Tag: US

ဒီဇင်ဘာ ၆၊ ၂၀၁၅
M-Media

– အမေရိကန်တွင် သေနတ်ဖြင့် တိုက်ခိုက်မှုများအတွက် သုတေသနပြုလုပ်ရေးတွင် ဖက်ဒရယ်အစိုးရ၏ ဘက်ဂျက်အသုံးပြုမှုကို ၁၀ စုနှစ် နှစ်စုကြာ ကန့်သန်ထားမှုအား ရုပ်သိမ်းပေးရန်အတွက် အမေရိကန်ရှိ Doctors for America အဖွဲ့က တိုက်တွန်းပြောဆိုလိုက်သည်။

လူအစုလိုက်အပြုံလိုက် ပစ်ခတ်မှုများ နိုင်ငံအတွင်း မြင့်တက်လာချိန်တွင် ထိုကဲ့သို့ တောင်းဆိုမှု ထွက်ပေါ်လာခြင်းဖြစ်သည်။ အမေရိကန်တွင် သေနတ်ဖြင့် တိုက်ခိုက်မှုကြောင့် နေ့စဉ် ပျမ်းမျှ လူ ၉၀ ခန့် သေဆုံးနေသည်ဟု သိရသည်။

သေနတ်ဖြင့် တိုက်ခိုက်မှုများနှင့်ပတ်သက်၍ အမေရိကန် ရောဂါဘယ ထိန်းချုပ်တားဆီးရေးဗဟိုဌာန CDC နှင့် အမျိုးသားကျန်းမာရေးအသင်း NIH တို့က သုတေသနပြုခြင်းကို အမေရိကန်စိုးရက Dickey Amendment ဖြင့် လွန်ခဲ့သည့် နှစ် ၂၀ ကတည်းက တားဆီးထားခြင်းဖြစ်သည်။

ထိုတားဆီးမှုအား ပယ်ဖျက်ပေးရန်အတွက် Doctors for America အဖွဲ့၏ တောင်းဆိုမှုကို နိုင်ငံတစ်ဝှမ်းမှ ဆရာဝန် ၂၀၀၀ ကျော်က လက်မှတ်ရေးထိုးခဲ့ကြသည်။

Doctors for America အဖွဲ့မှာ ဗုဒ္ဓဟူးနေ့က Capitol Hill တွင် ညီလာခံတစ်ခု ပြုလုပ်ခဲ့ကြပြီး သေနတ်ဖြင့် တိုက်ခိုက်မှုမှာ အမေရိကန်တွင် အလျင်အမြန်ဖြေရှင်းရန် လိုအပ်နေသည့် ပြည်သူ့ကျန်းမာရေးပြဿနာဖြစ်သည်ဟု ပြောကြားခဲ့သည်။ ထိုညီလာခံသို ဒီမိုကရက်တစ် အမတ်အနည်းငယ် တက်ရောက်ခဲ့ကြသည်။

အမေရိကန်မှာ ကမ္ဘာပေါ်တွင် လက်နက်ကြောင့် ရာဇ၀တ်မှုအဖြစ်ဆုံး နိုင်ငံဖြစ်ပြီး ၂၀၁၅ ခုနှစ်အတွင်း သေနတ်ဖြင့် တိုက်ခိုက်မှုမှာ ၃၅၃ မှုအထိ ရှိနေသည်။ ထိုပစ်ခတ်မှုများကြောင့် တစ်နှစ်လျှင် အမေရိကန် ၃၃၀၀၀ ခန့် သေဆုံးနေကြရသည်။

Ref: RT

ဒီဇင်ဘာ ၃၊ ၂၀၁၅
M-Media

– အမေရိကန်ပြည်ထောင်စု ကယ်လီဖိုးနီးယားတောင်ပိုင်းရှိ ဆန် ဘာရ်နာဒီနိုမြို့တွင် သေနတ်ဖြင့်ပစ်ခတ်မှုတစ်ခု ယမန်နေ့က ဖြစ်ပွားခဲ့သောကြောင့် အနည်းဆုံး ၁၄ ဦး သေဆုံးခဲ့သည်ဟု သိရသည်။

မသန်းစွမ်းသူများ စင်တာတွင် အားလပ်ရက်ပါတီ ပြုလုပ်နေချိန် နေ့လည်ပိုင်း၌ ဖြစ်ပွားခဲ့ခြင်းဖြစ်ပြီး ထိုပစ်ခတ်မှုတွင် သေနတ်သမား ၃ ဦးခန့် ပါဝင်ခဲ့ကာ လိုက်လံဖမ်းဆီးမှုအတွင်း သံသယရှိသူ ၂ ဦး သေဆုံးခဲ့သည်ဟု ရဲတပ်ဖွဲ့က ပြောကြားခဲ့သည်။ တတိယ တစ်ဦးကိုမူ ဖမ်းဆီးရမိထားသော်လည်း ၎င်းမှာ သေနတ်ပစ်မှုတွင် ပါဝင်လားဆိုသည်ကို ရှင်းရှင်းလင်းလင်း မသိရှိရသေးပေ။

ထိုပစ်ခတ်မှုအတွင်း ဒဏ်ရာရရှိသူမှာ ၁၇ ဦးရှိခဲ့ပြီး အနက်ရောင်ဇိမ်ခံကားနှင့် ထွက်ပြေးသွားသည့် သေနတ်သမားများကို ရဲတပ်ဖွဲ့ဝင်များက လိုက်လံပစ်ခတ်ခဲ့သည်။

ယမန်နေ့ညနေပိုင်းက ပြုလုပ်ခဲ့သည့် သတင်းစာရှင်းလင်းပွဲတွင် ဆန်ဘာရ်နာဒီနို ရဲတပ်ဖွဲ့အကြီးအကဲ ဂျာရော့ဒ် ဘာရ်ကွမ်က သေဆုံးသွားသည့် သံသယရှိသူ ၂ ဦးမှာ တိုက်ခိုက်ရေးသမားဆန်ဆန် ၀တ်စုံများကို ၀တ်ဆင်ထားပြီး ရိုင်ဖယ်များ၊ ပစ္စတိုများ ကိုင်ဆောင်ထားကြသည်ဟု ပြောကြားခဲ့သည်။ ထို့ပြင် ပစ်ခတ်ခံခဲ့ရသည့် စင်တာတွင်လည်း ပေါက်ကွဲစေတတ်သည့် ပစ္စည်းတစ်ခုကို တွေ့ရှိခဲ့ရသည်ဟု ဆိုသည်။

အာဏာပိုင်များကမူ ထိုတိုက်ခိုက်မှု၏ နောက်ကွယ်မှ အကြောင်းအရင်းကို စုံစမ်းစစ်ဆေးမှုများ ပြုလုပ်နေပြီး လော့စ်အိန်ဂျလိစ်ရှိ FBI ၏ ရုံးခန်းမှ လက်ထောက်ဒါရိုက်တာဖြစ်သူ ဒေးဗစ် ဘောင်ဒစ်ခ်ျက ထိုတိုက်ခိုက်မှုမှာ အလုပ်နှင့်သက်ဆိုင်သည့် တိုက်ခိုက်မှု ဖြစ်နိုင်သကဲ့သို့ အကြမ်းဖက်ဝါဒနှင့်လည်း ပတ်သက်နိုင်သည်ဟု ပြောကြားခဲ့သည်။

ပြီးခဲ့သည့် တစ်ပတ်ကလည်း ကိုလိုရာဒိုပြည်နယ် ကိုလိုရာဒိုစပရင်းမြို့ရှိ ဆေးခန်းတစ်ခုကို လူဖြူအစွန်းရောက်တစ်ဦးက ၀င်ရောက်ပစ်ခတ်သောကြောင့် လူ ၃ ဦးသေဆုံးပြီး ၉ ဦး ဒဏ်ရာရရှိခဲ့သည်။

Ref: Aljzaeera

နိုဝင်ဘာ ၂၉၊ ၂၀၁၅
M-Media

– ကန်ထိန်းသိမ်းရေးစခန်းများ၏ ဆိုးဝါးမှုများနှင့် ပြည်နှင်ဒဏ်မူဝါဒများကို ဆန့်ကျင်ရှုတ်ချသည့်အနေဖြင့် ဒုက္ခသည် ၁၀၀ ကျော်မှာ အမေရိကန် လ၀က ထိန်းသိမ်းရေးစခန်းများတွင် အစာငတ်ခံ ဆန္ဒပြနေကြသည်ဟု သိရသည်။

အစာငတ်ခံဆန္ဒပြမှုများကို ကယ်လီဖိုးနီးယားပြည်နယ် အော်ရိန်ခ်ျနှင့် ဆန်ဒီယေဂိုတွင်လည်းကောင်း၊ အလာဘားမားပြည်နယ် ဂတ်စ်ဒင်တွင်လည်းကောင်း စသည့်နေရာများတွင်ရှိသော လူဝင်မှုထိန်းသိမ်းရေးစခန်းသုံးခုတွင် ဗုဒ္ဓဟူးနေ့၌ စတင်ပြုလုပ်ခဲ့ကြသည်။

ထိန်းသိမ်းခံ ၁၁၀ ၀န်းကျင်၏ အများစုမှာ ဘင်္ဂလားဒေ့ရ်ှမှ ရောက်လာသူများဖြစ်ပြီး အစာငတ်ခံမည်ဟု ဆုံးဖြတ်ထားကြသည်။ အစာငတ်ခံသူများတွင် အိန္ဒိယ၊ ပါကစ္စတန်၊ နိုက်ဂျီးရီးယား၊ ကင်မရွန်း၊ အီသီယိုးပီးယား၊ တိုဂိုနှင့် အခြားသောတိုင်းပြည်များမှ မောင်းထုတ်ခံရ၍ ခိုလှုံခွင့်ယူရန် ရောက်လာကြသူများ ဖြစ်ကြသည်။

ဒုက္ခသည်များသည် နေ့ရက်တိုင်းတွင် ထိန်းသိမ်းရေးစခန်း၌ လူအယောက် ၃၄၀၀၀ ခန့်မျှအတွက် လ၀ကအာဏာပိုင်များထံ တောင်းခံနေရသည့် အိပ်ယာခွဲတမ်းဟုခေါ်ဆိုသော စနစ်ကို ဖျက်သိမ်းပေးရန်လည်း တောင်းဆိုထားသည်။

“ICE (လူဝင်မှု အကောက်ခွန်ကြီးကြပ်ရေးဌာန)က ဒီလူတွေကို လွှတ်ပေးသင့်တဲ့အချိန်မှာ အကန့်အသတ်မရှိ ထိန်းသိမ်းထားပါတယ်။ သူတို့က ဒီနိုင်ငံကို ရောက်လာတာ လုံခြံမှုကိုရှာဖွေဖို့အတွက်ပါ။ ဒါပေမဲ့ အဲ့ဒီအစား နှစ်ပေါင်းများစွာ ထိန်းသိမ်းစခန်းရဲ့အိပ်ယာခွဲတမ်းပြည့်ဖို့ သံတိုင်တွေရဲ့အနောက်ကိုပဲ ပို့ထားခဲ့ပါတယ်” ဟု ဒုက္ခသည်အရေး ဆောင်ရွက်နေသည့် DRUM အဖွဲ့မှ ဒါရိုက်တာဖြစ်သူ ဖာ့ဒ်အဟ်မက်က သတင်းစာရှင်းလင်းပွဲ၌ ပြောကြားခဲ့သည်။

အစာငတ်ခံ ဆန္ဒပြသူများသည် ကျန်းမာရေးစောင့်ရှောက်မှုများ ရရှိရန်၊ သန့်ရှင်းသော အ၀တ်အစားများ ရရှိရန်၊ လတ်ဆတ်သောအစားအသောက်များ ရရှိရန်နှင့် ဖိနှိပ်ချုပ်ချယ်မှုများ ဖြေလျှော့ပေးရန် တောင်းဆိုထားသည်။

၂၀၁၄ ခုနှစ်တွင် နယူးယောက်သတင်းဌာနက ထိန်းသိမ်းရေးစခန်းများတွင် အခြားနိုင်ငံမှ ၀င်ရောက်နေထိုင်သူ အနည်းဆုံး ၆၀၀၀၀ ခန့်သည် တစ်နာရီလျှင် ၁၃ ဆင့်လောက်သာ ၀င်ငွေရှိကြသည်ဟု ဆိုထားသည်။ အချို့က အလကားလုပ်ပေးကြရပြီး ဆိုဒါနှင့် သကြားလုံးများကိုသာ လုပ်ခလစာအဖြစ် ပေးကြောင်း ဖော်ပြခဲ့သည်။