အောက်တိုဘာ ၁၅၊ ၂၀၁၆
M-Media
– အမေရိကန်ပြည်ထောင်စုသို့ မွတ်စလင်များဝင်ရောက်မှုကို ပိတ်ပင်သည့် ထရမ့်၏ ပေါ်လစီကို အကောင်အထည်ဖော်ပါက နိုင်ငံအတွက် ဒေါ်လာ ဘီလီယံပေါင်းများစွာ နစ်နာနိုင်သည်ဟု လေ့လာမှုသစ်တစ်ခုအရ သိရသည်။
အဆိုပါလေ့လာမှုကို နိုင်ငံခြား ဆက်ဆံရေးကောင်စီမှ ပညာရှင်များက ပြုလုပ်ခဲ့ခြင်းဖြစ်ပြီး မွတ်စလင်များကို အမေရိကန်အတွင်း ၀င်ရောက်ရန် ပိတ်ပင်ပါက ခရီးသွားကဏ္ဍနှင့် ပညာရေးကဏ္ဍတို့တွင် နှစ်စဉ် ကန်ဒေါ်လာ ၇၁ ဘီလီယံ ဆုံးရှုံးနိုင်သည်ကို တွေ့ရှိခဲ့သည်။
ထိုပြင် ထိုပိတ်ပင်မှုက ခရီးသွားလာရေးလုပ်ငန်းများကို မှီခိုနေရသည့် လူ့အဖွဲ့အစည်းများ၊ ၀န်ဆောင်မှုများကိုလည်း ထိခိုက်မည်ဖြစ်ပြီး အလုပ်အကိုင်ပေါင်း ၅၀၀၀၀ မှ ၁၃၅၀၀၀ အထိ ဆုံးရှုံးနိုင်သည်ဟုလည်း ဆိုသည်။
အမေရိကန် တက္ကသိုလ်နှင့် ကောလိပ်များမှ နိုင်ငံတကာ မွတ်စလင်ကျောင်းသားများ နှုတ်ထွက်သွားပါကလည်း ကန်ဒေါ်လာ ၄.၆ ဘီလီယံ နစ်နာနိုင်မည်ဖြစ်ပြီး အမေရိကန်၏ ပညာရေးစနစ်တွင် နိုင်ငံခြားကျောင်းသားများ၏ သုံးစွဲမှု ၁၅ ရာခိုင်နှုန်း ဖြစ်သည်။
ထို့ပြင် တစ်နှစ်လျှင် မွတ်စလင်ခရီးသွား ၄.၅ သန်းမှ ၉.၃ သန်းအထိ ဆုံးရှုံးမည်ဟု လေ့လာသူများက ပြောကြားခဲ့သည်။
အကြမ်းဖက်မှုများကို တားဆီးရန်အတွက် ထရမ့်က နိုင်ငံရပ်ခြားမှ မွတ်စလင်များ အမေရိကန်နိုင်ငံအတွင်းသို့ ၀င်ရောက်မှုကို လုံးဝ ပိတ်ပင်ရမည်ဟု ပြောကြားထားသော်လည်း အသေးစိတ်လုပ်ငန်းစဉ်ကို ထုတ်ဖော်ခြင်း မရှိသေးပေ။
“ခရီးသွားလုပ်ငန်းဝင်ငွေမှာ လျော့ကျမှုဟာ ဒေသတွင်းလူ့အဖွဲ့အစည်း အထူးသဖြင့် ခရီးသွားလုပ်ငန်းက စီးပွားရေးအတွက် အရေးပါတဲ့ အစိတ်အပိုင်းဖြစ်နေတဲ့ နေရာတွေမှာ သိသိသာသာ ထိခိုက်မှုတွေ ရှိလာနိုင်ပါတယ်။ ထောက်ပံ့ရေး ကွင်းဆက်တွေလည်း ထိခိုက်ပြီး သုံးစွဲမှုတွေ လျော့ကျမယ်။ ဒေသတွင်းအစိုးရတွေရဲ့ ၀င်ငွေတွေလျော့ကျပြီး စီးပွားရေးမှာ၊ အစိုးရက ၀န်ဆောင်မှုပေးတဲ့နေရာတွေမှာ ရေရှည် ဆိုးကျိုးသက်ရောက်မှုတွေ ရှိလာမှာ ဖြစ်ပါတယ်” ဟု လေ့လာမှုခေါင်းဆောင် အဒ်ဝပ် အလ်ဒင်က ပြောကြားခဲ့သည်။
Ref : The Hill
Leave a Reply
You must be logged in to post a comment.