အောက်တိုဘာ ၅၊ ၂၀၁၅
M-Media
– ယခုနှစ်အတွင်း ကမ္ဘာတစ်ဝှမ်း အလွန်အမင်း ဆင်းရဲမွဲတေသူ အရေအတွက်မှာ ပထမဆုံးအကြိမ်အဖြစ် ၁၀ ရာခိုင်နှုန်းအောက်ကို ကျဆင်းမည်ဖြစ်သော်လည်း အာဖရိကတွင် သန်းနှင့်ချီ၍ ရှိနေခြင်းမှာ အလွန်အမင်း စိုးရိမ်ဖွယ်ရာဖြစ်သည်ဟု ကမ္ဘာ့ဘဏ်က ယမန်နေ့တွင် ပြောကြားခဲ့သည်။
“ဒီနေ့ခေတ် ကမ္ဘာကြီးမှာ ဒါဟာ အကောင်းဆုံး ကိစ္စတစ်ခုပါ။ ဒီရလဒ်တွေက ကျွန်တော်တို့ဟာ လူ့သမိုင်းမှာ အလွန်အမင်း ဆင်းရဲမွဲတေမှုကို အဆုံးသတ်နိုင်တဲ့ ပထမဆုံးမျိုးဆက် ဖြစ်တယ်ဆိုတာ ပြသလိုက်တာပါပဲ” ဟု ကမ္ဘာ့ဘဏ်ဥက္ကဌ ကင် ဂျင်မ်ယန်က ပြောကြားခဲ့သည်။
ကမ္ဘာ့ဘဏ်၏ ကိန်ဂဏန်းများအရ ယခုနှစ်တွင် ကမ္ဘာ့တစ်ဝှမ်းမှ လူဦးရေ ၇၀၂ သန်း (၉.၆ ရာခိုင်နှုန်း)မှာ ဆင်းရဲမွဲတေမှု သတ်မှတ်ချက်အောက်တွင် ရှိနေမည်ဖြစ်ပြီး အများစုမှာ ဆဟာရဒေသနိုင်ငံများနှင့် အာရှနိုင်ငံများမှဖြစ်သည်ဟု သိရသည်။ ၂၀၁၂ ခုနှစ်တွင် အလွန်အမင်း ဆင်းရဲမွဲတွေသူများမှာ ၉၀၂ သန်း (၁၃ ရာခိုင်နှုန်း) ရှိခဲ့ပြီး၊ ၁၉၉၉ ခုနှစ်တွင်မူ ၂၉ ရာခိုင်နှုန်းအထိ ရှိခဲ့သည်။
ထိုကဲ့သို့ အလွန်အမင်း ဆင်းရဲမွဲတေမှု လျော့ကျခြင်းမှာ ဖွံ့ဖြိုးဆဲနိုင်ငံများတွင် စီပွားရေးတိုးတက်မှု အရှိန်ရလာခြင်း၏ ရလဒ်ကြောင့်နှင့် ကျန်းမာရေးနှင့် ပညာရေးတို့တွင် ရင်းနှီးမြှုပ်နှံမှုများ မြင့်တက်လာခြင်းကြောင့် ဖြစ်သည်ဟု ကင်က ပြောကြားခဲ့သည်။ ထို့ပြင် လူမှုလုံခြုံရေးကလည်း သန်းနှင့်ချီသောလူများကို ဆင်းရဲတွင်းထဲသို့ ပြန်ရောက်ခြင်းမှ တားဆီးနိုင်ခဲ့သည်ဟု ဆိုသည်။
ကုသမဂ္ဂ အထွေထွေညီလာခံမှ ချမှတ်သော ၁၅ နှစ်တာ ရည်ရွယ်ချက်များတွင် အလွန်းအမင်း ဆင်းရဲမွဲတွေမှုကို အဆုံးသတ်ရန်လည်း ပါဝင်ပြီး ကမ္ဘာ့ခေါင်းဆောင်များကလည်း အကောင်အထည်ဖော်ရန် ကတိပြုခဲ့ကြသည်။ ထို့ပြင် ဖွံဖြိုးရေး ရန်ပုံငွေကို ဒေါ်လာ ထရီလီယံနှင့်ချီ၍ ကုလက သတ်မှတ်ပေးခဲ့သည်။
ကမ္ဘာ့ဘဏ်ကမူ ၂၀၃၀ ခုနှစ်တွင် ဆင်းရဲမွဲတေမှု အဆုံးသတ်ရေး ရည်မှန်းချက်၌ အဓိက အခက်အခဲများရှိနေသည်ဟုလည်း သတိပေးခဲ့သည်။
“ကမ္ဘာလုံးဆိုင်ရာ ဆင်းရဲမွဲတေမှုဟာ ဆာဟာရနိုင်ငံတွေမှာ သွားစုနေတာ တော်တော်စိုးရိမ်စရာပါပဲ။ တစ်ချို့သော အာဖရိကနိုင်ငံတွေက ဆင်းရဲမွဲတေမှု လျှော့ချရေးမှာ သိသာတဲ့အောင်မြင်မှုတွေ တွေ့နေရပေမယ့် အာဖရိက ဒေသတစ်ခုလုံးကတော့ ဆင်းရဲမွဲတေမှု လျှော့ချရေး ခြေလှမ်းတွေမှာ ကျန်ကမ္ဘာ့နိုင်ငံတွေထက် နှေးကွေးနေပါတယ်” ဟု ကမ္ဘာ့ဘဏ်၏ ကြေညာချက်တွင် ဖော်ပြထားသည်။
အာဖရိကမှ မာဒါစကာနိုင်ငံနှင့် ကွန်ဂိုနိုင်ငံတို့ကို စိုးရိမ်စရာကောင်းသည့် နိုင်ငံများအဖြစ် ထိုကြေငြာချက်တွင် ဖော်ပြထားပြီး အရှေ့အလယ်ပိုင်းနှင့် မြောက်အာဖရိကနိုင်ငံတစ်ချို့မှာ ဆင်းရဲမွဲတေမှုများကြောင့် အချက်အလက်များ မရရှိဟု ဆိုသည်။
Ref: Channelnewsasia
