Tag: EU

အောက်တိုဘာ ၂၅၊ ၂၀၁၆
M-Media

– ဒုတိယ၀န်ကြီးများပါဝင်သော အီရန်ကိုယ်စားလှယ်အဖွဲ့မှာ လာမည့် ဒီဇင်ဘာလအတွင်း ဘရပ်ဆဲလ်၌ ဥရောပသမဂ္ဂ တာဝန်ရှိသူများနှင့် တွေ့ဆုံဆွေးနွေးမှုများ ပြုလုပ်ရန် ရှိနေသည်ဟု အီရန်နိုင်ငံခြားရေးဝန်ကြီးဌာနက ပြောကြားလိုက်သည်။

ယမန်နေ့က ပြောကြားခဲ့ခြင်းဖြစ်ပြီး လူ့အခွင့်အရေးကိစ္စပါအ၀င် ကဏ္ဍများစွာအတွက် ဆွေးနွေးသွားမည်ဟု ၀န်ကြီးဌာန ပြောရေးဆိုခွင့်ရှိသူ ဘာဟ်ရမ် ကွာဆီမီက ဆိုသည်။

“ဥရောပနဲ့ ကျွန်တော်တို့ရဲ့ ဆက်ဆံရေးဟာ အခြေခံကျပြီး၊ ကြာညောင်းတဲ့ ဆက်ဆံရေးလည်း ဖြစ်ပါတယ်။ ကျွန်တော်တို့ကြားမှာ ဘုံတူညီမှု အမြောက်အများလည်း ရှိပါတယ်၊ တန်ဖိုးသတ်မှတ်ချက်တွေနဲ့ ဒေသတွင်းအရေးကိစ္စအချို့မှာတော့ ကွဲလွဲမှုတွေ ရှိနိုင်တာပေါ့လေ”

အီရန်နှင့် သရောပသမဂ္ဂတို့မှာ ယခင်ကတည်းက တွေ့ဆုံဆွေးနွေးမှုများ ရှိခဲ့ပြီး ပိတ်ဆို့မှုများရှိခဲ့သော နှစ်များမှလွဲ၍ မိမိတို့နိုင်ငံအနေဖြင့် ဥရောပနိုင်ငံအများစုနှင့် ဆက်ဆံရေးကောင်းကို ထိန်းသိမ်းထားကြောင်း ကွာဆီမီက ထပ်လောင်း ပြောကြားခဲ့သည်။

“ဒီနေ့မှာ ပိတ်ဆို့မှုတွေ ဖယ်ရှားလိုက်မှုနဲ့အတူ မတူညီတဲ့ ကဏ္ဍတွေမှာ နှစ်ဖက်စလုံးက ဆွေးနွေးမှုတွေ ပြလုပ်သွားမှာ ဖြစ်ပါတယ်”

Ref : presstv

အောက်တိုဘာ ၁၇၊ ၂၀၁၅
M-Media

– နျူးကလီးယား အစီအစဉ်နှင့်ပတ်သက်၍ အီရန်အပေါ် ပြုလုပ်ထားသော ပိတ်ဆို့မှုများကို လာမည့် အောက်တိုဘာ ၁၈ ရက် တနင်္ဂနွေနေ့တွင် ဥရောပသမဂ္ဂက ကြေငြာတော့မည်ဟု အနောက်နိုင်ငံများ၏ သံတမန်ရင်းမြစ်များအရ သိရသည်။

အီရန်မှာ ဇူလိုင်လက ကမ္ဘာ့အင်အားကြီးနိုင်ငံများနှင့် ချုပ်ဆိုထားသော နျူအရေးသဘောတူညီချက်တွင် ပါဝင်သော ကတိက၀တ်များကို အပြည့်အ၀ အကောင်အထည်ဖော်မှု ရှိခဲ့သည်ဟု နိုင်ငံတကာ အနုမြူအေဂျင်စီ IAEA က အသိအမှတ်ပြုခဲ့ပြီးနောက်ပိုင်း ဥရောပသမဂ္ဂက ထိုကဲ့သို့ ပိတ်ဆို့မှုများ ဖယ်ရှားရန် ဆုံးဖြတ်ခဲ့ခြင်းဖြစ်ပြီး ယခုနှစ်ကုန်ပိုင်းတွင် အသက်ဝင်လာမည်ဟု ရင်းမြစ်များကဆိုသည်။

အဆိုပါ နျူအရေးသဘောတူညီချက်ကို ပြီးခဲ့သည့် ရက်ပိုင်းအတွင်းက အီရန်ပါလီမန်မှ အတည်ပြုခဲ့ပြီး ထိပ်တန်းပညာရှင်များဖြင့် ဖွဲ့စည်းထားသည့် အီရန် အခြေခံဥပေဒ ထိန်းသိမ်းစောင့်ရှောက်ရေး အဖွဲ့က ထိုအတည်ပြုချက်ကို လက်ခံခဲ့သောကြောင့် အီရန်အစိုးရက သဘောတူညီချက်ကို အကောင်အထည် ဖော်တော့မည်ဖြစ်သည်။

အမေရိကန်ကလည်း အီရန်အပေါ် ပြုလုပ်ထားသည့် ပိတ်ဆို့မှုများကို ဖယ်ရှားပေးမည့် ကြေငြာချက်ကို တနင်္ဂနွေနေ့တွင် ကြေငြာရန် ရှိနေသည်။

Ref: Channnelnewsasia