မတ် ၂၄၊ ၂၀၁၈
M-Media
– ဆော်ဒီက အသက် ၂၈ နှစ်အရွယ် အမျိုးသမီး ရာရှာ အလ်-ခါမစ်ဟာ နိုင်ငံအတွင်းမှာ ပထမဆုံး အသိအမှတ်ပြုလက်မှတ်ရ အမျိုးသမီးလက်ဝှေ့သမား၊ ကမ္ဘာ့အမြင့်ဆုံး တောင် ၇ ခုထဲက ၂ ခုကို တက်ရောက်နိုင်မှု အပါအ၀င် အောင်မြင်မှုတွေ တစ်သီတစ်သန်းကြီး ရရှိထားတဲ့ ထင်ရှားကျော်ကြားသူတစ်ယောက် ဖြစ်လာပါတယ်။
အားကစားနဲ့ စူးစမ်းလေ့လာရေးဖက်မှာ ထဲထဲဝင်ဝင်လှုပ်ရှားဆောင်ရွက်နေတဲ့ ခါမစ်ဟာ ပညာတတ်တစ်ဦးလည်းဖြစ်ပြီး အမေရိကန်ပြည်ထောင်စု ဆောက်သမ်း ကယ်လီဖိုးနီးယား တက္ကသိုလ်ကနေ နိုင်ငံတကာနဲ့ ပြည်သူ့ရေးရာစီမံခန့်ခွဲမှု ဘာသာရပ်နဲ့ မဟာဘွဲ့ရခဲ့ကာ လက်ရှိ ဆော်ဒီက အမျိုးသမီး အားကစားဆိုင်ရာ နယ်ပယ်နဲ့ပတ်သက်လို့ စာတမ်းပြုစုနေပါတယ်။
ခါမစ်က အမေရိကန်မှာ ကျောင်းတက်နေစဉ် ၂၀၁၁ ခုနှစ်ကနေစပြီး လက်ဝှေ့လောကထဲ ၀င်ရောက်လာဖြစ်တယ်လို့ ဆိုပါတယ်။
“လက်ဝှေ့ကလပ်တစ်ခုနဲ့ ကျွန်မ ဆက်သွယ်ပြီး တစ်ပတ်ကို ၂ ကြိမ်၊ ၃ ကြိမ်နဲ့ ၂ နှစ်လောက် ကျွန်မ လေ့ကျင်လိုက်တယ်။ လက်ဝှေ့ထိုးရတာကို ကျွန်မနှစ်သက်တယ်။ ဒီအားကစားနေ အကျိုးကျေးဇူးတွေ အများကြီး ရရှိပြီး ကျွန်မရဲ့ ကိုယ်နေဟန်ထားတွေ တိုးတက်လာကာ ဖြတ်လတ်မှုလို ကျွမ်းကျင်မှုတွေကိုလည်း ရခဲ့ပါတယ်”
လက်ဝှေ့ကစားနည်းဟာ မိမိကိုယ်ကိုယုံကြည်မှု ရရှိစေပြီး၊ စိတ်ဓာတ်ကြံ့ခိုင်ကာ အနှုတ်လက္ခဏာဆောင်တဲ့ အတွေးတွေ ပျောက်သွားစေတယ်လို့လည်း သူက ဆိုပါတယ်။
အသိအမှတ်ပြုခံရ
အမေရိကန်မှာကျောင်းပြီးလို့ ဆော်ဒီကို ပြန်ရောက်လာတဲ့အခါမှာ ခါမစ်တစ်ယောက် ဆော်ဒီ လက်ဝှေ့အဖွဲ့ချုပ်က ပြုလုပ်တဲ့ အခမ်းအနားတစ်ခုကို တက်ရောက်ခဲ့ပြီး နိုင်ငံအတွင်းက အမျိုးသမီး လက်ဝှေ့သမားတွေ တောက်ပလာနိုင်မယ့် နည်းလမ်းတွေကို ဆွေးနွေးတင်ပြခဲ့ပါတယ်။
အမျိုးသမီးနည်းပြတွေ၊ အားကစားသမားတွေ လိုအပ်နေတယ်လို့ အဖွဲ့ချုပ်ဥက္ကဌက ပြောကြားတဲ့အခါ သူက အဖွဲ့ချုပ်ထဲ ၀င်ခဲ့ပါတယ်။
“ကျွမ်းကျင်မှုတွေ၊ အရင်အတွေ့အကြုံတွေ တိုးတက်ဖို့အတွက် ကျွန်မဟာ ၃၊ ၄ ပတ်လောက် ကမ့်ဝင်လိုက်ပါတယ်။ လေ့ကျင့်မှုတွေကို အောင်မြင်စွာ ပြုလုပ်ခဲ့ပြီးတဲ့နောက်မှာ ကျွန်မဟာ သင်တန်းနည်းပြလက်မှတ် ရရှိခဲ့ပါတယ်”
လက်ရှိ ခါမစ်ဟာ ဆာအွဒ်တက္ကသိုလ်မှာ ကျောင်းသူတွေကို ၃ ပတ်တာ လေ့ကျင့်သင်ကြားမှုတွေ ပြုလုပ်ပေးနေပါတယ်။
“ကလေးမလေးတွေရဲ့ တက်ကြွမှု၊ လေ့ကျင့်သားတွေကတော့ တကယ့်ကို စိတလှုပ်ရှားစရာကောင်းပါတယ်။ ကျွန်မအတန်းကို လာတက်တဲ့ အမျိုးသမီးအရေအတွက်က ၁၆၀ ရှိတယ်။ တော်တော်များတဲ့ အရေအတွက်ပါ”
နေ့တစ်နေ့ကို အားကစားနဲ့စတင်ပြီး အပြုသဘောဆောင်တဲ့ သက်ရောက်မှုတွေ ရှိလာဖို့အတွက် သူ့အတန်းကို နံနက်ပိုင်းမှာ စတင်တယ်လို့ ခါမစ်က ပြောကြားခဲ့ပါတယ်။
“ဆော်ဒီအမျိုးသမီးတစ်ယောက်အနေနဲ့ ကျွန်မရဲ့အိပ်မက်က တစ်နေ့ကျရင် အိုလံပစ်ပြိုင်ပွဲမှာ ရွှေရဖို့ပါ”
ပါရမီရှင်တစ်ယောက်
ခါမစ်ဟာ ငယ်ငယ်ကလေးက အားကစားနဲ့ ကြီးပြင်းလာရသူတစ်ယောက် ဖြစ်ပါတယ်။ အသက် ၆ နှစ်အရွယ်မှာပဲ ဖခင်ဖြစ်သူက ဘက်စကတ်ဘောခြင်းတစ်ခုနဲ့ ကိုယ်ကာယလေ့ကျင့်ရေးပစ္စည်းတွေ ၀ယ်ပေးခဲ့ပြီး သူတို့အိမ်နောက်ဖေးမှာ လေ့ကျင့်ရင်း ကြီးပြင်းခဲ့ရပါတယ်။
“အစ်ကိုနဲ့ကျွန်မတို့ အိမ်စာတွေလုပ်ပြီးသွားရင် နေ့လယ်ပိုင်းမှာ တစ်နာရီလောက် ဘက်စကတ်ဘောကစားတယ်၊ ပြီးရင် နာရီဝက်လောက် ကိုယ်ကာယလေ့ကျင့်တယ်။ တစ်ပတ်ကို ၅ ရက်လောက် လုပ်ပါတယ်” လို့ ငယ်ဘ၀ကို သူမက ဖွင့်ဟခဲ့ပါတယ်။
ဖခင်ဖြစ်သူက အားကစားဖက်ကို အားပေးပြီး၊ အားကစားနည်းအကြောင်း စည်းမျဉ်းတွေကို သင်ကြားပေးတယ်လို့လည်း သူမက ပြောပါတယ်။
သူမဟာ အသက် ၁၄ နှစ်အရွယ်အထိ ကျောင်းမှာ ဘတ်စက်ဘောကစားခဲ့ပြီး၊ ဘောလုံးနဲ့ အေရိုးဗစ်ဘားကစားနည်းတွေမှာလည်း ပါဝင်ခဲ့ပါတယ်။
ပြေးခုန်ပစ်ဘက်မှာ ခါမစ်ဟာ ထူးချွန်သူပြီး ကျောင်းတွင်းပြိုင်ပွဲမှာ ၅ နှစ်ဆက်တိုက် ဗိုလ်စွဲခဲ့သူပါ။
ဂင်းနစ်မှတ်တမ်းဝင်သူ
ခါမစ်ရဲ့ နောက်ထပ်ဝါသနာတစ်ခု တောင်တက်တာပါ။ ၂၀၁၇ ခုနှစ်မှာ သူမဟာ အခြား ဆော်ဒီအမျိုးသမီး ၁၁ ဦးနဲ့အတူ မော်ရိုကိုက အတ္တလက်စ်တောင်ထိပ်ကို ၄ ရက်နဲ့အရောက် တက်ခဲ့ပါတယ်။
ဇွန်လမှာ သူတို့ဟာ တန်ဇန်းနီးယားက အာဖရိကအမြင့်ဆုံး ကီလီမန်ဂျာရိုတောင်ကို တက်ခဲ့ပြီး ၅၇၁၄ မီတာအမြင့်မှာ ဘောလုံးကစားကာ ကမ္ဘာ့အမြင့်ဆုံးနေရာမှာ ဘောလုံးကစားသူတွေအဖြစ် ဂင်းနစ်မှတ်တမ်း ၀င်ခဲ့ပါတယ်။
Equal Playing Field လို့ အမည်ပေးထားပြီး ပရဟိတလုပ်ဖို့ရည်ရွယ်ကာ ကစားခဲ့တဲ့ အဲဒီဘောလုံးပွဲမှာ ကမ္ဘာတစ်ဝှမ်းက အမျိုးသမီးပေါင်း ၃၀ ပါဝင်ခဲ့တာ ဖြစ်ပါတယ်။
Ref: Alarabiya
