Tag: PremierLeague

နိုဝင်ဘာ ၅ ၊ ၂၀၁၄
M-Media

– နုစဉ်အခါက လျှမ်းလျှမ်းတောက်ခဲ့တဲ့ အင်္ဂလန် ဂိုးသမားဟောင်း ဒေဗစ်ဂျိမ်းရဲ့ ၀မ်းနည်းဖွယ် သတင်းတစ်ပုဒ် အခုရက်ပိုင်းအတွင်းမှာ ထွက်လာခဲ့ပါတယ်။

ဒါကတော့ ဂျိမ်းတစ်ယောက် ဒေ၀ါလီခံပြီး ပိုင်ဆိုင်သမျှ ပစ္စည်းတွေကို လေလံတင် ရောင်းချနေရပြီဆိုတာပါပဲ။

ပရီးမီးယားလိဂ်အသင်းတွေဖြစ်တဲ့ လီဗာပူးလ်၊ မန်စီးတီး၊ ပို့စ်မောက်တို့မှာ ကစားခဲ့တဲ့ ဂျိမ်းစ်တစ်ယောက် ပရော်ဖက်ရှင်နယ် ကစားသမားဘ၀မှာ လုပ်ခလစာ၊ စပွန်စာ စာချုပ်တွေနဲ့ စုစုပေါင်း ပေါင် သန်း ၂၀ လောက် ပိုင်ဆိုင်ခဲ့တာပါ။

ဒါပေမယ့် ၂၀၀၅ ခုနှစ်မှာ ငယ်ချစ်နဲ့ ဇာတ်လမ်းပြန်ဆက်ဖို့ ဆယ်စုနှစ် တစ်ခုလောက် ပေါင်းသင်းလာတဲ့ ဇနီးဖြစ်သူ တန်ယာနဲ့ ကွာရှင်းခဲ့ပါတယ်။

ကွာရှင်းခအဖြစ် ဂျိမ်းစ်က ပေါင် ၃ သန်း ပေးခဲ့ရပြီး အဲဒီအချိန်ကစလို့ ဂိုးသမားကြီးဟာ အကြွေး နွံ့နစ်ခဲ့ကာ အခုအချိန်မှာတော့ သူဝတ်ခဲ့တဲ့ ဂျာစီတွေ၊ စီးခဲ့တဲ့ကားတွေ၊ စပီကာတွေ လျှပ်စစ်လွှတွေ စသဖြင့် ပိုင်ဆိုင်သမျှပစ္စည်း ၁၅၀ ကျော်လောက်ကို လေလံတင်ရောင်းရတဲ့ ဘ၀ကို ရောက်ခဲ့ရပါပြီ။

နိုဝင်ဘာ ၆ ရက်နေ့ကနေ ၁၈ ရက်နေ့အထိ www.hilcoind.com မှာ လေလံတင်ရောင်းချမှာဖြစ်တဲ့ ဂျိမ်းစ်ရဲ့ ပစ္စည်းတွေထဲမှာ လမ်းပတ်လက်မှတ်နဲ့ ချယ်ဆီးဂျာစီ၊ ၂၀၁၀ FA ဖလားဗိုလ်လုပွဲမှာ လဲခဲ့တဲ့ ပီတာဆက်ခ်ျရဲ့ ဂျာစီ၊ ဗန်ဒါဆားနဲ့ လဲခဲ့တဲ့ ဟော်လန်ဂျာစီ စသဖြင့် ပါဝင်ပြီး ဘောလုံးနဲ့ မသက်ဆိုင်တဲ့ ပစ္စည်းတွေထဲမှာတော့ ခရမ်းရောင် ဗန်ကား၊ ဒီဂျေ ကိရိယာတစ်ခု၊ အဲလစ်ဇဘက် ဘုရင်မကြီး ပုံပါတဲ့ မတ်ခွက်လည်း ပါဝင်ပါတယ်။

ref_ Daily Mail

နိုဝင်ဘာ ၅ ၊ ၂၀၁၄
M-Media

– ပြီးခဲ့သည့် တစ်ပတ်က ပရိတ်သတ်များနှင့် ပတ်သက်၍ ပြောကြားခဲ့သည့် မိမိ၏ မှတ်ချက်အား မိမိတာဝန်ယူပြီး အခြားအသင်းကြီးများထက်စာလျှင် ချယ်ဆီး ပရိတ်သတ်များမှာ မိမိတို့ အသင်းကို အားပေးမှုနည်းသည်ဟု မော်ရင်ဟိုက ပြောကြားလိုက်သည်။

စတမ်းဖို့ဒ်ဘရစ်ခ်ျတွင် ကျူပီအာရ်အား ၂ ဂိုး ၁ ဂိုးဖြင့် အနိုင်ရခဲ့သည့် ပွဲပြီးနောက် မော်ရင်ဟိုက မိမိတို့အသင်းမှာ ပရိတ်သတ် မရှိသည့် ကွင်းတွင် ကစားနေရသည်ဟု ပြောဆိုခဲ့ခြင်းဖြစ်သည်။ ထို့ကြောင့် ဝေဖန်မှုများရှိလာခဲ့ပြီး မော်ရင်ဟိုကလည်း မိမိစကားအား မရုပ်သိမ်းဟု ပြောကြားခဲ့သည်။

“အိမ်ကွင်းပွဲတွေမှာ ကျွန်တော်တို့ဟာ အားပေးမှုနည်းပါတယ်။ အရင်အချိန်နဲ့ နှိုင်းယှဉ်ရင် ဒါဟာ ပိုဆိုးလာတယ်လို့ ကျွန်တော်ထင်ပါတယ်” ဟု မော်ရင်ဟိုက ပြောကြားခဲ့သည်။

ပရိတ်သတ်၏ အားပေးမှုအတွက် မော်ရင်ဟိုက ထိုကဲ့သို့ ဝေဖန်ခဲ့သော်လည်း အသင်းမှာ ကောင်းမွန်စွာကစားနေသည့် တစ်လျှောက်လုံး မိမိတို့က နည်းပြအပေါ် အမြင်ပြောင်းလဲသွားမည် မဟုတ်ဟု “ချယ်ဆီးအားပေးသူများ” အဖွဲ့၏ ဥက္ကဌဖြစ်သူ တင်မ်ရိုးလ်က ပြောကြားခဲ့သည်။

“သူဟာ အလွန့်အလွန် လူကြိုက်များတဲ့ နည်းပြတစ်ဦးပါ။ ဒါနဲ့ပတ်သက်ပြီးတော့ သူ့အပေါ်မှာ ဒေါသဖြစ်တာမျိုး လုံးဝ မရှိပါဘူး။ သူဟာ သူ့ရဲ့ရှုထောင့်ကို ပြောခဲ့တာပါ။ သူဟာ ပွဲတွေကို အနိုင်ကစားနေတယ်။ ပြီတော့ကျွန်တော်တို့ဟာ ထိပ်ဆုံးမှာပါ” ဟု ရိုးလ်စ်က ပြောကြားခဲ့သည်။

နိုဝင်ဘာ ၄ ၊ ၂၀၁၄
M-Media

– ဒါဘီပွဲ လေးကြိမ်ဆက်အဖြစ် မန်စီးတီးအား ရှုံးခဲ့ရခြင်းအတွက် စိတ်မသက်မသာ ဖြစ်သော်လည်း မိမိအသင်းမှာ ထိုအရှုံးမှ ပြန်လာမည်ဟု မန်ယူကွင်းလယ်လူ မာတာက ပြောကြားလိုက်သည်။

ထိုပွဲအရှုံးကြောင့် မန်ယူမှာ အဆင့် ၁၀ နေရာသို့ ရောက်သွားခဲ့ပြီး ဇယားထိပ်မှ ချယ်ဆီးနှင့် ၁၃ မှတ်အထိ ကွာဟသွားခဲ့ပြီဖြစ်သည်။

“ဒါဘီပွဲတွေဟာ အမြဲတမ်းထူးခြားပြီး မန်ချက်စတာ ဒါဘီကတော့ တကယ့်ကို ပြင်းထန်ပါတယ်။ ဒါကို တစ်ပတ်လုံး မန်ချက်စတာရဲ့လမ်းတွေပေါ်မှာ ခံစားနိုင်ပါတယ်။ ဒါ့ကြောင့်ပဲ အရှုံးကို လက်ခံဖို့ ခက်ခဲနေတာပါ။ ကွင်းထဲမှာ အသင်းဖော်တွေကို မကူညီနိုင်ခဲ့ပေမယ့် တစ်သင်းလုံး စိတ်မသက်မသာဖြစ်နေတယ်ဆိုတာကိုတော့ ကျွန်တော် ပြောနိုင်ပါတယ်” ဟု မာတာက ၎င်း၏ ဘလော့တွင် ရေးသားဖော်ပြခဲ့သည်။

ထို့ပြင် ယခုအချိန်၌ အမှတ်ပေးဇယားကို ကြည့်ခြင်းထက် အသင်းတွင် တိုးတက်ရန်နှင့် ပွဲများကို အနိုင်ရရန် အာရုံစိုက်ရမည်ဖြစ်ကြောင်း၊ မိမိတို့အသင်းမှာ အရှုံးမှ ပြန်လာနိုင်မည်ဖြစ်ကြောင်း မာတာက ထပ်လောင်းပြောကြားခဲ့သည်။

ယခုနှစ် ပရီးမီးယားလိဂ်တွင် ၃ ပွဲသာ အနိုင်ရရှိထားသည့် မန်ယူမှာ ယခုသီတင်းပတ်တွင် ခရစ္စတယ်ပဲလေ့စ်နှင့် အဝေးကွင်းတွင် သွားရောက်ကစားရမည်ဖြစ်ပြီး မာတာကမူ မိမိတို့ အခြေအနေကို ထိုပွဲတွင် ပြောင်းလဲနိုင်မည်ဟု ယုံကြည်ကြောင်း ရေးသားခဲ့သည်။

နိုဝင်ဘာ ၄၊ ၂၀၁၄
M-Media

– ယမန်နေ့က ကစားခဲ့သည့် မန်ချက်စတာ ဒါဘီပွဲတွင် မန်ယူကွင်းလယ်လူ ဖယ်လိုင်နီမှာ မန်စီးတီးတိုက်စစ်မှူး အဂူရိုအား တံတွေးဖြင့်ထွေးခဲ့သည်ဟု သတင်းများ ပေါ်ထွက်လာမှုကို နည်းပြဗန်ဂါလ်းက ငြင်းဆိုလိုက်သည်။

ပထမပိုင်းပြီးကာနီး မန်ယူအသင်း၏ ဂိုးဧရိယာထဲတွင် ဖယ်လိုင်နီ၏ ဖျက်ထုတ်မှုကြောင့် အဂူရိုလဲကျသွားပြီး ပင်နယ်တီတောင်းရာ ဖယ်လိုင်နီမှာ အဂူရိုအား အော်ဟစ်ခဲ့သည်။ ထိုအချိန်တွင် ဖယ်လိုင်နီ၏ ပါးစပ်မှ တံတွေးများထွက်သွားခဲ့ရာ ဖယ်လိုင်နီမှာ အဂူရိုအား တံတွေးဖြင့် ထွေးခဲ့သည်ဟု ပြောကြားမှုများ ရှိနေသည်။

သို့သော်လည်း ဗန်ဂါးလ်ကမူ ထိုကဲ့သို့ တံတွေး ထွက်သွားခြင်းမှာ မတော်တဆဖြစ်ပြီး ရည်ရွယ်ချက် မရှိဟု ပြောကြားခဲ့သည်။

“အနှေးပြကွက်တွေမှာ သူဟာ အော်ဟစ်နေတယ်ဆိုတာ တွေ့ရပါတယ်။ တစ်ခါတစ်လေမှာ အဲဒီုလိုအော်ရင်း တံတွေးအနည်းငယ် ထွက်တာမျိုးရှိပါတယ်။ သူ(ဖယ်လိုင်နီဟာ) တံတွေးထွေး တတ်တဲ့ လူတစ်ယောက်လို့ ကျွန်တော်မထင်ပါဘူး” ဟု ဗန်ဂါးလ်က ပွဲအပြီးတွင် ပြောကြားခဲ့သည်။

မန်စီးတီးနည်းပြ ပယ်လီဂရီနီကမူ ထိုအဖြစ်အပျက်အား မိမိမမြင်လိုက်ဟု ဆိုသည်။အင်္ဂလန်ဘောလုံးအဖွဲ့ချုပ် FA ကမူ ထိုအဖြစ်အပျက်အတွက် ကွင်းလယ်ဒိုင်၏ အစီရင်ခံစာကို စောင့်ဆိုင်းနေသည်။

ကွင်းလယ်ဒိုင်နှင့် ၎င်း၏ လက်ထောက်များ ထိုအဖြစ်အပျက်ကို မမြင်ပါက ထိုအဖြစ်အပျက်အတွက် FA က ထိုပွဲ၏ဗီဒီယိုကို ပြန်လည်ကြည့်ရှုသွားမည်ဖြစ်ပြီး ဖယ်လိုင်နီတွင် အပြစ်ရှိမရှိ စစ်ဆေးသွားမည်ဖြစ်သည်။

ref_ Daily Mail