Tag: PremierLeague

မတ် ၂၁ ၊ ၂၀၁၄
M-Media

– အာဆင်နယ်အသင်း၏ သက်တော်ရှည် နည်းပြ အာဆင်ဝင်းဂါးက ၎င်းအနေဖြင့် ကလပ်အသင်းနှင့် စာချုပ်သက်တမ်းတိုးရန် ဆန္ဒရှိသည်ဟု အတည်ပြုခဲ့ပြီး၊ အသင်းတွင် တတ်နိုင်သလောက် ဆက်ရှိချင်သည်ဟု ပြောကြားခဲ့သည်။

ယခုနှစ်ကုန်တွင် အဆင်နယ်အသင်းနှင့် စာချုပ်သက်တမ်းကုန်ဆုံးတော့မည့် အာဆင်ဝင်းဂါးမှာ ၂ နှစ်သက်တမ်းတိုးရန် ပြီးခဲ့သည့်နှစ် နိုဝင်ဘာလက မူအားဖြင့် သဘောတူခဲ့သည်။ သို့သော်လည်း အာဆင်နယ်အသင်းမှ တစ်နှစ်လစာ ပေါင်တစ်သန်းပေးရန်း ကမ်းလှမ်းမှုကိုမှု ပယ်ချခဲ့သည်။

အာဆင်ဝင်းဂါး အာဆင်နယ်အသင်းအား ကိုင်တွယ်သည့် ပွဲ ၁၀၀၀ ပြည့်မြောက်သည့်အတွက် အသင်းမှ ပြုလုပ်သည့် ဂုဏ်ပြုပွဲတွင် ၀င်းဂါးက အသင်းတွင် ဆက်နေရန် ဆန္ဒရှိသည်ဟု ပြောကြားခဲ့ခြင်းဖြစ်သည်။

“အသင်းမှာ တတ်နိုင်သလောက်နေဖို့ ကျွန်တော် တက်ကြွနေပါတယ်။ ဒါပေမယ့် နောက်လာမယ့်ပွဲ ၁၀၀၀ဟာ ခက်ခဲမယ်ဆိုတာတော့ ကျွန်တော် လက်ခံပါတယ်” ဟု ၀င်းဂါးက ဆိုသည်။

ထို့ပြင် အာဆင်နယ်အသင်းအား ပွဲတစ်ထောင်ပြည့်မြောက်အောင် ကိုင်တွယ်ခွင့်ရသည့်အတွက် ဂုဏ်ယူမိကြောင်း၊ အသင်းမှာ မိမိအား ထောက်ခံခဲ့ပြီး၊ အခွင့်အရေးများလည်း ပေးခဲ့ကြောင်း၊ မိမိမှာလည်း အသင်းအပေါ် သစ္စာရှိမှုအား ပြသခဲ့ကြောင်း ၀င်းဂါးက ထပ်လောင်း ပြောကြားခဲ့သည်။

ဝင်းဂါးမှာ အာဆင်နယ်အသင်းသို့ ၁၉၉၆ ခုနှစ်တွင် စတင်ရောက်ရှိခဲ့ပြီး အာဆင်နယ်အသင်းအား ပရီးမီးယားလိဂ်ဖလားများရရှိအောင် စွမ်းဆောင်ပေးနိုင်ခဲ့ကာ၊ အာဆင်နယ်အသင်းမှာလည်း အင်္ဂလန်နှင့် ဥရောပတစ်ဝှမ်းတွင် လူအများလေးစားသည့် အသင်းတစ်သင်း ဖြစ်လာခဲ့သည်။

သို့သော်လည်း နောက်ဆုံး ၈ နှစ်ဆက်တိုက် ဖလားလက်မဲ့ဖြစ်ခဲ့မှုကြောင့် အာဆင်ဝင်းဂါးမှာ ဝေဖန်မှုများကိုခံနေရပြီး၊ ၀င်းဂါးကိုယ်တိုင်ကလည်း အနာဂတ်နှင့် ပတ်သက်၍ ယခုနှစ် ရလဒ်အပေါ်မူတည်သည်ဟု ရာသီအစက ပြောဆိုခဲ့သည်။
Goal

မတ် ၁၇ ၊ ၂၀၁၄
M-Media

– ယမန်နေ့က ကစားခဲ့သည့် ပရီးမီးယားလိဂ်ပွဲစဉ်တွင် အဝေးကွင်း၌ စပါးအသင်း၏ တိုက်စစ်အား ကြံ့ကြံ့ခံကာ အနိုင်ကစားနိုင်ခဲ့သည့် အသင်း၏စိတ်ဓာတ်အား အာဆင်ဝင်းဂါးက ချီးကျူးခဲ့သည်ဟု သိရသည်။

အာဆင်နယ်အသင်းမှာ ပွဲအစ ၂ မိနစ်မှာပင် အနိုင်ဂိုးရခဲ့ပြီး ရိုစစ္စကီးက သွင်းယူပေးခဲ့ခြင်းဖြစ်သည်။ အာဆင်နယ်အသင်းမှာ ယခုပွဲအနိုင်ကြောင့် ထိပ်ဆုံးမှချယ်ဆီးအသင်းနှင့် ၁ ပွဲလျော့ ၄ မှတ်အကွာဖြင့် တတိယနေရာတွင်ရှိနေကာ ပရီးမီးယားလိဂ်ဖလားအား ပြန်လည်စိန်ခေါ်နိုင်ခဲ့သည်။

လာမည့်သီတင်းပတ်တွင် ချယ်ဆီးအသင်းနှင့် ကစားမည့်ပွဲတွင် အာဆင်နယ်အသင်းအား ကိုင်တွယ်သည့် ပွဲစဉ် ၁၀၀၀ ပြည့်မြောက်မည့် အာဆင်ဝင်းဂါးက

“ဒီပွဲအနိုင်ဟာ လာမည့်ပွဲတွေအတွက် စိတ်ဝင်စားစရာတွေဖြစ်လာပါတယ်။ မန်ယူကို လီဗာပူးလ်က အနိုင်ကစားနိုင်ခဲ့ပြီး မန်စီးတီးကလည်း မနေ့က နိုင်ခဲ့တဲ့အတွက် သိပ်ကို စိတ်ဝင်စားစရာကောင်းသွားပါပြီ။ ” ဟု ၀င်းဂါးကပြောကြားခဲ့သည်။

ထို့ပြင် မိမိတို့အသင်းမှာ စပါးအသင်းအား ကစားပုံအသာမရခဲ့ကြောင်း ၀န်ခံခဲ့ပြီး စပါးအသင်းတိုက်စစ်ကို ကြံ့ကြံ့ခံကာ အနိုင်ကစားနိုင်ခဲ့သည့် အသင်း၏ စိတ်ဓာတ်အား ချီးကျူးပြောကြားခဲ့သည်။
skysports.com

မတ် ၁၇ ၊ ၂၀၁၄
M-Media

– ယမန်နေ့က ကစားခဲ့သည့် ပရီးမီးယားလိဂ်ပွဲစဉ်တွင် လီဗာပူးလ်အသင်းအား ရှုံးနိမ့်ခဲ့ခြင်းမှာ အိပ်မက်ဆိုးတစ်ခုဖြစ်ပြီး မိမိ၏ဘ၀တွင် အဆိုးဝါးဆုံးနေ့ရက်ထဲမှ တစ်ရက်ဖြစ်သည်ဟု မန်ယူတိုက်စစ်မှူး ၀ိန်းရူနီက ပြောကြားခဲ့သည်။

နည်းပြမိုယက်စ်၏ ပထမဆုံးရာသီတွင်ပင် မန်ယူအသင်း၏ အခြေအနေမှာ ဆိုးရွားနေခဲ့ပြီး၊  ယမန်နေ့ကပွဲတွင်လည်း ခါးသီးသောပြိုင်ဘက် လီဗာပူးလ်အသင်းအား ဂိုးပြတ်ခြေပြတ်ဖြင့် ရှက်ဖွယ် ရှုံးနိမ်ခဲ့သည်။

ထိုပွဲတွင် မန်ယူအသင်းမှာ ပင်နယ်တီ ၃ လုံးအထိပေးခဲ့ရပြီး နောက်ခံလူဗီဒစ်မှာလည်း ၂ ၀ါ ၁ နီဖြင့် အထုတ်ခံခဲ့ရသည်။

“ဒါဟာ အိပ်မက်ဆိုးပါ။ ဘောလုံးလောကမှာ ကျွန်တော်ကြုံခဲ့တဲ့ အဆိုးဝါးဆုံးနေ့ရက်တွေထဲက တစ်နေ့ပါပဲ။ လက်ခံဖို့ ခက်ပါတယ်။ ကစားပုံကောင်းတဲ့ လီဗာပူးလ်ကို ချီးကျူးရပါမယ်။  အိမ်ကွင်းမှာ ဒီလိုမျိုး ဘယ်သူမှတော့ မရှုံးချင်ပါဘူး။ ဒါဟာကောင်းတဲ့ အရာမဟုတ်ပါဘူး” ဟု ရူနီက ပြောကြားခဲ့သည်။

မန်ယူအသင်းမှာ ယခုနှစ်ပရီးမီးယားလိဂ်ရာသီတွင် ရှုံးနိမ့်ခဲ့သည့်ပွဲမှာ ၉ ပွဲအထိရှိခဲ့ပြီး ၂၀၀၁-၀၂ နောက်ပိုင်း ပထမဦးဆုံးအကြိမ်ဖြစ်သည်။ ထို့ပြင် ၂၁ အတွင်းအနိမ့်ဆုံးအမှတ်ဖြင့် ရာသီသိမ်းခြင်းမှ ရှောင်ရှားနိုင်ရန်အတွက် ကျန်ရှိနေသည့် ၈ ပွဲစလုံးကို အနိုင်ကစားရန် လိုအပ်နေသည်။

မတ် ၁၇၊ ၂၀၁၄
M-Media

– ပရီးမီးယားလိဂ် ပွဲစဉ် ၃၀ ရဲ့ လက်ကျန် ၂ ပွဲကို ယနေ့မှာ ကစားခဲ့ပြီး မာဟာပြိုင်ဘက်တွေဖြစ်တဲ့ လီဗာပူးလ်နဲ့ မန်ယူတို့ပွဲမှာတော့ လီဗာပူးလ်က ဂိုးပြတ်ခဲ့ပြီး၊ စပါးနဲ့ အာဆင်နယ်တို့ရဲ့ လန်ဒန်ဒါဘီမှာတော့ အာဆင်နယ်က အနိုင်ရခဲ့ပါတယ်။

ခါးသီးတဲ့ပြိုင်ဘက်တွေဖြစ်ပြီး အင်္ဂလန်ရဲ့ အအောင်မြင်ဆုံးအသင်းတွေဖြစ်တဲ့ မန်ယူနဲ့ လီဗာပူးလ်တို့ အိုးထရက်ဖို့မှာ တွေ့ဆုံခဲ့တဲ့ပွဲမှာတော့ နှစ်သင်းစလုံး လူစုံထုတ်ခဲ့ပါတယ်။ ပွဲအစပိုင်းမှာ လီဗာပူးလ်တို့ မန်ယူဘက်ကိုဖိကစားနိုင်ခဲ့ပေမယ့် ဂိုးသွင်းခွင့်သိပ်မရခဲ့ပါဘူး။ စတားရစ်ခ်ျရဲ့ ကန်ချက်ကို မန်ယူဂိုးသမား ဖမ်းမိခဲ့တာလောက်ပဲ ဂိုးရဖုိ့ နီးစပ်ခဲ့ပါတယ်။

မန်ယူအသင်းကလည်း ကစားပုံ သိပ်မကောင်းခဲ့ပဲ အစောပိုင်းမှာ ဗန်ပါစီရဲ့ ကန်ချက်တစ်လုံးပဲရှိခဲ့ပါတယ်။ ၃၂ မိနစ်မှာတော့ ဧရိယာအတွင်းထဲမှာ နောက်ခံလူရာဖေးလ် လက်ထိခဲ့တဲ့အတွက် လီဗာပူလ်းတို့ ပင်နယ်တီရခဲ့ပြီး ဂျရတ်က ဂိုးအဖြစ်ပြောင်းလဲပေးနိုင်ခဲ့ပါတယ်။

ပထမပိုင်းပြီးကာနီးမှာ မန်ယူတို့ကစားပုံကောင်းခဲ့ပြီး ရူနီကန်သွင်းခွင့် ၂ ကြိမ်လောက်ရခဲ့ကာ လီဗာပူးလ်နောက်တန်း ရှင်းထုတ်နိုင်ခဲ့ပါတယ်။ ဒုတိယပိုင်းစစခြင်းမှာ လီဗာပူးလ်တို့ နောက်ထပ်ပင်နယ်တီထပ်ရခဲ့ပြီး ဂျရတ်ကပဲ အမှားအယွင်းမရှိ ကန်သွင်းယူနိုင်ခဲ့ပါတယ်။ ၇၇ မိနစ်မှာ မန်ယူနောက်ခံလူ ဗီဒစ် စတားရစ်ခ်ျကို ဧရိယာအတွင်းမှာ ပြစ်ဒဏ်ကျူးလွန်ခဲ့တဲ့အတွက် လီဗာပူးလ် တတိယမြောက် ပင်နယ်တီရခဲ့ပေမယ့် ဂျရတ်ရဲ့ကန်သွင်းချက် တိုင်ထိထွက်ခဲ့ပါတယ်။ ဒီပင်နယ်တီလွဲချော်သွားခဲ့တာကြောင့် ပရီးမီးယားလိဂ်သမိုင်း တစ်လျှောက်မှာ ပင်နယ်တီကနေ ဟက်ထရစ်သွင်းယူနိုင်ခဲ့ ပထမဆုံး ကစားသမားဖြစ်ခွင့် ဆုံးရှုံးခဲ့ရပါတယ်။ ၈၄ မိနစ်မှာတော့ တိုက်စစ်မှူး ဆွာရက်စ်က လူကျွံထောင်ချောက်ကို ကျော်ဖြတ်ပြီး လီဗာပူးလ်တို့အတွင် တတိယအနိုင်ဂိုး သွင်းယူပေးခဲ့ပါတယ်။

ဒီပွဲမှာ မန်ယူရဲ့ကစားပုံဟာ အလွန်ညံ့ခဲ့ပြီး တစ်ပွဲလုံးမှာလည်း ဂိုးသွင်းခွင့် ၂ ကြိမ်လောက်သာ ရရှိခဲ့ပါတယ်။ နည်းပြမိုယက်စ်ကတော့ ပင်နယ်တီပေးခဲ့ရမှုကို အပြစ်တင်ခဲ့ပြီး ဒိုင်လူကြီးရဲ့ ဆုံးဖြတ်ချက်တစ်ချို့ မှားယွင်းကြောင်း ပွဲအပြီးမှာ ပြောဆိုသွားခဲ့ပါတယ်။

ချန်ပီယံလိဂ်မှာ ဘိုင်ယန်ကိုရှုံးပြီး ပူပူနွေးနွေးထွက်ခဲ့ရတဲ့ အာဆင်နယ်တို့ ဒီပွဲမှာ ကစားပုံ သိပ်မကောင်းပေမယ့် အနိုင် ၃ မှတ်တော့ ရခဲ့ပါတယ်။ စပါးကလည်း ယူရိုပါမှာ ဘင်ဖီကာကိုရှုံးထားတဲ့အသင်းဖြစ်ပြီး ဒီနေ့ပွဲမှာလည်း ခြေစွမ်းမကောင်းခဲ့ပါဘူး။ အာဆင်နယ်အသင်းရဲ့ ကွင်းလယ်လူ အိုဇေးလ်တစ်ယောက် တံကောက်ကြောဒဏ်ရာကြောင့် မပါဝင်နိုင်ခဲ့ဘဲ ရိုစစ္စကီးက ၀င်ကစားခဲ့ပါတယ်။

အာဆင်နယ်တို့ ပွဲအစ ၂ မိနစ်မှာပဲ ဦးဆောင်ဂိုးရခဲ့ပြီး ချိန်ဘာလိန်ရဲ့ ဖန်းတီးမှုကနေတစ်ဆင့် ရိုစစ္စကီးက အဆုံးသတ်ပေးခဲ့တာပါ။ ဒီနေ့ပွဲမှာ စပါးတိုက်စစ်ပိုင်းဟာ အသက်မ၀င်ခဲ့ဘဲ နောက်ပိုင်းပွဲတွေမှာ ခြေစွမ်းပြ ဂိုးတွေသွင်းယူနေတဲ့ အဒီဘာယောကလည်း အာဆင်နယ်နောက်တန်းကို မကျော်နိုင်ခဲ့ပါဘူး။ ကစားကွက်ပိုင်းမှာ စပါးက အနည်းငယ်ပိုသာပေမယ့် အာဆင်နယ်ဂိုးပေါက်ကိုတော့ ၁ ကြိမ်သာ ခြိမ်းခြောက်နိုင်ခဲ့ပါတယ်။ နောက်ပိုင်းမှာတော့ ၂ သင်းစလုံး ဂိုးသွင်းယူနိုင်ခဲ့ခြင်းမရှိတော့ပဲ ၁ ဂိုး ဂိုးမရှိနဲ့ ပွဲပြီးခဲ့ပါတယ်။ ဒီပွဲအနိုင်ဟာ အာဆင်နယ်တို့အတွက် စပါးရဲ့ ၀ှိုက်ဟတ်လိန်းကွင်းမှာ လာကစားတဲ့ နောက်ဆုံး ၆ ပွဲမှာ ပထမဆုံး နိုင်ခဲ့တာလည်းဖြစ်ပါတယ်။

ပွဲစဉ် ၃၀ အပြီးမှာတော့ ချယ်ဆီးအသင်းက ၆၆ မှတ်နဲ့ ထိပ်ဆုံးမှာရှိနေပြီး လီဗာပူးလ်နဲ့ အာဆင်နယ်တို့က တစ်ပွဲလျော့ ၄ မှတ်အကွာစီနဲ့ ဒုတိယနဲ့ တတိယနေရာတို့မှာရှိနေပါတယ်။ လီဗာပူးလ်ကိုရှုံးခဲ့တဲ့ မန်ယူတို့ အဆင့် ၇ ပြန်ရောက်သွားခဲ့ပြီး၊ တန်းဆင်းဇုန်မှာတော့ ဆန်းဒါးလန်း ကာဒစ်ဖ်နဲ့ ဖူလ်ဟမ်တို့က အစဉ်လိုက်ရှိနေကြပါတယ်။

ပရီးမီးယားလိဂ် ပွဲစဉ် ၃၀ ရဲ့ ရလဒ်များကတော့ အောက်ပါအတိုင်းဖြစ်ပါတယ်။

စပါး ၀-၁ အာဆင်နယ်
မန်ယူ ၀-၃ လီဗာပူးလ်
ဟားလ်စီးတီး ၀-၂ မန်စီးတီး
အဲဗာတန် ၂-၁ ကာဒစ်ဖ်
ဖူလ်ဟမ် ၁-၀ နယူးကာဆယ်
ဆောက်သက်တမ် ၄-၂ နော်ဝစ်ခ်ျ
စတုတ်စီးတီး ၃-၁ ၀က်စ်ဟမ်း
ဆန်းဒါးလန်း ၀-၀ ခရစ္စတယ်ပဲလေ့စ်
ဆွမ်ဆီး ၁-၂ ၀က်စ်ဘရွန်း
အက်စတွန်ဗီလာ ၀-၁ ချယ်ဆီး