News @ M-Media

ရိုဟင်ဂျာအရေး၊ ဓာတုလက်နက် စက်ရုံကိစ္စများ ကုလတွင် နိုင်ငံခြားရေးဝန်ကြီး ဦးဝဏ္ဏမောင်လွင် ရှင်းလင်း

စက်တင်ဘာ ၃၀ ၊ ၂၀၁၄
M-Media
4bb331db44257d24792a0a89aac31741_L
– ရခိုင်ပြည်နယ်တွင် ဗုဒ္ဓဘာသာဝင်များနှင့် မွတ်စလင်များအကြား အကြမ်းဖက် တိုက်ခိုက်မှုများကို အဆုံးသတ်ရန် မိမိတို့အစိုးရမှ လုပ်ဆောင်နေပြီ ဟု မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်က နယူးယောက်မြို့တွင် ပြုလုပ်နေသည့် ကမ္ဘာ့ကုလသမဂ္ဂ အထွေထွေညီလာခံတွင် ပြောကြားလိုက်သည်။

ရာစုနှစ်ဝက်ကြာ အာဏာရှင်စနစ် ကျင့်သုံးလာခဲ့ပြီး ၂၀၁၀ ခုနှစ်တွင် ပြုပြင်ပြောင်းလဲရေး လုပ်ငန်းစဉ် စတင်လာခဲ့ပြီးကတည်းက လူ့အခွင့်အရေးနှင့် ဆက်စပ်နေသည့် အဓိကပြသနာများကို ဖြေရှင်းခဲ့ပြီးဖြစ်ကြောင်း ဦးဝဏ္ဏမောင်လွင်က ပြောကြားခဲ့ပြီး ကုလသမဂ္ဂ လူ့အခွင့်အရေးကောင်စီ၏ လုပ်ငန်းစဉ်များမှ အရှေ့တောင် အာရှနိုင်ငံများကို ထုတ်ပယ်သင့်သည်ဟုလည်း ပြောကြားခဲ့သည်။

မြန်မာနိုင်ငံရှိ ရိုဟင်ဂျာနှင့် အခြားသော မွတ်စလင်များအား ဗုဒ္ဓဘာသာဝင် အကြမ်းဖက်သမားများက အကြမ်းဖက် တိုက်ခိုက်မှုများ ပြုလုပ်ခဲ့မှုကြောင့် မြန်မာနိုင်ငံ၏ ဒီမိုကရေစီ ပြုပြင်ပြောင်းလဲမှုကို အခြေပျက်စေမည်လားဟူသော စိုးရိမ်ကြောင့်ကြမှုများလည်း ပေါ်ပေါက်ခဲ့သည်။

ရခိုင်ပြည်နယ်တွင် ဖြစ်ပွားခဲ့သော အကြမ်းဖက်တိုက်ခိုက်မှုများတွင် ရိုဟင်ဂျာမွတ်စလင် ၂၈၀ ခန့် အသတ်ခံခဲ့ရပြီး ၁ သိန်း ၄ သောင်းကျော်မှာ အိုးအိမ်စွန့်ခွာ ထွက်ပြေးခဲ့ရကာ လူများ ပြွတ်သိပ်နေသော ဒုက္ခသည်စခန်းများတွင် နေထိုင်နေရသည်။

လူဦးရေ ၁.၃ သန်းခန့်ရှိသည့် ရိုဟင်ဂျာများမှာ မြန်မာနိုင်ငံ၏ တိုင်းရင်းသား လူမျိုးတစ်မျိုး အဖြစ် သတ်မှတ်ခြင်းမခံရဘဲ၊ ဘင်္ဂလားဒေ့ရ်ှမှ တရားမ၀င် ၀င်ရောက်လာကြသူများဟု မြန်မာအစိုးရက ရှုမြင်ထားသည်။ ထို့ပြင် မြန်မာနိုင်ငံ ပြုပြင်ပြောင်းလဲရေးလုပ်ငန်းစဉ် နောက်ပိုင်း ရိုဟင်ဂျာများပေါ် ခွဲခြားဆက်ဆံမှုများမှာ မြင့်တက်လာခဲ့ပြီး အချို့သော အကြမ်းဖက်မှုများမှာ လူမျိုးတုန်းသတ်ဖြတ်မှုများ ဖြစ်နိုင်သည်အထိ စိုးရိမ်စရာကောင်းခဲ့သည်။

နိုင်ငံခြားရေးဝန်ကြီး ဦးဝဏ္ဏမောင်လွင်ကမူ အကြမ်းဖက် တိုက်ခိုက်မှုများ ပြင်းထန်စွာ ဖြစ်ပွားခဲ့သည့် ရခိုင်ပြည်နယ်တွင် ငြိမ်းချမ်းရေးကို ဆောင်ကျဉ်းပေးရန် အတွက် အစိုးရအနေဖြင့် လုပ်ငန်းစဉ်တစ်ခုကို ဆောင်ရွက်နေသည်ဟု ပြောကြားခဲ့သည်။

“နောက်ဆုံး အဆုံးသတ်ကို မသွားခင်မှာ ဒီပြဿနာရဲ့ သမိုင်းဆိုင်ရာ၊ ကွဲပြားခြားနားမှု၊ ရှုပ်ထွေးမှုကို နားလည်ထားရပါမယ်။ ပြဿနာရဲ့ရင်းမြစ်ကို အဖြေရှာရင်း၊ ကျွန်တော်တို့ဟာ ငြိမ်းချမ်းရေး၊ တရားမျှတမှု၊ သဟဇာတဖြစ်မှုနဲ့ ရခိုင်ပြည်နယ်မှာရှိတဲ့ ပြည်သူအားလုံး ဖွံဖြိုးတိုးတက်မှု အတွက် ဆောင်ရွက်နေပါတယ်” ဟု ဦးဝဏ္ဏမောင်လွင်က ၎င်း၏ မိန့်ခွန်းတွင် ထည့်သွင်းပြောကြားခဲ့သည်။

ထို့ပြင် ယူနတီ ဂျာနယ်မှ ဖော်ပြခဲ့သည့် ဓာတုလက်နက်စက်ရုံနှင့် ပတ်သက်၍လည်း ၎င်းက ဓာတုလက်နက်များ တီထွင်ခြင်း၊ ထုတ်လုပ်ခြင်းနှင့် သိုလှောင်ထားရှိခြင်းကို ပိတ်ပင်ထားသော ၁၉၇၂ ခုနှစ် ဇီဝလက်နက်များဆိုင်ရာ သဘောတူညီချက်ကို  မြန်မာနိုင်ငံက လက်မှတ်ထိုးထားမှုကို ဆက်လက်အသက်ဝင်စေရန် ပါလီမန်က အတည်ပြုထားသည်ဟုလည်း ဆိုသည်။

Ref_ AP

Photo: Amanda Voisard/UN

Comments

Leave a Reply