Tag: US

မတ် ၃၀၊ ၂၀၁၆
M-Media

– ရီပက်ဘလစ်ကန်သမ္မတလောင်းဖြစ်မည်ဟု ရေပန်းစားနေသည့် ထရမ့်က မဲဆွယ်မှုများတွင် မွတ်စလင်ဆန့်ကျင်ရေးစကားများ ပြောကြားနေမှုမှာ IS အတွက် လူသစ်စုဆောင်းပေးနေခြင်းသာဖြစ်ကာ အမေရိကန်များကို “လုံခြုံမှု နည်းစေသည်” ဟု စီအိုင်အေ အကြီးအကဲဟောင်း မီခေးလ် ဟေဒင်က ပြောကြားလိုက်သည်။

ဟေဒင်မှာ သမ္မတဟောင်း ဂျော့ဂ်ျ ဒဗလျူ ဘုရ်ှလက်ထက်က ထောက်လှမ်းရေးအကြီးအကဲအဖြစ် တာဝန်ထမ်းဆောင်ခဲ့သူဖြစ်ပြီး၊ အနောက်ကမ္ဘာနှင့် အစ္စလာမ်အကြား အမုန်းတရားများမှာ ပျောက်ကွယ်မည်မဟုတ်ဆိုသော IS ၏ ၀ါဒဖြန့်မှုကို ထရမ့်၏ ပြောကြားမှုများက အထောက်အပံ့ဖြစ်စေသည်ဟု ဆိုသည်။

“အမေရိကန်ရဲ့ နိုင်ငံရေးစနစ်မှာ ထင်ရှားသူတစ်ဦးကနေ ဒီလိုစကားမျိုးတွေပြောပြီး သမ္မတဖြစ်လို့ မရပါဘူး။ ဒါမျိုးဆိုရင်တော့ အမေရိကန်တွေကို လုံခြုံမှု နည်းစေမှာပါပဲ” ဟု ဟေဒင်က ပြောကြားခဲ့သည်။

ထရမ့်မှာ ၎င်း၏ မဲဆွယ်မှုများအတွင်း မွတ်စလင်များအား အမေရိကန်သို့ ၀င်ရောက်ခြင်းကို တားမြစ်ပိတ်ပင်သွားမည်ဟု ပြောကြားထားသည်။ ထို့ပြင် ၎င်းမှာ မက္ကဆီကန်များ၊ လူမည်းများ၊ ရွှေ့ပြောင်းအခြေချသူများနှင့် မသန်စွမ်းသူများကိုလည်း စော်ကားပြောဆိုမှုများ ပြုလုပ်ခဲ့သည်။

ထရမ့်ကို IS နှင့် အလ်ကိုင်းဒါးတို့ကဲ့သို့ အဖွဲ့များအတွက် လူသစ်စုဆောင်းပေးသူအဖြစ် သတ်မှတ်၍ရလားဟု မေးမြန်းရာတွင် ဟေဒင်က ‘သတ်မှတ်၍ရသည်’ ဟု ဖြေကြားခဲ့သည်။ ထို့ပြင် မွတ်စလင်များနေထိုင်ရာ ဒေသများကို လှည့်လည်စောင့်ကြည့်မှုများ ပြုလုပ်ရမည်ဟု ပြောကြားခဲ့သည့် အခြားရီပက်ဘလစ်ကန် နိုင်ငံရေးသမား တက်ဒ် ခရုဇ်ကိုလည်း ဟေဒင်က ဝေဖန်ပြောကြားခဲ့သည်။

Ref: Aljazeera

မတ် ၂၉၊ ၂၀၁၆
M-Media

– အမေရိကန်ပြည်ထောင်စု ၀ါရှင်တန်ရှိ လွှတ်တော်အဆောက်အဦးတွင် လူတစ်ဦးက သေနတ်ဆွဲထုတ်မှုတစ်ခု ဖြစ်ပွားခဲ့ပြီး အဆိုပါ သေနတ်သမားကို ဖမ်းဆီးရမိခဲ့သည်ဟု သိရသည်။

ယမန်နေ့က လွှတ်တော်ရှိ လာရောက်လည်ပတ်သူများစင်တာတွင် ဖြစ်ပွားခဲ့ခြင်းဖြစ်ပြီး ထိုအဖြစ်အပျက်ကြောင့် အိမ်ဖြူတော်ကို ခေတ္တ ပိတ်ပစ်ခဲ့ရကာ နောက်ပိုင်းတွင် ပြန်လည်ဖွင့်ပေးခဲ့သည်။

လွှတ်တော် စစ်ဆေးရေးဂိတ်၌ သေနတ်ဆွဲထုတ်ခဲ့ရာတွင် တာဝန်ရှိသူများက ပစ်တ်ခတ်ဖမ်းဆီးခဲ့ရပြီး သေနတ်သမားမှာ ဒဏ်ရာရရှိကာ ဆေးရုံသို့ တင်ပို့ခဲ့ရသည်။ ထိုအဖြစ်အပျက်အတွင်း ဘေးတွင်ရပ်နေသည့် အမျိုးသမီးတစ်ဦးမှာလည်း ဒဏ်ရာအနည်းငယ် ရရှိခဲ့သည်။

လွှတ်တော်ရဲတပ်ဖွဲ့အကြီးအကဲ မက်သယူး အာရ် ဗာဒီရိုဆာကမူ အဆိုပါ သံသယရှိသူမှာ ရဲတပ်ဖွဲ့နှင့် မျက်မှန်းတန်းမိသူဖြစ်ပြီး၊ ထိုအဖြစ်အပျက်ကလည်း ယခင်က လွှတ်တော်အဆောက်အဦးတွင် ဖြစ်ပွားခဲ့သည့် ပုံစံမျိုး တစ်ဦးတည်းကျူးလွန်မှုသာဖြစ်ကာ သာမန် ရာဇ၀တ်မှုအဖြစ်အပျက် တစ်ခုထက်ပိုသည့် အကြောင်းအရင်းမရှိဟု ယုံကြည်ကြောင်း ပြောကြားခဲ့သည်။

Ref: Aljazeera