Tag: US

ဇွန် ၁၇၊ ၂၀၁၅
M-Media

– မိမိတို့နိုင်ငံ၏ နျူကလီးယားလက်နက်စာရင်းသို့ တိုက်ချင်းပစ် ဒုံးကျည် ၄၀ ကျော်ကို ယခုနှစ်အတွင်း ထည့်သွင်းသွားမည်ဟု ရုရှားသမ္မတ ဗလာဒီမီရ်ပူတင်က ပြောကြားလိုက်သည်။

ယမန်နေ့က မော်စကိုအနီးတွင် ပြုလုပ်ခဲ့သည့် လက်နက်ပြပွဲ ဖွင့်ပွဲအခမ်းအနား၌ ပူတင်က ယခုကဲ့သို့ ပြောကြားခဲ့ခြင်းဖြစ်သည်။ တနင်္လာနေ့ကလည်း ရုရှားအာဏာပိုင်များမှာ နေတိုးအဖွဲ့ဝင်နိုင်ငံများ၏ ရုရှားနယ်စပ်၌ လက်နက်ကြီးများ ထားရှိရန် အမေရိကန်၏ အစီအစဉ်ကို ရှုတ်ချခဲ့ပြီး စစ်အေးခေတ်နောက်ပိုင်း ရန်အလိုဆုံးလုပ်ရပ်ဖြစ်သည်ဟု ပြောကြားခဲ့သည်။

“နည်းပညာဆိုင်ရာ အဆင့်မြင့် ဒုံးခွင်းစနစ်တွေကို ကျော်ဖြတ်နိုင်တဲ့ တိုက်ချင်းပစ်ဒုံးကျည် ၄၀ကျော်ကို နျူကလီးယားလက်နက်တိုက်ထဲ ဒီနှစ်မှာ ထပ်ဖြည့်သွားမှာပါ” ဟု ပူတင်က ပြောကြားခဲ့သည်။

ထို့ပြင် မိမိတို့ ရုရှားစစ်တပ်အနေဖြင့် အနောက်ဘက်(ဥရောပဘက်) အခြေအနေကို စောင့်ကြည့်ရန် ရည်ရွယ်ပြီး နယ်ပယ်ကျယ်ဝန်းစွာ ဖမ်းယူနိုင်သည့် ရေဒါစနစ်ကို စတင် စမ်းသပ်နေသည်ဟုလည်း ၎င်းက ထည့်သွင်းပြောကြားခဲ့သည်။

ယူကရိန်း၏ ခရိုင်းမီးယားကျွန်းဆွယ်ကို ရုရှားက သိမ်းပိုက်ခဲ့ပြီး ယူကရိန်းအရှေ့ပိုင်းရှိ ခွဲထွက်ရေးသမားများကိုလည်း ရုရှားက ထောက်ပံ့ပြီးနောက်ပိုင်းတွင် ရုရှားနှင့် အနောက်နိုင်ငံများ၏ ဆက်ဆံရေးမှာ စစ်အေးခေတ်နောက်ပိုင်း အနိမ့်ဆုံးအဆင့်သို့ ရောက်ရှိသွားခဲ့သည်။

ဥရောပနှင့် အမေရိကန်တို့မှာ ရုရှားအား G8 အဖွဲ့ထဲမှ ထုတ်ပယ်ခဲ့ပြီး စီးပွားရေးဆိုင်ရာ ပိတ်ဆို့မှုများကိုလည်း ပြုလုပ်ခဲ့ကာ ရုရှားကလည်း ဥရောပတာဝန်ရှိသူများအား အမည်ပျက်စာရင်း သွင်းခဲ့သည်။

နေတိုးအဖွဲ့၏ အထွေထွေအတွင်းရေးမှူး ဂျန်စ် စတိုလ်တန်ဘာ့ဂ်ကမူ ပူတင်၏ ထိုကဲ့သို့ ပြောကြားမှုကို ရှုတ်ချခဲ့သည်။

“ရုရှားရဲ့ ဒီလို နျူကလီးယားစစ်အင်အားနဲ့ ခြိမ်းခြောက်မှုဟာ တရားနည်းလမ်းမကျဘဲ ဒါဟာ တည်ငြိမ်မှုကို ပျက်ပြားစေပြီး အန္တရာယ်လည်းရှိပါတယ်” ဟု စတိုလ်တန်ဘာ့ဂ်က ပြောကြားခဲ့သည်။

Ref: Aljazeera

ဇွန် ၁၆၊ ၂၀၁၅
M-Media

– နေတိုးအဖွဲ့ဝင်နိုင်ငံများမှ ရုရှားနယ်စပ်တွင် တိုက်ပွဲဝင်တင့်ကားများ၊ လက်နက်ကြီးများထားရှိရန် အမေရိကန်၏ အစီအစဉ်က စစ်အေးခေတ်နောက်ပိုင်း ရန်အလိုဆုံးလုပ်ရပ်ဖြစ်ပြီး မိတို့က တပ်ဖွဲ့ဝင်များ တိုးမြှင့်ချထားခြင်းဖြင့် တုံ့ပြန်သွားမည်ဟု ရုရှားကာကွယ်ရေးဝန်ကြီးဌာနမှ ယမန်နေ့တွင် ပြောကြားလိုက်သည်။

အမေရိကန်မှာ ဘောလ်တစ်နိုင်ငံများနှင့် အရှေ့ဥရောပနိုင်ငံများတွင် စစ်ဘက်ဆိုင်ရာ လက်နက်ကိရိယာများ ထားရှိရန် ဆောင်ရွက်မှုများ ပြုလုပ်နေပြီး ယူကရိန်းပြဿနာကြောင့် ရုရှားအပေါ် စိုးရိမ်မှုများရှိနေသည့် မဟာမိတ်နိုင်ငံများအား ပူပင်မှုမရှိစေရန် ဆောင်ရွက်ခြင်းလည်း ဖြစ်သည်။

“တကယ်လို့ တင့်ကားတွေ၊ အဝေးပစ်အမြောက်တွေနဲ့ အခြားပစ္စည်းတွေအပါအ၀င် အမေရိကန် စစ်ဘက်ဆိုင်ရာ လက်နက်ကိရိယာတွေဟာ အရှေ့ဥရောပနဲ့ ဘောလ်တစ်နိုင်ငံတွေမှာ တကယ် ထားရှိသွားမယ်ဆိုရင် ဒါဟာ စစ်အေးခေတ်နောက်ပိုင်း ပင်တဂွန်နဲ့ နေတိုးအဖွဲ့တို့ရဲ့ အမြင့်ဆုံး ရန်စမှုခြေလှမ်းပါပဲ။ ရုရှားကတော့ အနောက်ဘက် ဗျူဟာကျတဲ့နေရာတွေမှာ တပ်ဖွဲ့တွေနဲ့ စစ်လက်နက်တွေ တိုးမြှင့်ချထားဖို့ကလွဲလို့ အခြား ရွေးချယ်စရာ မရှိပါဘူး” ဟု ရုရှား ကာကွယ်ရေးဝန်ကြီးဌာနမှ တာဝန်ရှိသူ ဗိုလ်ချုပ် ယူရီ ယာကူဘော့ဗ်က ပြောကြားခဲ့သည်။

ထို့ပြင် အမေရိကန်၏ ထိုအစီအစဉ်အတွက် ရုရှားမှ တုံ့ပြန်မှုတွင် ပိုလန်နှင့် လစ်သူယေးနီးယား နယ်စပ်များနှင့် ထိနေသော ရုရှားပိုင် ကလင်နင်ဂါ့ဒ်နယ်မြေတွင် အစ္စကန်ဒါ ဒုံးကျည်များ ချထားခြင်းနှင့် ဆိုဗီယက်လက်အောက်ခံဟောင်း ဘယ်လာရုဇ်နိုင်ငံတွင် တပ်ဖွဲ့ဝင်များ ပိုမိုချထားခြင်းတို့လည်း ပါဝင်မည်ဟု ၎င်းက ထည့်သွင်းပြောကြားခဲ့သည်။

ရုရှားနိုင်ငံခြားရေးဝန်ကြီးဌာနကမူ ထိုသို့ဆောင်ရွက်မှုက ထိရောက်မည်ဟု မျှော်လင့်ပြီး ဥရောပရှိ အခြေအနေကို အန္တရာယ်ရှိသည့် အကျိုးဆက်များ ဖြစ်နိုင်သော စစ်ဘက်ဆိုင်ရာ ရင်ဆိုင်မှုများအသစ်များအထိ ဖြစ်ပွားခြင်းမှ တားဆီးပေးလိမ့်မည်ဟု ပြောကြားခဲ့သည်။

Ref: Refuters