Author: Ko Lay

မတ် ၂၂၊ ၂၀၁၅
M-Media

– အိန္ဒိယနိုင်ငံ မွမ်ဘိုင်းမြို့ရှိ ခရစ်ယာန်ဘုရားကျောင်းတစ်ခုမှာ ယမန်နေ့က မျက်နှာဖုံးစွပ်လူများ၏ တိုက်ခိုက်မှုကို ခံခဲ့ရပြီး ဟိန္ဒူအများစုရှိရာ အိန္ဒိယတွင် ခရစ်ယာန်ဘုရားကျောင်းများကို ပစ်မှတ်ထား တိုက်ခိုက်မှုများ၏ နောက်ဆုံး တိုက်ခိုက်မှုလည်း ဖြစ်ခဲ့သည်။

လုံခြုံရေးကင်မရာအရ မျက်နှာဖုံးစွပ် အမျိုးသား ၃ ဦးမှာ စနေနေ့နံနက်အစောပိုင်းတွင် ဘုရားကျောင်းအား ခဲဖြင့်ပစ်ပေါက်ခဲ့သည်ကို တွေ့ရှိခဲ့ရသည်။

“လူဆိုးသုံးယောက်က လမ်းဘက်ကနေပြီး ဘုရားကျောင်းရဲ့ဝင်ပေါက်ကို ခဲတွေနဲ့ပစ်ခဲ့ပြီး နောက်ပိုင်းမှာ အဲဒီနေရာကနေ ပြေးသွားခဲ့ကြပါတယ်။ ဆက်လက်စုံစမ်းမေးမြန်းဖို့အတွက် ဒီအမှုကို လက်ခံထားပါတယ်” ဟု မွမ်ဘိုင်းမြို့ အကြီးတန်း ရဲအရာရှိ ဆူရ်ယာဗန်ရှီက The Times of Inida သို့ ပြောကြားခဲ့သည်။ သို့သော်လည်း ဖမ်းဆီးမှုများ ပြုလုပ်ရခြင်း မရှိသေးဟု ၎င်းက ဆိုသည်။

ဟိန္ဒိူ အမျိုးသားရေးပါတီ BJP အာဏာရပြီးနောက်ပိုင်း အိန္ဒိယတွင် ဘာသာရေးလူနည်းစုများအား တိုက်ခိုက်မှုများ မြင့်တက်လာခဲ့ပြီး ပြီးခဲ့သည့် သီတင်းပတ်များအတွက် ခရစ်ယာန်ဘာသာဝင်များနှင့် ဘုရားကျောင်းများကို ပစ်မှတ်ထား တိုက်ခိုက်မှုများမှ ဆက်တိုက်ဆိုသလို ဖြစ်လာခဲ့သည်။

ပြီးခဲ့သည့်သီတင်းပတ်ကလည်း နိုင်ငံအရှေ့ပိုင်း အနောက်ဘန်ဂေါလ်ပြည်နယ်ရှိ ခရစ်ယာန်သီလရှင်ကျောင်းတစ်ခုကို လူတစ်စုက ၀င်ရောက်လုယက်ခဲ့ပြီး သက်ကြီးရွယ်အို သီလရှင်တစ်ဦးကိုလည်း အဓမ္မပြုကျင့်ခဲ့ကြသည်။

ခရစ်ယာန်ဘုန်းတော်ကြီးများနှင့် အခြားသော ခရစ်ယာန်ခေါင်းဆောင်များကမူ ထိုတိုက်ခိုက်မှုများအတွက်ပြီးခဲ့သည့်နှစ်မေလ မိုဒီဝန်ကြီးချုပ်ဖြစ်ကတည်းက ထကြွလာခဲ့သည့် ဟိန္ဒိယအမျိုးသားရေး သဘောထားတင်းမာသူများအပေါ် ပြစ်တင်ပြောဆိုခဲ့သည်။

ဝန်ကြီးချုပ်ဖြစ်လာပြီးနောက်ပိုင်း ဖြစ်ပွားခဲ့သည့် ဟိန္ဒိူအမျိုးသားရေး ၀ါဒီများက လူနည်းစုများအပေါ် ဘာသာရေးအကြမ်းဖက်ခြင်း၊ ခရစ်ယာန်နှင့် မွတ်စလင်များအား ဥပါယ်တံမျဉ်သုံး၍ အစုလိုက်အပြုံလိုက် ဟိန္ဒူဘာသာအတွင်းသို့ သွတ်သွင်းခြင်းတို့နှင့် ပတ်သက်၍ နှုတ်ဆိတ်နေမှုအတွက် မိုဒီမှာ ဝေဖန်ခံနေရသူလည်း ဖြစ်သည်။

အိန္ဒိယ၏ သန်းပေါင်း ၁၂၀၀ ကျော်သော လူဦးရေတွင် ဟိန္ဒိူဘာသာ ကိုးကွယ်ကြသူများမှာ ၈၀ ရာခိုင်နှုန်းရှိပြီး ဗုဒ္ဓဘာသာ၊ ခရစ်ယာန်နှင့် အစ္စလာမ်သာသာတို့ကို ယုံကြည်ကိုးကွယ်သည့်သူများမှာလည်း ထုနှင့်ထည်နှင့် ရှိနေသည်။

Ref: Alarabiya