Tag: Afghanistan

အောက်တိုဘာ ၁၊ ၂၀၁၆
M-Media

– အာဖဂန်အရှေ့ပိုင်း နန်ဂါဟာမြို့တွင် IS စစ်သွေးကြွများကို ပစ်မှတ်ထားသည်ဆိုသည့် အမေရိကန်၏ လေကြောင်းတိုက်ခိုက်မှုတစ်ခုကြောင့် အရပ်သား ၁၅ ဦးထက်မနည်း သေဆုံးခဲ့မှုကို ကုလသမဂ္ဂက ရှုတ်ချလိုက်သည်။

ထိုတိုက်ခိုက်မှုကို အမေရိကန်က ကိုင်တွယ်ထိန်းချုပ်သော နိုင်ငံတကာ ဒရုန်းလေယာဉ်ဖြင့် ပြုလုပ်ခဲ့ခြင်းဖြစ်ပြီး ကလေးတစ်ယောက်အပါအ၀င် အခြား ၁၃ ဦးမှာလည်း ထိခိုက်ဒဏ်ရာများ ရရှိခဲ့သည်။

အာဖဂန်နစ္စတန်ရှိ ကုလသမဂ္ဂအကူအညီပေးရေးကိုယ်စားလှယ်အဖွဲ့ (UNAMA) က အရပ်သားများ သေဆုံးခဲ့သည့် ထိုတိုက်ခိုက်မှုအပေါ် ဝေဖန်ရှုတ်ချလိုက်ပြီး အာဖဂန်အစိုးရအား အဆိုပါတိုက်ခိုက်မှုနှင့်ပက်သက်၍ လွပ်လပ်၍သီးခြားဖြစ်သော၊ အမှီအခိုကင်းသော၊ ပွင့်လင်းမြင်သာသော၊ ထိရောက်သော စုံစမ်းစစ်ဆေးမှုပြုလုပ်ရန်လည်း တောင်းဆိုခဲ့သည်။

အဆိုပါလေကြောင်း တိုက်ခိုက်မှုသည် ပါကစ္စတန်နှင့်ထိစပ်နေသည့် အရှေ့ဘက်နယ်စပ်ပေါ်ရှိ နန်ဂါဟာပြည်နယ် အာချင်ခရိုင်တွင် ဗုဒ္ဓဟူးနေ့မနက် အစောပိုင်းက ဖြစ်ပွားခဲ့ခြင်း ဖြစ်သည်။

ဒေသခံများက မက္ကာသို့ ဟဂ်ျပြုရန် သွားရောက်ခဲ့သည့် မျိုးနွယ်စုခေါင်းဆောင်တစ်ဦး ပြန်လည်ရောက်ရှိလာသည့် အခမ်းအနား ကျင်းပရန် ရွာတစ်ရွာတွင် စုဝေးနေကြပြီး လေကြောင်းတိုက်ခိုက်မှုဖြစ်ပွားချိန်၌ ပြည်သူများမှာ အကြီးအကဲ၏ ဧည့်ဆောင်တွင် အိပ်ပျော်နေခဲ့ကြသည်။

“ဒရုန်းက ဒီအိမ်ကို ပစ်မှတ်ထားခဲ့တာပါ” ဟု အာဂျင်ခရိုင် ရဲတပ်ဖွဲ့အကြီးအကဲ မိုဟာမက်အလီက ပြောကြားခဲ့ပြီး သေဆုံး ဒဏ်ရာရရသူများတွင် ကျောင်းသားများနှင့် ဆရာတစ်ဦးလည်း ပါဝင်သည်ဟု ဆိုသည်။

Ref : Rt

စက်တင်ဘာ ၂၃၊ ၂၀၁၆
M-Media

– ကာလကြာရှည်စွာ ညှိနှိုင်းဆွေးနွေးပြီးနောက် အာဖဂန်နစ္စတန်အစိုးရမှာ စစ်သွေးကြွအဖွဲ့တစ်ခုနှင့် ငြိမ်းချမ်းရေး သဘောတူညီချက်ကို ယမန်နေ့က လက်မှတ်ရေးထိုးခဲ့ပြီး သမိုင်းဝင် ငြိမ်းချမ်းရေးဆောင်ရွက်မှုလည်း ဖြစ်ခဲ့သည်။

တာလီဘန်အဖွဲ့ပြီးနောက် နိုင်ငံတွင် ဒုတိယအကြီးဆုံး စစ်သွေးကြွအုပ်စုဖြစ်သော Hizb-i-Islami အဖွဲ့နှင့် ငြိမ်းချမ်းရေး သဘောတူညီခဲ့ခြင်းဖြစ်ပြီး အဖွဲ့ခေါင်းဆောင် ဂူလ်ဘူဒင် ဟက်မတ္တယာကို နိုင်ငံရေးလောကထဲသို့ ၀င်ရောက်လာစေရန် လမ်းဖွင့်ပေးလိုက်ခြင်းလည်း ဖြစ်သည်။

“အာဖဂန်အစိုးရရဲ့ High Peace Concil (HPC) နဲ့ Hizb-i-Islami အုပ်စုကြား ၂ နှစ်ကြာ ဆွေးနွေးညှိနှိုင်းပြီးမှ ကျွန်မတို့ အခုလို သဘောတူညီမှု ရယူနိုင်ခဲ့တာ ဖြစ်ပါတယ်။ ငြိမ်းချမ်းရေး ညှိနှိုင်းဆွေးနွေးတွေအားလုံး အောင်မြင်စွာ ပြီးဆုံးသွားပါပြီ” ဟု HPC ဒုတိယအကြီးအကဲ ဟာဘီဘာ ဆိုရာဘီက ကဘူးလ်မြို့တွင် ယမန်နေ့ကပြုလုပ်သည့် လက်မှတ်ရေးထိုးပွဲ အခမ်းအနား၌ ပြောကြားခဲ့သည်။

အဆိုပါစာချုပ်ကို လုပ်ထုံးလုပ်နည်းအတိုင်း အာဖဂန်သမ္မတ အက်ရှရက်ဖ် ဂါနီနှင့် အသက် ၆၉ နှစ်အရွယ် ဂူလ်ဘူဒင် ဟက်မတ္တယာတို့က လက်မှတ်ရေးထိုးရမည် ဖြစ်သည်။ ယင်းကဲ့သို့ဆောင်ရွက်ရန် အစိုးရဘက်ကသော်လည်းကောင်း၊ လက်နက်ကိုင်အဖွဲ့ဘက်ကသော်လည်းကောင်း အချိန်စာရင်း ထုတ်ပြန်ခြင်း မရှိသေးချေ။

၁၉၈၀ ပြည့်နှစ်များက ဆိုဗီယက်၏ ကျူးကျော်မှုကို အာဖန်က ပျောက်ကြားစစ်ဖြင့် တိုက်ခိုက်ရာတွင် တပ်မှူးဖြစ်ခဲ့သော ဂူလ်ဘူဒင် ဟက်မတ္တယာမှာ ၁၉၉၂ ခုနှစ်မှ ၁၉၉၆ ခုနှစ်အထိ ဖြစ်ပွားခဲ့သည့် ပြည်တွင်းစစ်အတွင်း ကဘူးလ်မြို့၌ လူထောင်ပေါင်းများစွာ သေဆုံးစေခဲ့သော စစ်သွေးကြွအဖွဲ့တစ်ခုကို ဦးဆောင်ခဲ့သည်ဟု စွပ်စွဲခံခဲ့ရသည်။

ထို့နာက် ၂၀၀၁ ခုနှစ် World Trade Center အား တာလီဘန်တို့ အကြမ်းဖက်မှုနောက်ပိုင်းအလ်ကိုင်းဒါး၊ တာလီဘန်တို့နှင့် အဆက်အသွယ်ရှိသည်ဟုဆိုကာ ဂူလ်ဘူဒင် ဟက်မတ္တယာကို အမေရိကန်က အကြမ်းဖက်သမားအဖြစ် သတ်မှတ်ခဲ့သောကြာင့် ၎င်းမှာ တိမ်းရှောင်နေခဲ့ရသည်။

ယခုကဲ့သို့ ဂူလ်ဘူဒင် ဟက်မတ္တယာ ဦးဆောင်သည့် စစ်သွေးကြွအဖွဲ့နှင့် ငြိမ်းချမ်းရေး ရယူနိုင်မှုမှာ အာဖဂန်အစိုးရ၏ အောင်မြင်မှုတစ်ခုလည်းဖြစ်ပြီး ၎င်းတို့ထက်ပို၍ အင်အားတောင့်တင်းသည့် တာလီဘန်တိုနှင့် ငြိမ်းချမ်းရေးဆွေးနွေးပွဲများ ပြန်လည်ရှင်သန်လာရန် မျှော်လင့်ချက် ရှိလာပြီဖြစ်သည်။

Ref : Presstv

သြဂုတ် ၂၈၊ ၂၀၁၆
M-Media

– အာဖဂန်နစ္စတန်တောင်ပိုင်း ဟဲလ်မန်းပြည်နယ်တွင် အမေရိကန်က ဒရုန်းလေယာဉ်ဖြင့် တိုက်ခိုက်မှုကြောင့် တာလီဘန်စစ်သွေးကြွများ ဖမ်းဆီးထားသည့် အာဖဂန်စစ်သား ၂၂ ဦး သေဆုံးခဲ့သည်ဟု သိရသည်။

သေဆုံးမှုစာရင်းကို ပြည်နယ်အာဏာပိုင်များ ယမန်နေ့တွင် ကြေငြာခဲ့ခြင်းဖြစ်သည်။ ကြာသပတေးနေ့က ပြုလုပ်ခဲ့သည့် အဆိုပါ တိုက်ခိုက်မှုအတွင်း နာဒေအလီခရိုင်တွင် တာလီဘန်အဖွဲ့ဝင်သုံးဦး သေဆုံးခဲ့ကြောင်း တာလီဘန်က အတည်ပြုခဲ့သည်။

ဟဲလ်မန်းပြည်နယ်မှာ အာဖဂန်အစိုးရနှင့် တာလီဘန်စစ်သွေးကြွများအတွက်ပါ မဟာဗျူဟာမြောက် အရေးပါသည့် ပြည်နယ်ဖြစ်ပြီး တာလီဘန်များက ဘိန်းပေါသည့် ယင်းဒေသရှိ ခရိုင် ၁၄ ခုအနက် ၁၀ ခုကို ထိန်းချုပ်ထားဆဲဖြစ်သည်။

ယမန်နေ့ကလည်း တာလီဘန်များမှာ နိုင်ငံအရှေ့ပိုင်း ပက်တီယာပြည်နယ်ရှိ မဟာဗျူဟာကျသော ခရိုင်တစ်ခုကို သိမ်းပိုက်ခဲ့ပြီး အခြားသော ပြည်နယ်များကိုလည်း ဆက်လက်သိမ်းပိုက်သွားရန် အစီအစဉ်ရှိနေသည်။ ခရိုင် ၈ ခု လမ်းဆုံတွင် တည်ရှိသည့် ဂျနီးခဲလ်ခရိုင်ကို ငါးရက်တာဝိုင်းထားပြီးနောက် စစ်သွေးကြွများက သိမ်းဆည်းရာတွင် ရဲနှင့် စစ်သားများစွာ သေဆုံးခဲ့ကြောင်း တာဝန်ရှိသူများက ပြောကြားခဲ့သည်။

တာလီဘန်များမှာ ခေါင်းဆောင်ဟောင်း မွလ္လာ အခ်တာရန် မန်ဆူရ် သေဆုံးခဲ့ပြီးနောက် ခေါင်းဆောင်သစ်လက်အောက်တွင် ပြန်လည်စုစည်းကာ အာဖဂန်နစ္စတန်တစ်ဝှမ်း တိုက်ခိုက်မှုများကို အရှိန်မြှင့် လုပ်ဆောင်လာခဲ့သည်။

ကုလသမဂ္ဂ၏ အာဖဂန်နစ္စတန် ကူညီရေးအဖွဲ့ UNAMA က ယခုနှစ်အစမှ နှစ်ဝက်အထိ အာဖဂန်တွင် တိုက်ခိုက်မှုများကြောင့် သေဆုံးခဲ့သည့် အရပ်သားအရေအတွက်မှာ ၁၆၀၁ ဦးရှိနေပြီး ဒဏ်ရာရရှိသူ ၃၅၆၅ ဦး ရှိသည်ဟု ထုတ်ပြန်ခဲ့သည်။

Ref : Presstv