အောက်တိုဘာ ၂၉၊ ၂၀၁၅
M-Media
– ဆယ်စုနှစ် ၂ ခုကျော်ကြာ အသက်ဝင်ခဲ့သည့် တစ်အိမ်ထောင် ကလေးတစ်ယောက်ပေါ်လစီကို ဖျက်သိမ်းရန် တရုတ်ကွန်မြူနစ်ပါတီက ဆုံးဖြတ်ခဲ့ပြီး ယခုအခါ ဇနီးမောင်နှံများအနေဖြင့် ကလေး ၂ ဦးစီ ယူခွင့်ရှိတော့မည်ဟု တရုတ်နိုင်ငံပိုင် Xhinhua သတင်းဌာနက ဖော်ပြလိုက်သည်။
နောက်ထပ် ၅ နှစ်တာကာလအတွင်း နိုင်ငံ၏ အခြေအနေအရပ်ရပ်နှင့် ပတ်သက်၍ ၄ ရက်ကြာ အစည်းအဝေးများ ပြုလုပ်ခဲ့ပြီးနောက် ကွန်မြူနစ်ပါတီက ယနေ့တွင် ထုတ်ပြန်သော အမိန့်ပြန်တမ်းတွင် ထိုပေါ်လစီအား ဖျက်သိမ်းကြောင်း ဖော်ပြထားခြင်းဖြစ်သည်။
လူဦးရေပေါက်ကွဲမှုကို ထိန်းချုပ်ရန်နှင့် ရေအပါအ၀င် အခြားသော ရင်းမြစ်များ တောင်းဆိုမှုကို ကန့်သတ်ရန်အတွက် တရုတ်မှာ အဆိုပါ ကလေးတစ်ယောက်ပေါ်လစီကို ၁၉၈၀ ခုနှစ်က စတင်ခဲ့ခြင်းဖြစ်သည်။ ထိုပေါ်လစီအတွက် အငြင်းပွားမှုများ ရှိနေသော်လည်း တရုတ်အာဏာပိုင်များကမူ ၎င်းတို့၏ ထိုဆောင်ရွက်မှုက နိုင်ငံစီးပွားရေး အလွန်အမင်းတိုးတက်လာမှု၏ အဓိက အကြောင်းအရင်းဖြစ်သည်ဟု ပြောကြားခဲ့သည်။
ထိုပေါ်လစီကို ဆယ်စုနှစ် ၂ ခုကျော်ကြာ ကျင့်သုံးခဲ့ခြင်းကြာင့် ကမ္ဘာ့ လူဦးရေအများဆုံး တရုတ်နိုင်ငံတွင် ယခုအခါ အသက်အရွယ်ကြီးရင့်သူ များပြားလာခြင်း၊ အမျိုးသား၊ အမျိုးသမီးအရေအတွက် ကွာခြားချက်ကြီးမားခြင်းနှင့် အလုပ်လုပ်နိုင်သည့် လူဦးရေ ကြုံ့လာခြင်း စသည့် ပြဿနာများကို ခံစားနေရသည်။
၂၀၁၃ ခုနှစ်တွင် ကလေးတစ်ယောက် ပေါ်လစီအား တရုတ်အစိုးရက ဖြေလျော့မှုတစ်ချို့ ပြုလုပ်ခဲ့ပြီး အချို့မြို့ပြဒေသများတွင် တစ်အိမ်ထောင် ကလေးနှစ်ယောက်ယူခွင့် ပြုခဲ့သော်လည်း ထိုအကျိုးကျေးဇူးကို အများအပြား ခံစားရခြင်းမရှိချေ။
Ref: Aljazeera
