Author: Ko Lay

အောက်တိုဘာ ၇၊ ၂၀၁၇
M-Media

– ‘ရုရှား-အစ္စလာမ်ကမ္ဘာ’ မဟာဗျူဟာအဖွဲ့က ဆော်ဒီအာရေဗျနိုင်ငံတွင် တွေ့ဆုံပွဲပြုလုပ်ရန် ပန်ကြားမှုကို ရုရှားနိုင်ငံသို့ ရောက်ရှိနေသည့် ဆော်ဒီဘုရင် ဆလ်မန်က သဘောတူခဲ့သည်ဟု သိရသည်။

ဘုရင်ဆလ်မန်နှင့် တာတာစတန် ကိုယ်ပိုင်အုပ်ချုပ်ခွင့်ဒေသ သမ္မတဖြစ်သူ ရူစတန် မီနီခါနော့ဗ်တို့ မော်စကိုတွင် ယမန်နေ့တွေ့ဆုံစဉ် ထိုကဲ့သို့ သဘောတူညီချက် ရရှိခဲ့ခြင်းဖြစ်သည်။

ရုရှားသမ္မတ ပူတင်၏ လမ်းညွှန်မှုအောက်တွင် ရှိနေသည့် ‘ရုရှား-အစ္စလာမ်ကမ္ဘာ’ မဟာဗျူဟာအဖွဲ့တွင် မီနီခါနော့ဗ်မှာ ဥက္ကဌအဖြစ် တာဝန်ထမ်းဆောင်နေပြီး၊ အဆိုပါအဖွဲ့၏ လှုပ်ရှားမှုများ လက်ရှိ ဆောင်ရွက်နေသည့် ကိစ္စများကို ဘုရင်ဆလ်မန်နှင့် တွေ့ဆုံစဉ် အကျဉ်းချုံး ပြောကြားခဲ့သည်ဟု တာတာစတန် သမ္မတရုံးမှ ထုတ်ပြန်သော ကြေငြာချက်တွင် ဖော်ပြခဲ့သည်။

‘ရုရှား-အစ္စလာမ်ကမ္ဘာ’ အဖွဲ့ကို ရုရှားက အိုအိုင်စီအဖွဲ့တွင် စောင့်ကြည်သူအဖြစ် ၀င်ရောက်သည့် ၂၀၀၆ ခုနှစ်တွင် ထိုစဉ်က ရုရှားဝန်ကြီးချုပ် အီ အမ် ပရီမာကော့ဗ်နှင့် တာတာစတန်သမ္မတ အမ်-အက်စ် ရှိုင်မီဗ်တို့ ဦးဆောင်ကာ ဖွဲ့စည်းခဲ့ခြင်းဖြစ်သည်။

Ref: Alarabiay

အောက်တိုဘာ ၇၊ ၂၀၁၇
M-Media

– ဆော်ဒီဘုရင် ဆလ်မန်၏ မော်စကိုခရီးစဉ်၌ ရုရှားထံမှ S-400 ဒုံးခွင်းစနစ် ၀ယ်ယူရန် ပဏာမသဘောတူညီမှုများ ရရှိခဲ့သည်ဟု အာဏာပိုင်များက ပြောကြားခဲ့သည်။

နန်းစံသည့်ကာလအတွင်း ရုရှားနိုင်ငံသို့ ပထမဆုံးလာရောက်သည့် ဆော်ဒီဘုရင် ဆလ်မန်ကို ကရင်မလင်နန်းတော်တွင် သမ္မတပူတင်က ဧည့်ခံစကားပြောခဲ့သည့် ကြာသာပတေးနေ့တွင် ယခုသဘောတူညီချက်ကို ထုတ်ပြန်ခဲ့ခြင်းဖြစ်သည်။

S-400 ဒုံးခွင်းစနစ်နှင့်အတူ Kornet တင့်ဖျက် ပဲ့ထိန်းဒုံးကျည်မျာ၊ ဒုံးပစ်လောင်ချာများ ၀ယ်ယူရန်လည်း ဆော်ဒီက သဘောတူညီချက် ရယူခဲ့သည်။

အဆိုပါ သဘောတူညီချက်များက ဆော်ဒီစစ်တပ်၏ တိုးတက်မှုအတွက် အရေးပါသည့် အခန်းကဏ္ဍမှ ပါဝင်ဖွယ် ရှိနေသည်။

ဘုရင်ဆလ်မန်ဦးဆောင်သည့် ဆော်ဒီကိုယ်စားလှယ်အဖွဲ့မှာ ဒေါ်လာဘီလီယံနှင့်ချီသည့် ရင်းနှီးမြှုပ်နှံမှုဆိုင်ရာ သဘောတူညီချက်များကိုလည်း ရုရှားနှင့် ချုပ်ဆိုခဲ့သည်။ ဆော်ဒီ၏ အဆိုပါ ရင်းနှီးမြှုပ်နှံမှုများက ရေနံဈေးကျမှု၊ အနောက်နိုင်ငံများ၏ ပိတ်ဆို့မှုများကြောင့် ကျဆင်းနေသည့် ရုရှားစီးပွားရအတွက် အထောက်အကူ ဖြစ်စေမည်ဖြစ်သည်။

Ref : Aljazeera