ဒီဇင်ဘာ ၃၀၊ ၂၀၁၇
M-Media
– အကြမ်းဖက်မှုတွေကြောင့် ထွက်ပြေးလာရတဲ့ ရိုဟင်ဂျာဒုက္ခသည်တွေထဲက ၁ သိန်းလောက်ကို ပထမသုတ်အနေနဲ့ ပြန်ပို့ဖို့ ဘင်္ဂလားဒေ့ရ်ှက စီစဉ်နေတယ်လို့ သိရပါတယ်။
ဒီလူတွေရဲ့နာမည်စာရင်းကို သောကြာနေ့မှာ မြန်မာအာဏာပိုင်တွေဆီ ပို့ထားပြီး နှစ်နိုင်ငံ လက်မှတ်ထိုးထားတဲ့ သဘောတူညီချက်အတိုင်း လာမယ့်လနှောင်းပိုင်းမှာ စတင်ပြီး နေရပ်ပြန်ပို့နိုင်မယ်လို့ ဘင်္ဂလားဒေ့ရ်ှအစိုးရ တာဝန်ရှိသူ အိုဘိုက်ဒွလ် ကွာဒဲရ်က ပြောပါတယ်။
သြဂုတ်လနှောင်းပိုင်းကစတင်ပြီး မြန်မာစစ်တပ်က ပြုလုပ်တဲ့ စစ်ဆင်ရေးအတွင်းမှာ ရိုဟင်ဂျာ ၆၅၅၀၀၀ လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ဒီလုပ်ရပ်ဟာ လူမျိုးစုလိုက် သုတ်သင်မှု ဖြစ်တယ်လို့ ကုလနဲ့ အမေရိကန်တို့က ပြောထားပါတယ်။
ဒုက္ခသည်တွေ နေရပ်ပြန်ပို့ရေး သဘောတူညီချက်ကို မြန်မာနဲ့ ဘင်္ဂလားဒေ့ရ်ှအစိုးရတွေဟာ နိုဝင်ဘာလမှာ လက်မှတ်ရေးထိုးခဲ့ပြီး ဇန်န၀ါရီ ၂၃ ရက်နေ့မှာ စတင်ဆောင်ရွက်ဖို့ စီစဉ်ခဲ့တာပါ။
လူ့အခွင့်အရေးအဖွဲ့တွေနဲ့ အကူအညီပေးရေးအဖွဲ့တွေကတော့ နေရပ်ပြန်လာမယ့် ရိုဟင်ဂျာတွေရဲ့ လုံခြုံရေးနဲ့ နေထိုင်ရေးအတွက် စိုးရိမ်ကြောင်း ပြောကြားထားပါတယ်။
ကွာဒဲရ်က နှစ်နိုင်ငံ ပူးတွဲအလုပ်အဖွဲ့ တာဝန်ရှိသူတွေဟာ ပေးပို့ထားတဲ့ စာရင်းကို အတည်ပြုပြီးတာနဲ့ နေရပ်ပြန်လည်ရေး လုပ်ငန်းစဉ်ကို အလျင်အမြန် ဆောင်ရွက်သွားမယ်လို့ ဆိုပါတယ်။
“ပူးတွဲအလုပ်အဖွဲ့ရဲ့ ဆုံးဖြတ်ချက်ကို အခြေခံပြီး လုံခြုံစိတ်ချစွာနဲ့ ဂုဏ်သိက္ခာရှိရှိ နေရပ်ပြန်နိုင်ရေး ပထမအသုတ် လူ ၁ သိန်းစာရင်းကို ဒီကနေ့မှာ မြန်မာအစိုးရစီ ပေးပို့သွားမှာဖြစ်ပါတယ်။ မြန်မာနိုင်ငံမှာလုပ်မယ့် နောက်ထပ် အစည်းအဝေးမှာ နေရပ်ပြန်ပို့ရေး အစီအစဉ် ဘယ်လိုစတင်မလဲဆိုတာကို အလုပ်အဖွဲ့က ဆုံးဖြတ်မှာ ဖြစ်ပါတယ်။ တတ်နိုင်သမျှ မြန်မြန် စာရင်းကို အတည်ပြုပြီးနောက်ပိုင်းနေရပ်ပြန်ရေးလုပ်ငန်းစဉ် စတင်မှာပါ”
တွေ့ဆုံမေးမြန်းမှုတွေအရ ရခိုင်ပြည်နယ်မှာ လုံခြုံစိတ်ချရမှု မရှိတာကြောင့် ရိုဟင်ဂျာဒုက္ခသည် တော်တော်များများဟာ နေရပ်မပြန်ချင်ကြဘူးလို့ AFP သတင်းဌာနက ဖော်ပြပါတယ်။
ဘင်္ဂလားဒေ့ရ်ှမှာ ရိုဟင်ဂျာဒုက္ခသည် ၁ သန်းလောက်ရှိနေပြီး တော်တော်များများက အဲဒီမှာ ၁၀ စုနှစ်နဲ့ချီပြီး ရှိနေကြတာ ဖြစ်ပါတယ်။
Ref: AFP