ဧပြီ ၂၊ ၂၀၁၆
M-Media
– ပရီးမီးယားလိဂ်ဖလားအား စိန်ခေါ်နိုင်သည်ဆိုသည့် အခြေအနေက မိမိတို့အသင်း၏ အနေအထားကို ပြောင်းလဲပစ်လိုက်ပြီး မိမိတို့မှာ ဒုတိယနေရာဖြင့် ကျေနပ်နိုင်မည်မဟုတ်ဟု စပါးကစားသမား အဲရစ်ဒီယာရ်က ပြောကြားလိုက်သည်။
ပိုချက်တီနို၏ စပါးအသင်းမှာ ရာသီအစက ထိပ်ဆုံး ၄ သင်းစာရင်းဝင်ရန်သာ ရည်မှန်းခဲ့သော်လည်း ယခုတွင် လက်စတာ၏နောက် ဒုတိယနေရာတွင် ရှိနေကာ ၁၉၆၁ ခုနှစ်နောက်ပိုင်း အင်္ဂလိပ်အမှတ်ပေးဖလားကို ပထမဆုံးရရှိနိုင်မည့် အခြေအနေနှင့် နီးစပ်လာခဲ့သည်။
“ကြီးကျယ်တဲ့သီတင်းပတ်အချို့ ပြီးဆုံးသွားပြီးဖြစ်သလို၊ နောက်ထပ် ကြီးကျယ်တဲ့ သီတင်းပတ်တွေလည်း ရောက်လာဖို့ ရှိနေပါတယ်။ ဒီပွဲ (ယခုတစ်ပတ် လီဗာပူးလ်နဲ့ပွဲ) ဟာ ဖောင်ဖျက်ကစားရမယ့် ၇ ပွဲထဲက ပထမဆုံးပွဲပါ။ ကျွန်တော်တို့ ရှေ့ဆက်လျှောက်ဖို့ မျှော်လင့်ထားပြီး၊ တစ်ရာသီလုံး လုပ်ခဲ့သလို တစ်ပွဲချင်းစီသွားမှာပါ။ တော်တော်လေး ခက်ခဲမယ့်ပွဲတစ်ပွဲ ဖြစ်မှာဖြစ်ပြီး ဘယ်သူ့ကိုမှ အားမပေးတဲ့ ပရိတ်သတ်တွေအတွက်လည်း ပွဲကောင်းတစ်ပွဲဖြစ်မှာပါ” ဟု ဒီယာရ်က ပြောကြားခဲ့သည်။
ထို့ပြင် ယခုအချိန်တွင် မိမိတို့မှာ ရည်မှန်းချက်ကြီးမားသည့် ကစားသမားအဖွဲ့၊ ရည်မှန်းချက်ကြီးမားသည့် နည်းပြတို့ ရှိနေပြီး စွမ်းဆောင်နိုင်သလောက် အကောင်းဆုံး စွမ်းဆောင်သွားမည်ဟု ထည့်သွင်းပြောကြားခဲ့သည်။
Ref: Goal
