News @ M-Media

ပျောက်ဆုံးလူငယ် သုံးဦး၏ အလောင်းအား တွေ့ရှိခဲ့ပြီးနောက် ဂါဇာသို့ အစ္စရေးက လေကြောင်းမှ တိုက်ခိုက်ပြန်

ဇူလိုင် ၂  ၊ ၂၀၁၄
M-Media
Israel bombs Gaza after settlers found killed
– ဇွန်လ ၁၂ ရက်နေ့က ပျောက်ဆုံးသွားခဲ့သည့် ဂျူးလူငယ်သုံးဦး၏ အလောင်းကို ယမန်နေ့က တွေ့ရှိခဲ့ပြီးနောက် ဂါဇာကမ်းမြှောင်ဒေသအား အစ္စရေးက လေကြောင်းမှ တိုက်ခိုက်မှုများ ပြုလုပ်ခဲ့သည်ဟု သိရသည်။

ဂါဇာဘက်မှ ဒုံးကျည်ပစ်လွှတ်မှုကို တုံ့ပြန်သောအနေဖြင့် လေကြောင်း တိုက်ခိုက်မှု ၃၄ ခုကို ယနေ့နံနက် စောစောပိုင်းတွင် ပြုလုပ်ခဲ့ခြင်းဖြစ်သည်ဟု အစ္စရေးစစ်တပ်က ပြောကြားခဲ့သည်။ အနောက်ဘက်ကမ်းခြေ ဂျီနင်ဒေသ၌ အစ္စရေးက ယနေ့တွင်ပြုလုပ်သော စစ်ဆင်ရေးတွင်လည်း ပါလက်စတိုင်းတစ်ဦး ပစ်သတ်ခံခဲ့ရသည်။

ထိုလူငယ်သုံးဦးမှာ ပါလက်စတိုင်းပိုင် အနောက်ဘက်ကမ်းခြေ ဘက်သလီဟမ်နှင့် ဟီဘရွန်မြို့ကြား အစ္စရေး၏ တရားမ၀င်အိမ်ရာရှိ သင်တန်းတစ်ခုမှ အိမ်သို့အပြန် ဇွန် ၁၂ ရက်နေ့က ပျောက်ဆုံးသွားခဲ့ခြင်းဖြစ်ပြီး ဟားမက်စ်လက်ချက်ဟု အစ္စရေးက စွပ်စွဲခဲ့သည်။

ထို့ပြင် ၎င်းတို့အား ရှာဖွေရန်ဟုဆိုကာ ပါလက်စတိုင်းတို့၏ အိမ်ရာများကို အစ္စရေးစစ်တပ်က ၀င်ရောက်စီးနင်းခဲ့ပြီး ပါလက်စတိုင်း ၄၀၀ ကျော်ကို ဖမ်းဆီးခဲ့သည်။ ထိုဖမ်းဆီးမှုများအတွင် ပါလက်စတိုင်း ၅ ဦး ပစ်သတ်ခံခဲ့ရသည်။

Ref: aljazeera

Comments

Leave a Reply