Tag: Liverpool

ဒီဇင်ဘာ ၂၊ ၂၀၁၅
M-Media

– အသင်းသို့ ရောက်ရှိလာသည့် နည်းပြသစ် ဂျာဂန်ကလော့ပ်က မိမိအား ယုံကြည်မှုရှိစေခဲ့သည်ဟု လီဗာပူးလ်နောက်ခံလူ နသန်နီယဲလ် ကလိုင်းက ပြောကြားလိုက်သည်။

အသက် ၂၄ နှစ်အရွယ်ကလိုင်းမှာ ပြီးခဲ့သည့် နွေရာသီက ဆောက်သက်တမ်အသင်းမှ ပြောင်းရွှေ့လာခဲ့ခြင်းဖြစ်ပြီး ပရီးမီးယားလိဂ် ၁၄ ပွဲစလုံးတွင် ပါဝင်ကစားခွင့် ရထားသည်။ ကလိုင်းက မိမိမှာ လီဗာပူးလ်သို့ စရောက်သည့်အချိန်က ခြေစွမ်းအကုန်မထုတ်ခဲ့ဟု ဆိုသည်။

“အသင်းသစ်ကို ရောက်တဲ့အချိန်မှာ လျှိုထားတတ်ပြီး အန္တရာယ်တွေကို သိပ်ပြီး မရင်ဆိုင်ချင်ပါဘူး။ ဒါပေမယ့် အခု ကျွန်တော် ပွဲနည်းနည်းကစားထားပြီး စိန်ခေါ်မှုတွေကို ကျွန်တော် ထပ်ပြီး ရင်ဆိုင်နိုင်တော့မှာပါ။ ကျွန်တော် ကွင်းထဲကိုဝင်လာပြီး စွမ်းရည်ပြသနိုင်ပါတယ်။ ဘာ့ကြောင့်လည်းဆိုတော့ ဘောလုံးလွတ်သွားလည်း သူ(ကလော့ပ်)က ယုံကြည်မှု မပျောက်ပါဘူး။ အဲဒါကြောင့် စိုးရိမ်စရာမလိုပါဘူး။ သူက ကျွန်တော့်ရဲ့စွမ်းဆောင်ရည်ကို ပိုပြီး ယုံကြည်မှုရှိလာအောင် ကြိုးစားပေးခဲ့ပါတယ်” ဟု ကလိုင်းက The Guardian သို့ ပြောကြားခဲ့သည်။

Ref: Goal

နိုဝင်ဘာ ၂၁၊ ၂၀၁၅
M-Media

– အသင်းနေဖြင့် လာမည့်နှစ်များတွင် အရည်အသွေးမြင့် ကစားသမားများကို ထိန်းသိမ်းသွားရမည်ဟု လီဗာပူးလ်နည်းပြ ယာဂန်ကလော့ပ်က ပြောကြားလိုက်သည်။

ဆွာရက်ဇ်ကို ထိန်းထားနိုင်ခြင်းမရှိခဲ့သည့် လီဗာပူးလ်မှာ ပြီးခဲ့သည့်နှစ်က ရဟီမ်းစတာလင်ကို မန်စီးတီးသို့ ပေါင် ၄၉ သန်းဖြင့် လက်လွှတ်ခဲ့ရသည်။ ယခုတစ်ပတ်တွင် စတာလင်မှာ လီဗာပူးလ်အသင်းနှင့် ပြန်လည် တွေ့ဆုံရမည်ဖြစ်သည်။

“စတာလင်ရဲ့ ကိစ္စနဲ့ပတ်သက်ပြီး ကျွန်တော် ဘာမှ မသိပါဘူး။ ဒါပေမယ့် အဲဒါမျိုးနဲ့တူညီတဲ့ ဇာတ်လမ်းမျိုးတွေကိုတော့ ကျွန်တော် ကြားဖူးပါတယ်။ ဘယ်ကစားသမားမှ ထွက်မသွားချင်တဲ့ ကလပ်အသင်းဖြစ်လာအောင် ကျွန်တော် ကြိုးစားချင်ပါတယ်။ ဒါမျိုးကို ကျွန်တော်တို့ လုံးဝ လုပ်ရမယ့်အရာပါ။ ပြီးတော့ လုပ်လို့လည်း ရနိုင်ပါတယ်။ သွားရမယ့်ခရီးက ရှည်ပါတယ်။ ဒါပေမယ့် ကျွန်တော်တို့ စလုပ်ရမှာဖြစ်ပြီး ဖြစ်လည်း ဖြစ်လာနိုင်မှာပါ” ဟု ကလော့ပ်က ပြောကြားခဲ့သည်။

Ref: Goal