ဧပြီ ၂၁၊ ၂၀၁၆
M-Media
– ဆီးရီးယားဒုက္ခသည်တွေအတွက် နိုင်ငံတောင်ပိုင်း ဟာတေးနဲ့ ခရာမန်မာရက်စ်ပြည်နယ်တွေမှာ ဒုက္ခသည်စခန်း ၃ ခု တည်ဆောက်နေတယ်လို့ တူရကီ အိမ်ယာ ဖွံ့ဖြိုးတိုးတက်ရေး စီမံခန့်ခွဲမှုအဖွဲ့ TOKI က ပြီးခဲ့တဲ့တစ်ပတ်မှာ ပြောကြားခဲ့ပါတယ်။
“ကမ္ဘာ့အကြီးစား ယာယီစခန်းတွေကို ကျွန်တော်တို့ တည်ဆောက်နေပြီး ဒါဟာ ရက်စက်ကြမ်းကြုတ်မှုတွေကနေ လွတ်မြောက်ရာလွတ်မြောက်ကြောင်း ထွက်ပြေးလာကြသူတွေအတွက် ကျွန်တော်တို့ရဲ့ ဖြူတဲ့ အားထုတ်ကြိုးပမ်းမှုပါပဲ” လို့ TOKI အကြီးအကဲ အာဂွန် တူရန်က အဖွဲ့ရဲ့ ကြေငြာချက်မှာ ပြောဆိုခဲ့ကာ အဲဒီစခန်းတွေဟာ ဆီးရီးယားဒုက္ခသည် ၄ သောင်းလောက်ကို နေရာထိုင်ခင်း ပေးနိုင်မှာဖြစ်တယ်လို့လည်း ဆိုပါတယ်။
စခန်းတွေမှာ ကျန်းမာရေးဌာနတွေ၊ အားကစားကွင်းတွေ၊ ကျောင်းတွေ၊ ပြန်လည်ထူဌာနတွေနဲ့ ဗလီဝတ်ကျောင်းတော်တွေလည်း ပါဝင်မှာဖြစ်ပါတယ်။
တူရကီနိုင်ငံဟာ နိုင်ငံတွင်းမှာ ဆီးရီးယားဒုက္ခသည် ၂.၇၄ သန်းကျော်ကို လက်ခံထားပြီး ဆီးရီးယားဒုက္ခသည် အရေအတွက်အများဆုံး လက်ခံထားတဲ့ နိုင်ငံလည်း ဖြစ်ပါတယ်။ ဆီးရီးယားဒုက္ခသည်တွေအတွက် တူရကီရဲ့ ကူညီထောက်ပံ့မှုဟာ ဒေါ်လာ ၉ ဘီလီယံနီးပါးလောက်ရှိနေပြီး အဲ့ဒီပမာဏဟာ နိုင်ငံတကာအဖွဲ့အစည်းတွေကနေ လက်ခံရရှိတဲ့ ငွေကြေးထက် အဆ ၂၀ များတယ်လို့ အစိုးရက ထုတ်ပြန်တဲ့ မှတ်တမ်းတွေအရ သိရပါတယ်။
Ref: IINA
