သြဂုတ်-၁၁ ရက်၊ ၂၀၁၃
M-Media
စပိန်ထပ်သီးကလပ် ဘာစီလိုနာအသင်းသည် ငြိမ်းချမ်းရေးမြှင့်တင်မှုခရီးစဉ်အဖြစ် အစ္စရေးနှင့် ပါလက်စတိုင်းနိုင်ငံများသို့ ပြီးခဲ့သည့် သြဂုတ်လ ၃ ရက်၊ စနေနေ့က သွားရောက်ခဲ့ကြသည်ဟု သိရသည်။
သောကြာနေ့ညတွင်ဘရာဇီး၌ ခြေစမ်းပွဲကစားခဲ့ပြီး စနေနေ့ နေ့လယ်ပိုင်းတွင် အစ္စရေးသို့သွားရောက်ခဲ့ကြကာ တနင်္ဂနွေနေ့ညပိုင်းတွင် ပြန်လည်ထွက်ခွာခဲ့ကြသည်။
အဆိုပါငြိမ်းချမ်းမှုမြှင့်တင်ရေး ၂ ရက်တာ ခရီးစဉ်အတွင်း ဘာစီလိုနာအသင်းသည် အစ္စရေးမှသိမ်းပိုက်ထားသည့် အနောက်ဘက်ကမ်းရှိ ဂျူးဘုရားကျောင်း၊ ဘက်သလင်ဟမ်ရှိ ခရစ်ယာန်ဘုရားကျောင်းများသို့လည်ပတ်ခြင်း၊ အစ္စရေးနှင့် ပါလက်စတိုင်း တာဝန်ရှိသူများနှင့် တွေ့ဆုံခြင်း၊ တလ်အဗီးရှိ ဘလုမ်းဖီးလ်ဒ် အားကစားကွင်းနှင့် အနောက်ဘက်ကမ်းရှိ ဒူရာအားကစားကွင်းတို့တွင် အစ္စရေးနှင့် ပါလက်စတိုင်း ဘောလုံး ပရိတ်သတ်များအား ဘောလုံး စွမ်းရည်ပြပွဲများဖြင့် ဖျော်ဖြေခြင်းတို့ကိုပြုလုပ်ခဲ့ကြသည်။ ထိုစွမ်းရည်ပြပွဲသို့ လူငယ်အများအပြားလာရောက်ကြည့်ရှုခဲ့ကြသည်။
ဘာစီလိုနာဥက္ကမှ ယခုကဲ့သို့လာရောက်ခွင့်ရခြင်းကိုဂုဏ်ယူကြောင်းပြောကြားခဲ့ပြီး အစ္စရေးနှင့် ပါလက်စတိုင်းနှစ်နိုင်ငံ တာဝန်ရှိသူများကလည်း ထိုကဲ့သို့သော အစီအစဉ်များက နှစ်နိုင်ငံ ငြိမ်းချမ်းရေးဖော်ဆောင်မှုကို များစွာအထောက်အကူဖြစ်စေကြောင်း ပြောကြားခဲ့သည်။ ကာလကြာရှည်စွာ ရပ်နားခဲ့ရသည့် အစ္စရေးနှင့် ပါလက်စတိုင်း နှစ်နိုင်ငံငြိမ်းချမ်းရေး ဆွေးနွေးမှုကို ပြီးခဲ့သည့် သီတင်းပတ်က ၀ါရှင်တန်တွင် ပြန်လည်စတင်ခဲ့သည်။
ဘာစီလိုနာအသင်းသည် ငြိမ်းချမ်းရေးမြှင့်တင်ရေးခရီးစဉ်အဖြစ် ၂၀၀၅ ခုနှစ်က တစ်ကြိမ် သွားရောက်ခဲ့ဖူးပြီး ရီးယဲလ်မက်ဒရစ်အသင်းကလည်း ၂၀၀၇ ခုနှစ်က တစ်ကြိမ်သွားရောက်ခဲ့သည်။
AP
Leave a Reply
You must be logged in to post a comment.