ဇွန် ၂၂၊ ၂၀၁၈
M-Media
အစွန်းရောက်ခေါင်းဆောင်တစ်ဦးကို အင်ဒိုက သေဒဏ်ပေးရန် စီစဉ်
================
၂၀၁၆ ခုနှစ် ဂျကတာမြို့လယ်ကောင်မှာ IS အကြမ်းဖက်အဖွဲ့က ပြုလုပ်ခဲ့တဲ့ တိုက်ခိုက်မှုကို ကြိုးကိုင်မှုနဲ့ အစွန်းရောက် ဘာသာရေးခေါင်းဆောင် အေမန် အဘ်ဒူရဟ်မန်ကို အင်ဒိုနီးရှားက ဒီကနေ့မှာ သေဒဏ်ချမှတ်ဖို့ ရှိနေပါတယ်။ အေမန်ဟာ အင်ဒိုနီးရှားက IS ထောက်ခံသူတွေရဲ့ ခေါင်းဆောင်လို့ ယူဆရပြီး အင်ဒု
ိနီးရှားအခြေစိုက် အစွန်းရောက်ကွန်ယက် Jamaah Ansharut Daulah (JAD) ရဲ့ ခေါင်းဆောင်လည်း ဖြစ်ပါတယ်။ JAD ဟာ ပြီးခဲ့တဲ့လက နိုင်ငံရဲ့ ဒုတိယအကြီးဆုံးမြို့ ဆူရာဘာယာက ခရစ်ယာန်ဘုရားကျောင်းတွေနဲ့ ရဲဌာနချုပ်ကို အသေခံဗုံးခွဲတိုက်ခိုက်မှုတွေရဲ့ နောက်ကွယ်မှာ ပါဝင်ပတ်သက်နေတယ်လို့ အင်ဒိုအာဏာပိုင်တွေက ပြောကြားထားပါတယ်။
ဒေသတွင်းငြိမ်းချမ်းရေး ကိုယ်တိုင်ဆောင်ရွက်ဖို့ အိမ်နီးချင်းများကို အီရန် တိုက်တွန်း
=============
ဒေသတွင်းမှာ ငြိမ်းချမ်းရေးနဲ့ ပြဿနာဖြေရှင်းရေးအတွက် မိမိတို့ကိုယ်တိုင် ဆောင်ရွက်ကြဖို့ အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က မနေ့မှာ တိုက်တွန်းလိုက်ပြီး၊ အရှေ့အလယ်ပိုင်း လုံခြုံရေးကို အန္တရာယ်ရှိတဲ့၊ အစိုးမရတဲ့ အမေရိကန်သမ္မတ ဒေါ်နယ်ထရမ့်လက်ထဲ ယုံပုံအပ်လို့မရဘူးလို့လည်း ပြောကြားလိုက်ပါတယ်။ နျူသဘောတူညီချက်ကနေ နှုတ်ထွက်ပြီးနောက်ပိုင်း အမေရိကန်က တောင်းဆိုခဲ့တဲ့ အချက် ၁၄ ချက်ကို ဇာရစ်ဖ်က ပြင်းပြင်းထန်ထန် ကန့်ကွက်ခဲ့ဖူးပါတယ်။ မနေ့က Mehr သတင်းဌာနနဲ့ အင်တာဗျူးမှာ ဇာရစ်ဖ်က အမေရိကန်အနေနဲ့ အီရန်ရဲ့ ပြည်တွင်းရေးကို မစွက်ဖက်ဖို့၊ မဟာမိတ်အစ္စရေးမှာ နျူကင်းစင်အောင်ရွက်ဖို့နဲ့ ပါလက်စတိုင်းတွေအပေါ် ကျူးလွန်နေတာတွေကို ရပ်တန့်ခိုင်းဖို့ အမေရိကန်ကို တောင်းဆိုခဲ့ပါတယ်။
တောင်ကိုရီးယားသမ္မတ ရုရှားသို့ သွားရောက်
=============
တောင်ကိုရီးယားသမ္မတ မွန်ဂျယ်အင်ဟာ စီးပွားရေး ပူးပေါင်းဆောင်ရွက်မှုနဲ့ မြောက်ကိုရီးယားကိစ္စတွေအကြောင်း ဆွေးနွေးဖို့အတွက် မနေ့က ရုရှားနိုင်ငံကို ရောက်ရှိလာခဲ့ပါတယ်။ မွန်ဟာ ဒီကနေ့မှာ သမ္မတပူတင်နဲ့ တွေ့ဆုံကာ သဘောတူညီချက် တော်တော်များများ လက်မှတ်ထိုးဖို့ရှိတယ်လို့ ရုရှားသမ္မတရုံးက သတင်းထုတ်ပြန်ပါတယ်။ ရုရှားမှာ ၃ ရက်တာ နေထိုင်မယ့် မွန်ဟာ တနင်္ဂနွေနေ့မှာ ကစားမယ့် တောင်ကိုရီးယားနဲ့ မက္ကဆီကိုတို့ရဲ့ ကမ္ဘာ့ဖလားပွဲကို သွာရောက်ကြည့်ရှုဖို့လည်း ရှိနေပါတယ်။
အမေရိကန်အပေါ် ကုန်သွယ်ရေးဖိအားပေးမှုတွင် တူရကီနှင့် အိန္ဒိယတို့ပါဝင်လာ
================
အမေရိကန်က တင်သွင်းတဲ့ မော်တော်ကားတွေ၊ အစားအသောက်တွေနဲ့ အခြားကုန်ပစ္စည်းတွေအပေါ် အခွန်ကောက်ခံသွားမယ်လို့ တူရကီနဲ့ အိန္ဒိယတို့က မနေ့မှာ ကြေငြာလိုက်ပါတယ်။ ဒါ့ကြောင့် အမေရိကန်အပေါ် တန်ပြန်အခွန်ကောက်ခံမှုမှာ ဥရောပ၊ ကနေဒါ၊ မက္ကဆီကိုတိုနဲ့အတူ တူရကီ၊ အိန္ဒိယတို့လည်း ပါဝင်လာခဲ့တာ ဖြစ်ပါတယ်။ အမေရိကန်အနေနဲ့ ကမ္ဘာ့ကုန်သွယ်ရေး စည်းမျဉ်းတွေကို ချိုးဖောက်တယ်လို့ အိန္ဒိယက ပြီးခဲ့တဲ့လတွေကတည်းက စွပ်စွဲထားပြီး ကမ္ဘာ့ကုန်သွယ်ရေးအဖွဲ့ WTO ကိုလည်း တိုင်ကြားထားပါတယ်။
Ref: Aljazeera, CNA