သြဂုတ် ၃၀ ၊ ၂၀၁၄
M-Media
– အီဘိုလာဗိုင်းရပ်စ်ပိုး ကူးစက်ခံရသူတစ်ဦးအား နိုင်ငံအတွင်း ပထမဆုံးတွေ့ရှိခဲ့သည်ဟု ဆီနီဂေါလ် ကျန်းမာရေးဝန်ကြီးက ယမန်နေ့တွင် အတည်ပြုပြောကြားလိုက်သည်။
ဂီနီနိုင်ငံမှ အမျိုးသားတစ်ဦးဖြစ်ပြီး ဗိုင်းရပ်စ်ပိုး ကူးစက်ခံရသည့် လက္ခဏာများ တွေ့ရခြင်းကြောင့် အင်္ဂါနေ့က ဆီနီဂေါလ်မြို့တော် ဒါကာမြို့ဆေးရုံသို့ လာရောက်စစ်ဆေးမှု ခံယူပြီးနောက် အီဘိုလာ ဗိုင်းရပ်စ်ပိုး ကူးစက်နေကြောင်း တွေ့ရှိခဲ့ရခြင်းဖြစ်သည်။
၎င်းကိုယ်တိုင်ကလည်း ဂီနီတွင် အီဘိုလာဗိုင်းရပ်စ်ပိုး ကူးစက်ခံနေရသူများနှင့် အနီးကပ် ဆက်ဆံမှုများရှိခဲ့သည်ဟု ၀န်ခံခဲ့ကြောင်း ကျန်းမာရေးဝန်ကြီး အ၀ါ မာရီ ကိုးလ် ဆက်က ပြောကြားခဲ့သည်။
ထိုကဲ့သို့ တွေ့ရှိခဲ့ရခြင်းမှာ ဆီနီဂေါလ်တွင် ပထမဦးဆုံးဖြစ်ပြီး လိုက်ဘေးရီးယား၊ ဂီနီ၊ ဆီရာလီယိုနီ၊ နိုက်ဂျီးရီးယားတို့ပြီးနောက် အီဘိုလာဗိုင်းရပ်စ်ပိုး ပြန့်နှံ့သည့် ပဉ္စမမြောက်နိုင်ငံ ဖြစ်လာခဲ့သည်။
ကမ္ဘာ့ကျန်းမာရေးအဖွဲ့ WHO ကမူ ရောဂါပိုးကူးစက်ခံရသူများမှာ လက်ရှိသတင်းရရှိသည့် အရေအတွက်ထက် ၆ ဆခန့် ပိုမိုမြင့်မားနိုင်ပြီး၊ ပြန့်နှံ့မှုများနှုန်း မှာလည်း မြင့်တက်လာနိုင်သည်ဟု ပြီးခဲ့သည့် ရက်ပိုင်းအတွင်း ပြောကြားခဲ့သည်။
ထိုဗိုင်းရပ်စ်ပိုးအား တွန်းလှန်အတွက် အမေရိကန် ဆေးဝါးထုတ်လုပ်ရေး ကုမ္ပဏီကြီး တစ်ခုဖြစ်သည့် GlaxoSmithKline နှင့် အမေရိကန်အစိုးရတို့မှာ လာမည့်သီတင်းပတ် အတွင်း ဆေးဝါးသစ်တစ်မျိုးကို အီဘိုလာ ဗိုင်းရပ်စ်ပိုး ကူးစက်ခံရသည့် လူနာများအား စမ်းသပ်ကုသသွားမည်ဖြစ်သည်။
အဆိုပါဆေးမှာ ZMapp ဟု အမည်ရပြီး ကနဦးစမ်းသပ်မှုများအရ နို့တိုက် သတ္တ၀ါများတွင် ရာနှုန်းပြည့် အောင်မြင်မှု ရရှိခဲ့သည်ဟု ယမန်နေ့က ထုတ်ဝေသော Nature ဂျာနယ်တွင် ရေးသားဖော်ပြခဲ့သည်။
ref_Reuters
Leave a Reply
You must be logged in to post a comment.