ဇွန် ၂၊ ၂၀၁၇
M-Media
– ဒေသအတွင်းမှာ လူမျိုးစုတွေအချင်းချင်း သဟဇာတဖြစ်မှု၊ ညီရင်းအစ်ကိုစိတ်ဓာတ်ကို ပြသဖို့အတွက် အိန္ဒိယနိုင်ငံမြောက်ပိုင်း ပန်ဂျပ်ပြည်နယ်က ဆစ်ခ်နဲ့ ဟိန္ဒူဘာသာဝင်တွေဟာ အစ္စလာမ်ဘာသာဝင်တွေ ၀တ်ပြုဖို့အတွက် ဗလီဝတ်ကျောင်းတစ်လုံး ဆောက်လုပ်ပေးခဲ့ကြတယ်လို့ သိပါတယ်။
ဂါလစ်ဘ် ရက် ဆင်း ၀ါလ်ဆိုတဲ့ ရွာလေးမှာဖြစ်ပြီး အဲဒီရွာလေးမှာ ဆစ်ခ်၊ ဟိန္ဒူတွေ အများစု နေထိုင်ကြတာပါ။ အဲဒီရွာက မွတ်စလင်တွေဟာ အရင်က နေ့စဉ် ဘုရားဝတ်ပြုဖို့အတွက် အနားက တစ်ခြားရွာတစ်ရွာကို သွားရောက်ကြရပါတယ်။
ဒါ့ပေမယ့် ဆစ်ခ်နဲ့ ဟိန္ဒူဘာသာဝင်တွေဟာ အခုနှစ် ရမ်ဇာန်ဥပုသ်လအမီ ‘ဟရဇသ် အဘူဘာကာရ်’ ဆိုတဲ့ အမည်နဲ့ ဗလီဝတ်ကျောင်းတော်တစ်လုံး ဆောက်လုပ်ပေးခဲ့ပြီး မွတ်စလင်ကို အပ်နှံခဲ့ပါတယ်။
ဒီရွာမှာနေထိုင်သူ လီယာကသ် အလီက မိမိတို့ရဲ့ အချိန်အတော်ကြာကတည်းက မျှော်လင့်ခဲ့တဲ့ လိုလားချက်ဟာ အခုအချိန်မှာတော့ ပြည့်ဝသွားပြီး၊ ဒီဗလီဝတ်ကျောင်းတော်ဟာ မိမိတို့အတွက် ဆစ်ခ်၊ ဟိန္ဒူညီအစ်ကိုတွေရဲ့ ၀ါကျွတ်အီးဒ်နေ့လက်ဆောင်လည်း ဖြစ်တယ်လို့ ပြောကြားခဲ့ပါတယ်။
ဂါလစ်ဘ် ရက် ဆင်း ၀ါလ်ရွာမှာ လူဦးရေပေါင်း ၁၃၀၀ လောက်ရှိပြီး ဆစ်ခ်လူမျိုးက ၇၀၀ ရှိကာ၊ ဟိန္ဒူကတော့ ၂၀၀ ရှိပါတယ်။ မွတ်စလင်လူဦးရေးကတော့ ၁၅၀ သာ ရှိပါတယ်။
ပန်ဂျပ်ပြည်နယ်က အီမာမ်တစ်ပါးဖြစ်တဲ့ မောင်လာနာ ဟာဘစ် အွရ် ရဟ်မန်၊ ဆာနီ လူဒီယန်ဗီက ဒီလုပ်ရပ်ဟာ ရွာသားတွေရဲ့ ညီရင်းအစ်ကို စိတ်ဓာတ်ကို ထင်ဟပ်နေတယ်လို့ ကြေားခဲ့ပါတယ်။
ဒီရွာမှာ ဗလီဝတ်ကျောင်းတော် ဆောက်လုပ်ခွင့်ကို အစိုးရက ၁၉၉၈ ခုနှစ်မှာ ချပေးခဲ့ပေမယ့် ရွာသားတွေရဲ့ အကူအညီနဲ့ ပြီးခဲ့တဲ့နှစ်ကမှ စတင် ဆောက်လုပ်နိုင်ခဲ့တာဖြစ်ပါတယ်။ ရွာသူကြီး ဂျက်ဒီပ် ကူရ်က သူ့ရဲ့ရွာဟာ လူမျိုးရေး သဟာဇတဖြစ်မှုရဲ့ စံနမူနာဖြစ်တယ်လို့ ဆိုပါတယ်။
Ref: Huffington Post