲ့ပါ။

“ပြီးခဲ့တဲ့လ ပါကစ္စတန် ငလျင်ဘေးဖြစ်ပြီးနောက် ဒီ safety check ကို အသုံးပြုခဲ့ကြပါတယ်။ အသုံးပြုသူအသက်များကြားထဲက သူတို့ရဲ့နည်းလမ်း ဘယ်လောက်အသုံးဝင်မလဲဆိုပြီး စူးစမ်းချက်တစ်ရပ်လို့ ဆိုနိုင်ပါတယ်။ သူတို့ရဲ့မူဝါဒနဲ့ပတ်သက်ပြီး ကျွန်မကတော့ ထင်မြင်ချက် သိပ်မပေးလိုလှဘူး။ ပြင်သစ်မှာ ဖေ့စ်ဘွတ်အသုံးပြုသူ ပိုများတာ ဒါမှမဟုတ် ဘေရွတ်ဗုံးကွဲမှုထက် ပဲရစ်တိုက်ခိုက်မှုက ဂယက်ရိုက်ခတ်မှု ပိုကြီးမယ်လို့ တွက်ချက်လုပ်ကိုင်တာမျိုး ဖြစ်ချင်ဖြစ်မှာပေါ့။ အနောက်တိုင်းသားမဟုတ်သူတွေရဲ့အသက်တွေထက် အနောက်တိုင်းသားတွေရဲ့အသက်တွေကို ပိုတန်ဖိုးထားသလို ဖြစ်နေတာမို့ မခံချင်စရာဖြစ်တာ အမှန်ပါပဲ။ ဒါပေမယ့် ကျွန်မကတော့ ဒီအခြေအနေအပေါ် ခံစားချက်ကို အဆောတလျင် ဖွင့်ထုတ်ဖော်ပြတာမျိုး မလုပ်လိုပါဘူး။ ဘယ်လိုပဲဖြစ်ဖြစ် ဖေ့စ်ဘွတ်ဟာ သူ့ရဲ့တလွဲတချော် ဆက်သွယ်ဟန်ကို ကမ္ဘာ့အလယ်မှာ သွတ်သွင်းနိုင်ဖို့ ကြိုးစားနေတယ်။ ဘေးဆိုးကပ်ဆိုးဖြစ်ပြီးတဲ့နောက်မှာမှ check in လုပ်တာတွေ၊ ပရိုဖိုင်းပုံပြောင်းလဲစေတာတွေက ကျွန်မအဖို့တော့ အဓိပ္ပာယ်မရှိလှပါဘူး၊ ပိုပြီးတောင် အနှောင့်အယှက်ဖြစ်စေပါတယ်” ဟု ပါကစ္စတန်စာရေးဆရာမ Gina Shah က ဆိုလိုက်ပါသည်။

Ref : Al Jazeera