Tag: north korea

ဒီဇင်ဘာ ၁၁၊ ၂၀၁၅
M-Media

– မြောက်ကိုးရီးယားမှာ နိုင်ငံတော်၏ အချုပ်အခြာအာဏာကို ကာကွယ်ရန် ဟိုက်ဒရိုဂျင်ဗုံးကို ထုတ်လုပ်နိုင်ခဲ့ပြီး နျူးကလီယားဒုံးကျည်ထိပ်ဖူးနှင့်အတူ တပ်ဆင်အသုံးပြုနိုင်ပြီဖြစ်ကြောင်း နိုင်ငံပိုင် သတင်းဌာနက ကြေငြာခဲ့သည်။

“နျူကလီးယား၊ ဟိုက်ဒရိုဂျင်ဗုံးတွေနဲ့ တိုက်ခိုက်ခြင်းအားဖြင့် တိုင်းပြည်ရဲ့ လွတ်လပ်ရေးနဲ့ အမျိုးသားဂုဏ်သိက္ခာကို ကာကွယ်နိုင်စွမ်းရှိတဲ့ နျူအင်အားကြီးနိုင်ငံ ဖြစ်လာအောင် စီစဉ်ဆောင်ရွက်နိုင်ခဲ့ပါပြီ” ဟု မြောက်ကိုးရီးယားခေါင်းဆောင် ကင်ဂျုံအန်၏ ပြောကြားမှုကို ကိုးကား၍ သတင်းဌာနက ဖော်ပြခဲ့သည်။

ထို့ပြင် ကင်ဂျုံအန်က “စစ်ဘက်ဆိုင်ရာစက်မှုလုပ်ငန်းတွေကို တိုးတက်ဖွံဖြိုးအောင် အဆက်မပြတ် လုပ်ဆောင်သွားပါမယ်” ဟု ထည့်သွင်းပြောဆိုခဲ့သည်။ အဆိုပါ ကြေငြာမှုမှာ မြို့တော်ပြုံးယမ်ရှိ စစ်ဘက်ဆိုင်ရာလက်နက် အဆင့်မြှင့်တင်ရေးစက်ရုံသို့ ယမန်နေ့က ကင်ဂျုံအန် သွားရောက်စစ်ဆေးပြီးနောက်ပိုင်း ထွက်ပေါ်လာခြင်းလည်းဖြစ်သည်။

သို့သော်လည်း လက်ရှိအချိန်အထိ မြောက်ကိုးရီးယားသည် ဟိုက်ဒရိုဂျင်ဗုံးတီထွင်ပြုလုပ်နိုင်ကြောင်း အတည်မပြုနိုင်သေးပေ။တောင်ကိုးရီးယား ကျွမ်းကျင်ပညာရှင်များကမူ မြောက်ကိုးရီးယားမှာ ဟိုက်ဒရိုဂျင်ဗုံး တီထွင်ပြုလုပ်နိုင်လောက်သည့် သိပ္ပံဆိုင်ရာ အသိပညာ လုံလုံလောက်လောက် မရှိနိုင်သေးသည့်အတွက် ယင်းကိစ္စမှာ မဖြစ်နိုင်ဟု ပြောကြားခဲ့သည်။

“နျူးကလီးယားဗုံး အသေးစား ထုတ်လုပ်မှုကိုတောင် မအောင်မြင်သေးတဲ့ မြောက်ကိုးရီးယားမှာ ဟိုက်ဒရိုဂျင်ဗုံးထုတ်နိုင်တဲ့ နည်းပညာရှိတယ်ဆိုတာ ဘယ်လိုမှ မယုံနိုင်ပါဘူး”

၂၀၀၅ ခုနှစ် ဖေဖော်ဝါရီ ၁၀ ရက်တွင် မြောက်ကိုးရီးယားသည် နျူးကလီးယားလက်နက်များ ဖန်တီးနိုင်ပြီ ဖြစ်ကြောင်း ကြေညာခဲ့သည်။ ၎င်းကြေညာချက်ကို နိုင်ငံတကာအဖွဲ့အစည်းများက အပြင်းအထန်ရှုံ့ချခဲ့သည်။ မြောက်ကိုးရီးယားသည် နျူးကလီးယား မြေအောက်စမ်းသပ်မှုများ ပြုလုပ်နေသည်မှာ ၂၀၀၆၊ ၂၀၀၉၊ ၂၀၁၃ ခုနှစ်အထိ သုံးကြိမ်ရှိပြီ ဖြစ်သည်။

Ref: RT

ဒီဇင်ဘာ ၄၊ ၂၀၁၅
M-Media

– မြောက်ကိုးရီးယားမှာ နိုင်ငံ၏အရှေ့ဘက်ကမ်းရိုးတန်းတွင် နျူကလီးယား စမ်းသပ်ရန်အတွက် တူးမြောင်းအသစ်တစ်ခု စတင်ဖောက်လုပ်နေသည်ဟု အမေရိကန်စောင့်ကြည့်လေ့လာရေးစင်တာက ပြောကြားလိုက်သည်။

အောက်တိုဘာလနှင့် နိုဝင်ဘာအစောပိုင်းတို့တွင် ရိုက်ကူးထားသည့် ဂြိုဟ်တုဓာတ်ပုံများအရ ပွန်ဂျီရဲ စမ်းသပ်ရေးလုပ်ငန်းခွင်တွင် သိသာထင်ရှားသော ဆောက်လုပ်ရေးလုပ်ငန်းများကို ဧပြီလကတည်းကလုပ်ကိုင်နေကြောင်း ဂျွန်ဟော့ကင်း တက္ကသိုလ်မှ လွှင့်တင်ထားသော ၀ဘ်ဆိုက်တွင် ဖော်ပြထားသည်။

အဆိုပါလုပ်ငန်းခွင်မှာ ယခင်က နျူကလီးယားစမ်းသပ်မှု သုံးခုစလုံး ဆောင်ရွက်ခဲ့သောနေရာဖြစ်သည်။ သို့သော် အသစ်ရရှိသောသတင်းများအရ လောလောဆယ် စမ်းသပ်မည့် အရိပ်အယောင်မတွေ့ရသေးဟု ဆိုသည်။

ပြုံယမ်းသည် နူးကလီးယားစမ်းသပ်မှုများ ပြုလုပ်ရန်နှင့် ဂြိုဟ်ပတ်လမ်းကြောင်းထဲသို့ ဂြိုဟ်တုတစ်စင်းလွှတ်တင်ရန် သန္နိဌာန်ချထားပြီးဖြစ်သည်။ အဆိုပါစမ်းသပ်မှုများသည် ရန်သူ့ခြိမ်းခြောက်မှုများနှင့် ရင်ဆိုင်ရသည့်အချိန်တွင် ကာကွယ်ရေးစွမ်းအင်များ မြှင့်တင်ထားရန် ရည်ရွယ်သည်ဟု မြောက်ကိုးရီးယားက ပြောကြားခဲ့သည်။

မြောက်ကိုးရီးယား အက်တမ်စွမ်းအင်တက္ကသိုလ်က မိမိတို့နိုင်ငံသည် အချိန်မရွေးအသုံးပြုနိုင်သည့် နျူကလီးယားလက်နက်များ ရှိသည့်အတွက် အမေရိကန်၏ ရန်ရှာမှုကို နိုင်နိုင်နင်းနင်း ကိုင်တွယ်ရန် အဆင်သင့်ရှိနေပြီဖြစ်ကြောင်း ပြောကြားလိုက်သည်။

မြောက်ကိုရီးယား၏ နျူကလီးယားစမ်းသပ်မှုများနှင့် တိုက်ချင်းပစ်ဒုံးကျည်များ စမ်းသပ်ပစ်လွှတ်မှုကို အနောက်နိုင်ငံများက နျူကလီးယား ထပ်ဖူးတပ်ဆင် အသုံးပြုရန် ဆောင်ရွက်ခြင်းဖြစ်သည်ဟု ယူဆထားပြီး ကုလကလည်း ပိတ်ဆို့မှုများ ပြုလုပ်ထားသည်။

Ref: Press TV

နိုဝင်ဘာ ၁၆၊ ၂၀၁၅
M-Media

– ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်မှာ ယခုသီတင်းပတ်အတွင်း မြောက်ကိုရီးယားသို့ သွားရောက်မည်ဟု တောင်ကိုရီးယားရှိ Yonhap သတင်းဌာနက ဖော်ပြခဲ့သည်။

တောင်ကိုရီးယား နိုင်ငံသားတစ်ဦးဖြစ်သော ဘန်မှာ ယခုနှစ် အစောပိုင်းကတည်းက ပြုံးယမ်သို့ သွားရောက်ရန် စီစဉ်ထားသော်လည်း မြောက်ကိုရီးယားက နောက်ဆုံးအချိန်မှ အကြောင်းပြချက်မရှိဘဲ ခရီးစဉ်အား သဘောတူထားမှုကို ရုပ်သိမ်းခဲ့သည်။

ယခုသွားရောက်မှုမှာ ကိုရီးယားကျွန်းဆွယ်အတွင်း ရှိနေသည့် ပြဿနာများကို ဖြေရှင်းရေး သိသာသည့် လမ်းကြောင်းတစ်ခုကို ပေးရန်ဖြစ်သော်လည်း ဘန်ကီမွန်မှာ မြောက်ကိုရီးယားခေါင်းဆောင် ကင်ဂျုံအန်နှင့် တွေ့ဆုံရန် မဖြစ်နိုင်ဟု ရင်းမြစ်တစ်ခုက Yonhap သတင်းဌာနသို့ ပြောကြားခဲ့သည်။

ကုလ၏ စုံစမ်စစ်ဆေးမှုများအရ မြောက်ကိုရီးယားနိုင်ငံ၌ နာဇီတို့၏ ရက်စက်ကြမ်းကြုတ်မှုများနှင့် နှိုင်းယှဉ်၍ရသည့် ကျူးလွန်မှုများကြောင့် မြောက်ကိုရီးယားအား နိုင်ငံတကာ ရာဇ၀တ်ခုံရုံးသို့ လွှဲပြောင်း တရားစွဲဆိုရေးအတွက် ပြီးခဲ့သည့်နှစ် ဒီဇင်ဘာက ပြုလုပ်ခဲ့သည့် ကုလ၏ အထွေထွေညီလာခံတွင် လုံခြုံရေးကောင်စီအား တိုက်တွန်းခဲ့သည်။

Ref: Channelnewsasia

နိုဝင်ဘာ ၁၅၊ ၂၀၁၅
M-Media

– မြောက်ကိုရီးယားနိုင်ငံမှာ ၎င်းတို့၏ အရှေ့ဘက်ကမ်းရိုးတန်းကို သင်္ဘောမမောင်းရဇုန်အဖြစ် သတ်မှတ်လိုက်ပြီး ထိုသို့သတ်မှတ်ခြင်းက ဒုံးကျည် စမ်းသပ်ပစ်လွှတ်ရန်အတွက် ပြင်ဆင်ခြင်း ဖြစ်နိုင်သည်ဟု တောင်ကိုရီးယားသတင်းဌာန Yonhap က ယနေ့တွင် ဖော်ပြခဲ့သည်။

မြောက်ကိုရီးယားခေါင်းဆောင် ကင်ဂျုံအန်နှင့် ၎င်း၏မိသားစု နေထိုင်သော ၀မ်ဆန်မြို့အနီးရှိ ကမ်းရိုးတန်းကို ထိုကဲ့သို့ သင်္ဘောမမောင်းရ ဇုန်အဖြစ် နိုဝင်ဘာ ၁၁ ရက်နေ့မှ ဒီဇင်ဘာ ၇ ရက်နေ့အထိ သတ်မှတ်လိုက်ခြင်းဖြစ်ပြီး တောင်ကိုရီးယားအစိုးရ ရင်းမြစ်တစ်ခုကမူ မိမိတို့မှာ မြောက်ကိုရီးယားက စကဒ်ဒုံးကျည်၊ သို့မဟုတ် တိုက်ချင်းပစ် ဒုံးကျည် မော်ဒယ်အသစ် ပစ်လွှတ်မည်လားဆိုသည်ကို စောင့်ကြည့်နေကြောင်း ပြောကြားခဲ့သည်။

မြောက်ကိုရီးယားက ပိုင်ဆိုင်သော စကဒ်ဒုံးကျည်မှာ ဆိုဗီယက်က ထုတ်လုပ်ခဲ့သည့် တာတိုပစ် ဒုံးကျည်ဖြစ်သည်။ ယခင်က တိုက်ချင်းပစ်ဒုံးကျည်များ ပစ်လွှတ်မှုနှင့် နျူကလီးယား စမ်းသပ်မှုများကြောင့် မြောက်ကိုရီးယားကို ကုလက ပိတ်ဆို့မှုများ ပြုလုပ်ထားသည်။

Ref: Reuters