ဧပြီ ၁၀၊ ၂၀၂၀
M-Media
-ဖေဖော်ဝါရီလ Covid-19 စတင်ပြန့်နှံ့ကတည်းက လူနာတွေကို ကုသရင်း ကူးစက်သေဆုံးခဲ့တဲ့ ဆရာဝန်အရေအတွက်ဟာ ၁၀၀ လောက်ရှိသွားပြီလို့ အီတလီကျန်းမာရေးအသင်း FNOMCeO က မနေ့မှာ ထုတ်ပြန်ခဲ့ပါတယ်။
သေဆုံးသွားသူတွေထဲမှာ လွန်ခဲ့တဲ့ တစ်လလောက်က အစိုးရရဲ့ အကူအညီတောင်းမှုကြောင့် တာဝန်ပြန်လည်ထမ်းဆောင်ခဲ့တဲ့ အငြိမ်းစား ဆရာဝန်တွေလည်း ပါဝင်ပါတယ်။ အီတလီမီဒီယာတွေကတော့ သူနာပြုနဲ့ သူနာပြုအကူ ၃၀ လည်း ကိုရိုနာဗိုင်းရပ်စ် ကူးစက်သေဆုံးခဲ့တယ်လို့ ဖော်ပြခဲ့ပါတယ်။
အီတလီမှာ ဗိုင်းရပ်ကြောင့် သေဆုံးသူအရေအတွက်ဟာ ဧပြီ ၁၀ ရက်နေ့အထိ ၁၇၆၆၉ ဦး ရှိပြီဖြစ်ပါတယ်။
FNOMCeO အဖွဲ့ရဲ့ ဥက္ကဌ ဖိလစ်ပို အနဲလ်လီက အသင်းဝင် ကျန်းမာရေးဝန်ထမ်းတွေ အကာအကွယ်မရှိဘဲ ကုသတာမျိုးကို ခွင့်ပြုမှာမဟုတ်ဘူးလို့ အသင်းရဲ့ ဝဘ်ဆိုက်မှာ ပြောကြားခဲ့ပါတယ်။
ရောမမြို့ခြေစိုက် ISS ကျန်းမာရေး အင်စတီကျုက အီတလီမှာ ရောဂါကူးစက်သူ အရေအတွက်ရဲ့ ၁၀ ရာခိုင်နှုန်းလောက်ဟာ ကျန်းမာရေးလုပ်သားတွေ ဖြစ်တယ်လို့ ပြောကြားခဲ့ပါတယ်။
Ref: Aljazeera