ဇူလိုင် ၃၁ ၊ ၂၀၁၄
M-Media
– ဂါဇာဒေသအား ကျူးကျော်တိုက်ခိုက်နေသည့် အစ္စရေးနိုင်ငံကို အကြမ်းဖက် နိုင်ငံအဖြစ် ဘိုလီဗီးယားသမ္မတ အီဗို မိုရေးလ်စ်က ခေါ်ဝေါ် သမုတ်လိုက်ပြီး အစ္စရေးနှင့် ထားရှိသည့် ဗီဇာကင်းလွတ်ခွင့်ကိုလည်း ပယ်ဖျက်ခဲ့သည်ဟု သိရသည်။
“၀မ်းနည်းစရာကောင်းတာက အစ္စရေးဟာ နိုင်ငံတကာ သဘောတူညီချက်တွေနဲ့ လူ့အခွင့်အရေးတွေကို လေးစားလိုက်နာမှုမရှိပါဘူး” ဟု ယမန်နေ့က ပြုလုပ်ခဲ့သော ကတ်ဘိနက် အစည်းအဝေးတွင်း မိုရေးလ်စ်က ကြေားခဲ့သည်။ ထို့အပြင် အစ္စရေးနိုင်ငံအား “တတိယတန်းစား” စာရင်းထဲတွင် ထည့်သွင်းခဲ့သည်။ ထိုစာရင်းမှာ အကြမ်းဖက်နိုင်ငံများအား ထည့်သွင်းထားသည့် စာရင်းလည်းဖြစ်သည်။
ထို့ပြင် နှစ်ပေါင်း ၄၀ ကြာရှိနေသည့် အစ္စရေးနိုင်ငံသားများ ဘိုလီဗီးယားနိုင်ငံအတွင်းသို့ ဗီဇာမလိုဘဲ ၀င်ရောက်ခွင့်ကိုလည်း ဖျက်သိမ်းကြောင်း ကြေညာခဲ့သည်။
“၁၉၇၂ ခုနှစ် သြဂုတ်လ ၁၇ ရက်ကတည်းက အစ္စရေးနဲ့ သဘောတူညီခဲ့တဲ့ ဗီဇာကင်းလွတ်ခွင့်ကိုဖျက်သိမ်းဖို့ ကျွန်တော်တို့ ခိုင်မာတဲ့ ဆုံးဖြတ်ချက် ချခဲ့ပါတယ်။ ဒီဗီဇာကင်းလွတ်ခွင့် သဘောတူညီချက်ကို ဘိုလီဗီးယား အာဏာရှင် လက်ထက်က သဘောတူညီခဲ့တာဖြစ်ပြီး အစ္စရေးနိုင်ငံသားတွေဟာ ဗီဇာမလိုဘဲ ဘိုလီဗီးယားထဲကို လွတ်လွတ်လပ်လပ် ၀င်ခွင့်ရခဲ့ပါတယ်” ဟု မိုရေးစ်လ်က ပြောကြားခဲ့သည်။
၂၀၀၉ ခုနှစ်က ဂါဇာကမ်းမြှောင်သို့ အစ္စရေးက ကျူးကျော်တိုက်ခိုက်စဉ်ကလည်း မိုးရေးလ်စ်အစိုးရမှာ အစ္စရေးနှင့် သံတမန်အဆက်အသွယ်ဖြတ်ခဲ့ပြီး အစ္စရေး၏ ထိုလုပ်ရပ်အား လူမျိုးတုန်းသတ်ဖြတ်မှုဟု ပြောကြားခဲ့သည်။
ibTimes
