ဇန်နဝါရီ ၁၄၊ ၂၀၂၁
M-Media
-အင်ဒိုနီးရှားနိုင်ငံမှာ ကျန်းမာရေးဝန်ထမ်းတွေနဲ့ အစိုးရဝန်ထမ်းတွေကို ဒီကနေ့စတင်ပြီး ကိုဗစ်ကာကွယ်ဆေး ထိုးပေးနေပါတယ်။
တရုတ်ထုတ် ကိုဗစ်ကာကွယ်ဆေး Sinovac ကို သမ္မတ ဂျိုကိုဝီဒိုဒိုက မနေ့မှာ ပထမဆုံး ထိုးခဲ့ပါတယ်။ ပထမအဆင့်မှာ ကျန်းမာရေးဝန်ထမ်း ၁.၃ သန်းနဲ့ အစိုးရဝန်ထမ်း ၁၇.၄ သန်းကို ကာကွယ်ဆေးထိုးပေးမှာပါ။
သန်းပေါင်း ၂၇၀ ရှိတဲ့ လူဦးရေရဲ့ ၃ ပုံ ၂ ပုံ သန်း ၁၈၀ ကျော်လောက်ကို ကာကွယ်ဆေးထိုးပေးနိုင်ဖို့ အင်ဒိုနီးရှားက စီစဉ်ထားပါတယ်။
“ကပ်ရောဂါက ဆက်ဖြစ်နေပြီး ကျန်းမာရေးဝန်ထမ်းတွေက ရှေ့တန်းကနေ ကိုဗစ်လူနာတွေကို ပြုစုကုသနေရပါတယ်” လို့ ဒုတိယကျန်းမာရေးဝန်ကြီး ဒန်တီ ဆက်ဆိုနိုက ပြောကြားခဲ့ပါတယ်။
တရုတ်ထုတ်ကာကွယ်ဆေး Sinovac ဟာ အစ္စလာမ်ဘာသာဝင်တွေ အသုံးပြုလို့ရတယ်လို့ အင်ဒိုနီးရှား ထိပ်တန်းအစ္စလာမ်ဘာသာရေးအဖွဲ့က ပြီးခဲ့တဲ့တစ်ပတ် ဓမ္မသတ်ထုတ်ပေးပြီးတဲ့နောက် ကျန်းမာရေးဝန်ကြီးဌာနက ပြီးခဲ့တဲ့တစ်ပတ်မှာ ဒီဆေးကို အရေးပေါ်အသုံးပြုခွင့် ပေးခဲ့ပါတယ်။
Ref: CNA