Tag: US

စက်တင်ဘာ ၅၊ ၂၀၁၇
M-Media

– နိုင်ငံ၏ အကြီးမားဆုံး နျူလက်နက် စမ်းသပ်မှု ပြုလုပ်ခဲ့ပြီးနောက် အမေရိကန်အတွက် လက်ဆောင်များ အထုပ်လိုက် ထပ်ပို့ပေးမည်ဟု မြောက်ကိုရီးယားက ခြိမ်းခြောက် ပြောဆိုလိုက်သည်။

အင်္ဂါနေ့က မြောက်ကိုရီးယား လက်နက်ဖျက်သိမ်းရေးနှင့်ပတ်သက်၍ ကုလတွင် ပြုလုပ်သော အစည်းအဝေး၌ မြောက်ကိုရီးယားဆိုင်ရာ ကုလသံတမန် ဟန်တေဆွန်က ယခုကဲ့သို့ ပြောကြားခဲ့ခြင်း ဖြစ်သည်။

“လွန်ခဲ့တဲ့ ၂ ရက်ဖြစ်တဲ့ စက်တင်ဘာ ၃ ရက်နေ့က မြောက်ကိုရီးယားဟာ မဟာဗျူဟာ နျူကလီးယားအင်အား တည်ဆောက်ရေး စီမံကိန်းအောက် တိုက်ချင်းပစ်ဒုံးကျည်မှာ တပ်ဆင်နိုင်မယ့် ဟိုဒရိုဂျင်ဗုံး စမ်းသပ်မှုကို အောင်မြင်စွာ ပြုလုပ်နိုင်ခဲ့ပါတယ်။ ကျွန်တော့်တိုင်းပြည်ရဲ့ လတ်တလော ကာကွယ်ရေးဆောင်ရွက်ချက်တွေဟာ အခြားသူတွေအတွက် မဟုတ်ဘဲ အမေရိကန်အတွက် လက်ဆောင်ထုပ် ဖြစ်ပါတယ်။ အဆင်ခြင်မဲ့ ရန်စမှုတွေ၊ မြောက်ကိုရီးယားအပေါ် အလုပ်မဖြစ်တဲ့ ဖိအားပေးမှုတွေ ပြုလုပ်နေသမျှ အမေရိကန်ဟာ ဒီလို လက်ဆောင်တွေကို ပိုပြီး ရရှိမှာဖြစ်ပါတယ်”

မြောက်ကိုရီးယား၏ စစ်ရေးဆောင်ရွက်ချက်များမှာ ထိန်းချုပ်မှုရှိပြီး မိမိကိုယ်ကို ကာကွယ်ရေးသာဖြစ်ကြောင်း၊ မိမိတို့တိုင်းပြည်ကို အထီးကျန်စေရန်အတွက် ၁၀ စုနှစ်ချီ လုပ်ဆောင်လာသည့် အမေရိကန်၏ နျူခြိမ်းခြောက်မှုနှင့် ရန်လိုသည့် ပေါ်လစီများကို တုန့်ပြန်ခြင်းဖြစ်ကြောင်း သံအမတ်က ထည့်သွင်းပြောကြားခဲ့သည်။

ထို့ပြင် ပိတ်ဆို့မှုများမှာ မည်သည့်အခါမှ အလုပ်ဖြစ်မည်မဟုတ်ဘဲ၊ ဆွေးနွေးပွဲ စကားဝိုင်းသို့ နျူလက်နက် ရပ်တန့်ရေး ကိစ္စကို ယူဆောင်လာမည်မဟုတ်ဟုလည်း ၎င်းက ဆိုသည်။

အမေရိကန်၏ လက်နက်ဖျက်သိမ်းရေး သံတမန် ရောဘတ်ဝုဒ်က မြောက်ကိုရီးယားမှာ ထိုကဲ့သို့ စမ်းသပ်မှု လုပ်ခြင်းအားဖြင့် နိုင်ငံတကာအသိုင်းအ၀ိုင်းကို အာခံနေခြင်းဖြစ်သည်ဟု ပြောကြားခဲ့သည်။

မြောက်ကိုရီးယားတင်းမာမှုကြောင့် ဂျပန်နှင့် တောင်ကိုရီးယားတို့ကို ပိုမို အဆင့်မြင်သည့် အမေရိကန်လက်နက်များကို ၀ယ်ယူခွင့်ပြုသွားမည်ဟု အမေရိကန်သမ္မတ ဒေါ်နယ်ထရမ့်က ယနေ့တွင် ပြောကြားခဲ့သည်။

Ref: Aljazeera

စက်တင်ဘာ ၄၊ ၂၀၁၇
M-Media

– မြောက်ကိုရီးယား၏ မည်သည့်ခြိမ်းခြောက်မှုမျိုးမဆို ကြီးမားသည့် စစ်ရေးတုန့်ပြန်မှုဖြင့် ရင်ဆိုင်ရမည်ဟု အမေရိကန်ကာကွယ်ရေးဝန်ကြီး ဂျိမ်းစ်မာတစ်က သတိပေး ပြောကြားလိုက်သည်။

နိုင်ငံသမိုင်းတစ်လျှောက်တွင် စွမ်းအားအပြင်းဆုံးဖြစ်သည့် ၆ ကြိမ်မြောက် နျူကလီးယား စမ်းသပ်မှုကို မြောက်ကိုရီးယားက ပြုလုပ်ခဲ့ပြီး နာရီအနည်းငယ်အကြာတွင် အမေရိကန်က ယခုကဲ့သို့ တုန့်ပြန်လိုက်ခြင်းဖြစ်သည်။

“အမေရိကန် ဒါမှမဟုတ် ဂူအမ်အပါအ၀င် နိုင်ငံရဲ့ ပိုင်နက်တွေ၊ ဒါမှမဟုတ် ကျွန်တော်တို့ရဲ့ မဟာမိတ်တွေအပေါ် ဘယ်လိုခြိမ်းခြောက်မှုမျိုးမဆို ကြီးမားပြင်းထန်တဲ့ စစ်ရေးတုန့်ပြန်မှုနဲ့ ရင်ဆိုင်ရမှာဖြစ်ပါတယ်” ဟု မာတစ်က ယမန်နေ့တွင် ပြောကြားခဲ့သည်။

မြောက်ကိုရီးယားခေါင်းဆောင် ကင်ဂျုံအန်အနေဖြင့် လုံခြုံရေးကောင်စီ၏ ပြောကြားမှုကို ဂရုစိုက်ရန် လိုအပ်ကြောင်းလည်း ၀န်ကြီးက ထည့်သွင်းပြောဆိုခဲ့သည်။

လုံခြုံရေးကောင်စီမှ အဖွဲ့ဝင်အားလုံးမှာ ယမန်နေ့ အရေးအပေါ်အစည်းအဝေးတွင် မြောက်ကိုရီးယားက ခြိမ်းခြောက်မှုပြုလုပ်နေသည်ဟု တစ်ညီတစ်ညွတ်တည်း သဘောတူခဲ့ကြပြီး၊ ကိုရီးယားကျွန်းဆွယ် နျူကင်းရှင်းရေး သဘောထားကိုလည်း ဆက်လက်ဆုပ်ကိုင်ထားခဲ့ကြသည်။

ကိုရီးယားနိုင်ငံပိုင်သတင်းဌာနက KCNA က ကင်ဂျုံအန်၏အမိန့်ဖြင့် ဟိုက်ဒရိုဂျင်ဗုံး စမ်းသပ်ဖောက်ခွဲမှုကို ယမန်နေ့မနက်ပိုင်းတွင် ပြုလုပ်ခဲ့ပြီး၊ ခြွင်းချက်မရှိသော အောင်မြင်မှုဖြစ်ကြောင်း တနင်္ဂနွေနေ့တွင် ဖော်ပြခဲ့သည်။

ထိုစမ်းသပ်မှုမှာ သမ္မထရမ့် တက်လာပြီးနောက်ပိုင်း မြောက်ကိုရီးယား၏ ပထမဆုံး နျူစမ်းသပ်မှုဖြစ်သည်။

မာတစ်က ၎င်းအနေဖြင့် သမ္မတထရမ်ပါဝင်သည့် ထိပ်ပိုင်းခေါင်းဆောင်များ၏ အမျိုးသားလုံခြုံရေး အစည်းအဝေးကို တက်ရောက်ခဲ့သည်ဟု ပြောကြားခဲ့ပြီး သမ္မတမှာ စစ်ရေးတုန့်ပြန်မှု နည်းလမ်းတစ်ခုချင်းစီအကြောင်း အသေးစိတ်ကို သိရှိလိုသည်ဟု ဆိုသည်။

Ref: Aljazeera