News @ M-Media

ကရင်ဒုက္ခသည် အမျိုးသမီးများအတွက် KNU က အလုပ်အကိုင်အခွင့်အလမ်းများ ဖန်တီးပေး

ဇူလိုင် ၈၊ ၂၀၁၆
M-Media

kayin

– ဒေသတွင်းတိုက်ပွဲများကြောင့် အခြေပျက်ခဲ့ရသော ကရင်တိုင်းရင်းသား အမျိုးသမီးများကို ကရင်အမျိုးသားအစည်းအရုံး (KNU) က အလုပ်အကိုင်အခွင့်အလမ်းများ ဖန်တီးပေးနေသည်ဟု သိရသည်။

“အပစ်ရပ်ရေး သဘောတူညီချက် လက်မှတ်ထိုးပြီးနောက်ပိုင်း ခရိုင် ၅ ခုမှာ အလုပ်အကိုင်အခွင့်အလမ်းတွေကို ဖန်တီးပေးခဲ့ပါတယ်။ တိုက်ပွဲတွေအတွင်းမှာ အမျိုးသမီးတွေဟာ တော်တော်လေး ထိခိုက်ခံစားခဲ့ရပါတယ်။ အခုတော့ ပြန်လည်ထူထောင်ရေးကာလမှာ သူတို့တွေဟာ အခြားအထောက်အပံ့တွေကို မှီခိုစရာမလိုဘဲ ကိုယ့်ခြေထောက်ပေါ်ကိုယ် ရပ်နိုင်နေပါပြီ” ဟု KNU မှာ တာဝန်ရှိသူတစ်ဦးဖြစ်သူ ဗိုလ်မှူး စောရှီးရှိုက ၂၀၁၅ ခုနှစ် အောက်တိုဘာလတွင် မြန်မာအစိုးရနှင့် တိုင်းရင်းသားလက်နက်ကိုင်အဖွဲ့ ၇ ခုတို့အကြား ရရှိခဲ့သည့် ငြိမ်းချမ်းရေး သဘောတူညီချက်ကို ရည်ညွှန်းပြောကြားခဲ့သည်။

KNU မှ ဖန်တီးပေးခဲ့သည့် အလုပ်အကိုင်များမှာ လယ်ယာကဏ္ဍနှင့် တိရစ္ဆာန်မွေးမြူးရေ ကဏ္ဍများတွင်ဖြစ်ပြီး မိသားစုပေါင်း ၁၀၀၀ ကျော်ကို အကျိုးဖြစ်ထွန်းစေခဲ့သည်။ ဖားအံမြို့နယ်မှ တက်ကြွလှုပ်ရှားသူ မစင်သီယာဝင်းကမူ ထိုဆောင်ရွက်မှုမှာ တိုက်ပွဲများကြောင့် အမျိုးသမီးများ ရရှိခဲ့သည့် စိတ်ဒဏ်ရာများကို ကုစားရာတွင် အကူအညီဖြစ်စေသည်ဟု ဆိုသည်။

“လုပ်စရာအလုပ်ရှိနေတဲ့ အမျိုးသမီးတွေက တိုက်ပွဲတွေကြောင့် ဖြစ်လာတဲ့ စိတ်ဒဏ်ရာတွေကို မေ့ပျောက်နိုင်ကြပါတယ်” ဟု သူမက ပြောဆိုခဲ့သည်။

သို့သော်လည်း အမျိုးသမီးများမှာ မိသားစု အတူနေထိုင်နိုင်ရေးအတွက် ထိုင်းကဲ့သို့ နိုင်ငံရပ်ခြားတွင် သွားရောက် အလုပ်လုပ်ကိုင်နေရသည့် ၎င်းတို့၏ ခင်ပွန်းများ ဒေသတွင်း အလုပ်ရရှိရန် ဆန္ဒရှိနေကြသည်ဟု ထည့်သွင်းပြောကြားခဲ့သည်။

လွန်ခဲ့သည့် နှစ် ၇၀ နီးပါးအတွင်း KNU နှင့် အစိုးရတပ်တို့အကြား ဖြစ်ပွားခဲ့သည့် တိုက်ပွဲများကြောင့် ကရင်ပြည်နယ်တွင် လူပေါင်း တစ်သိန်းကျော် အိုးအိမ်စွန့်ခွာ ထွက်ပြေးခဲ့ရကာ၊ အများစုမှာ ထိုင်းနိုင်ငံရှိ ဒုက္ခသည်စခန်းများတွင် သွားရောက်ခိုလှုံနေရသည်။

Ref: mmtimes

Comments

Leave a Reply