မတ် ၇၊ ၂၀၁၆
M-Media
– ပါလက်စတိုင်းနယ်မြေများအား အစ္စရေးက သိမ်းပိုက်မှုကို အဆုံးသတ်ရန် အင်ဒိုနီရှားသမ္မတ ဂျိုကို ၀ီဒိုဒိုက တိုက်တွန်းခဲ့ပြီ နိုင်ငံတကာအသိုင်းအ၀ိုင်းမှ စိတ်ရှည်သည်းခံမှု ကုန်ဆုံးခဲ့သည်မှာ ကြာမြင့်ခဲ့ပြီဟု ပြောကြားလိုက်သည်။
ဂျကတာ၌ပြုလုပ်သော ပါလက်စတိုင်းနှင့် ဂျေရုစလင်ဆိုင်ရာ အိုအိုင်စီအဖွဲ့၏ ၅ ကြိမ်မြောက် အထူးထိပ်သီးအစည်းအဝေး ဒုတိယမြောက်နေ့ဖြစ်သော ယနေ့ အဖွင့်မိန့်ခွန်းတွင် ပြောကြားခဲ့ခြင်းဖြစ်ပြီး အိုအိုင်စီနိုင်ငံများအနေဖြင့် အစ္စရေး-ပါလက်စတိုင်း ပြဿနာအား ဖြေရှင်းမှု၏ အစိတ်အပိုင်းဖြစ်ရမည်ဟုလည်း သတိပေးခဲ့သည်။
“နိုင်ငံတကာအသိုင်းအ၀ိုင်းရဲ့ အစိတ်အပိုင်းအဖြစ် အစ္စရေးဟာ တရားမ၀င်လုပ်ရပ်တွေ၊ သိမ်းပိုက်ထားတဲ့ ပါလက်စတိုင်းပိုင်နက်မှာ ချမှတ်ထားတဲ့ ပေါ်လစီတွေကို ရပ်တန့်ပစ်ရပါလိမ့်မယ်။ အင်ဒိုနီးရှားနဲ့ အစ္စလာမ်ကမ္ဘာကလည်း ပါလက်စတိုင်းအပေါ် အစ္စရေးရဲ့ ကိုလိုနီပြုမှုနဲ့ အလ်-ကွဒ်စ် အလ်-ရှရစ်ဖ် (ဂျေရုစလင်) မှာ ထင်တိုင်းကြဲနေတာတွေကို အဆုံးသတ်ရေး တွန်းအားပေးဖို့အတွက် ခိုင်မာတဲ့ခြေလှမ်းတွေလှမ်းဖို့ လိုအပ်ပါတယ်” ဟု ဂျိုကိုဝီဒိုဒိုက ပြောကြားခဲ့သည်။
ပါလက်စတိုင်းမှာ ဂျေရုစလင်ကို ၎င်းတို့ အနာဂတ်နိုင်ငံ၏ မြို့တော်အဖြစ် ထားချင်နေသည်။ အိုအိုင်စီက ယခုကျင်းပသည့် ထိပ်သီးအစည်းအဝေးမှာ ပါလက်စတိုင်းအာဏာပိုင်အဖွဲ့၏ တောင်းဆိုမှုကြောင့် ပြုလုပ်ခြင်းဖြစ်ပြီး ပါလက်စတိုင်း ပိုင်နက်များအတွင်း ဆိုးရွားလာသော အခြေအနေများကို ဆွေးနွေးရန်နှင့် ပါလက်စတိုင်းလွတ်မြောက်ရေးအပေါ် အိုအိုင်စီ၏ ထောက်ခံမှုကို ပိုမိုခိုင်မာစေရန်အတွက်လည်း ဖြစ်သည်။
ပါလက်စတိုင်းသမ္မတ မဟ်မူးဒ်အဘတ်စ်ကမူ အစ္စရေးဘက်မှ ဆက်လက်လုပ်ဆောင်နေသော တရားမ၀င်အိမ်ယာများ ဆောက်လုပ်မှုက နှစ်နိုင်ငံအဖြေကို ခြိမ်းခြောက်နေသည်ဟု ပြောကြားခဲ့သည်။ ဂျကာတာ၌ ပြုလုပ်ပြီး ၂ ရက်တာ ကြာမြင့်မည့် ယခုထိပ်သီးအစည်းဝေးကို အိုအိုင်စီအဖွဲ့ဝင် ၅၇ နိုင်ငံမှ ၄၉ နိုင်ငံ တက်ရောက်ခဲ့ကြသည်။
Ref: IINA
