News @ M-Media

မြန်မာအစိုးရကို OIC တိုက်တွန်း

သြဂုတ်၊ ၁၄၊ ၂၀၁၂

RFA မြန်မာပိုင်း

မြန်မာနိုင်ငံတွင်းရှိ လူမျိုး ဘာသာအားလုံးအတွက် အကျုံးဝင်မယ့် အမျိုးသား ပြန်လည် ရင်ကြားစေ့ရေးနဲ့ နာလန်ထူရေး မူဝါဒတွေ ချမှတ်ဆောင်ရွက်ဖို့ မြန်မာ အစိုးရကို အစ္စလာမ် ဘာသာဝင်နိုင်ငံများ ပူးပေါင်းဆောင်ရွက်ရေးအဖွဲ့ OIC က တိုက်တွန်း လိုက်ပါတယ်။

ရခိုင်ပြည်နယ် ဒုက္ခသည် စခန်းများသို့ သွားရောက်လေ့လာခဲ့သော တူရကီနိုင်ငံခြားရေးဝန်ကြီးကို OIC အစည်းအဝေးတွင် တွေ့ရပုံ

ဆော်ဒီအာရေးဗီးယားနိုင်ငံ Jeddah မြို့မှာ ကျင်းပတဲ့ OIC အဖွဲ့ရဲ့ နိုင်ငံခြားရေး ၀န်ကြီးများ အစည်းအဝေးက ဒီကနေ့ ထုတ်ပြန်တဲ့ သဘောထားကြေညာချက် မူကြမ်းမှာ အဲဒီလို ဖော်ပြထားတယ်လို့ သိရပါတယ်။

အဲဒီ OIC အဖွဲ့အစည်းအဝေးမှာ မြန်မာနိုင်ငံ ရခိုင်ပြည်နယ် အခြေအနေကို သွားရောက် လေ့လာခဲ့တဲ့ တူရကီ နိုင်ငံခြားရေးဝန်ကြီး Ahmet Davutoglu ကလည်း မြန်မာအစိုးရနဲ့ ဆွေးနွေးချက်တွေကို တင်ပြခဲ့တယ်လို့ ဆိုပါတယ်။

Comments

Leave a Reply